'Ulungia 'a Tonga 'i he Kangaroos 'a 'Aositelelia he tau malie lahi
Jason Taumalolo 'oku taki e 'ohokai 'a Tonga
10 Novema 2024. Na'e 'ulungia 'i he efiafi 'o e 'aho ni 'a e Timi Mate Ma'a Tonga 'i he Kangaroos 'a 'Aositelia 'i he tau matu'aki malie mo'oni pea 'oku malava ke lau koe taha ia 'o e ngaahi tesi 'o e senituli 'i he mala'e 'akapulu liiki
Ko e kai 'i he va'inga ni koe 20 'a 'Aositelia ki he 14 'a Tonga 'i he tau fepolepolei pea toki mahino pe 'a e ikuna 'o he faka'osinga 'o e va'inga ni.
Ko e ikuna ko'eni 'a 'Aositelelia kuo hoko ia ko e hau 'o e fe'auhi Pacific Championships ka 'oku mahino fau 'a e tu'unga ma'olunga ia kuo a'u kiai 'a e timi ai 'a Tonga 'i he levolo fakapolofesinale mo e taukei 'a ia 'oku mahino 'oku tau 'i he levolo tatau mo e ngahai timi hau 'o mamani.
'Oku mahino ko e timi 'a e Kangaroos koe hau ia 'o mamani he mala'e 'akapulu liiki ka 'oku hanga 'e Tonga 'o fakamahino 'a e tu'unga ma'olunga 'oku a'u kiai 'etau fanau pea 'ikai ngata ai 'oku ne fakatahataha'i 'a e fonua mo e kakai.
Na'e malolo e tau 'oku taki 'a 'Aositelelia koe 14 ki he 4 'a Tonga pea toki fakahoko 'e Tonga 'a e tata'o 'e 2 he tu'u hono ua 'a e va'inga.
Sione Katoa 'i he'ene fakahoko 'a e 'uluaki tata'o ma'a Tonga
