Tali 'e he Fale Alea kole Patiseti Fakalahi Pa'anga 31 Miliona 'a e Pule'anga

Ko hono kole 'eni 'e he Pule'anga lolotonga 'a e pa'anga 'e 31 Miliona ke fakahoko 'aki 'a e ngaahi ngaue 'a e Pule'anga 'a ia koe pa'anga ai 'e $10 Miliona 'oku fakataumu'a ke fakalelei 'aki mo tanu 'o e ngaahi hala 'o Tonga ni katoa.

Ko e pa'anga foki ko'eni 'oku ma'u pe ia 'i he patiseti lolotonga 'a ia 'oku malava pe ke ke to'o mei he ngaahi pa'anga 'oku 'osi vahe'i ki he ngaahi ngaue na'e 'osi foktu'utu'u 'e he Pule'anga maloloo.

Ko e pa'anga 'e $5.3 Miliona 'oku 'ave ki he Pangike Fakalakalaka ke tokoni ki he noo peseti 1% ke tokoni ki he totongi ako 'a e fanau pea koe pa'anga 'e $5 Miliona 'oku vahe'i ke fakakakato 'aki 'a hono langa 'o e fanga ki'i fale 'o kinautoilu na'e uesia 'i he fakatamaki Hunga Tonga Hunga Ha'apai.

'Oku vahe'i foki mo e pa'anga 'e $2 Miliona ke tokoni ki he Lulutai, pa'anga 'e $2 Miliona ki he ngaahi me'a fakafokifaa pea $1.4 Miliona ki he polokalama totongiako SET 'oku fakapa'anga 'e he Pangike 'a Mamani  'a ia 'oku kau kiai 'a e fanau 'e toko 3600 pea 'oku 'amanaki ke 'osi ki Sune 'o e ta'u ni 2025.

'Oku vahe'i foki mo e pa'anga 'e $3 kilu ke faka'osi 'aki 'a e fosoa 'o Ha'apai.

Na'e tali foki 'a e Lao Fakaangaanga ko'eni pea na'e kole ai 'e he Hou'eiki Fakafofonga 'o e kakai ke ngaue lelei 'aki 'a e pa'anga ko'eni ki he fakalakalaka 'a e fonua.