Fokotu'u e kautaha fo'ou (Media Association) 'a e kau faiongoongo 'a Tonga Featured
14 Me, 2018. Kuo fokotu'u 'a e kautaha fo'ou 'a e kau faiongoongo 'a Tonga lolotonga 'a e fakataha hono 5 'a e kau faiongoongo 'a e Pasifiki na'e fakahoko mai ki Tonga ni 'i he uike kuo 'osi (5th Pacific Islands Media Summit in Tonga).
'Oku mahino foki 'i he tu'unga 'oku 'i ai 'a e fonua he ngaahi 'aho ni 'oku 'ikai fu'u lelei 'a e va 'o e kau faiongoongo mo e ngaahi kautaha ongoongo mo e Pule'anga 'a ia 'oku tui 'a e kautaha ni koe konga honau fatongia ke fai hano fakatokamalie 'a e va ko'eni.
'Oku 'uhinga 'eni ki he 'atakai faka-sosiale mo faka-politikale 'oku 'i ai 'a Tonga he 'aho ni mo e ngaahi faka'ilonga 'a e feinga 'a e Pule'anga kene fakafe'atungia'i 'a e tau'ataina 'a e ongoongo moe kau faiongoongo.
Kuo fokotu'u foki 'a Luseane Luani koe palesiteni ia 'o e kautaha fo'ou ni pea 'oku 'i ai mo e ngaahi fokotu'utu'u 'oku lolotonga fakahoko ki hono teke 'a e ngaahi visone mo e taumu'a 'o e kautaha ni.
'I he taimi tatau foki na'e fakamamafa'i lolotonga 'a e fakataha hono 5 'a e kau faiongoongo 'a e Pasifiki na'e fakahoko mai ki Tonga ni 'i he uike kuo 'osi 'a e mahu'inga 'o e tau'ataina 'a e ongoongo ke fakahoko totonu honau fatongia ki he fonua.
 'a e kau faiongoongo 'a Tonga "Pin It")