Ma'u tamai moe foha na'e mole 'i he potutahi 'o 'Eua Featured
Vakapuna Orion 'a e Laulapuna 'a Nu'usila
13 Tisema, 2016. Koe ongoongo fakafiefia ia ki he fonua 'a hono toe ma'u si'i tamai ta'u 40 moe foha ta'u 14 na'e mole he efiafi Tokonaki 'i he potutahi 'o 'Eua.
Ko e mole foki 'eni 'a e tokoua ni 'i ha'a na folau koe toutai. Na'e folau foki 'a e tokoua ni 'i ha ki'i vaka fute 14 pea ko hono ma'u ko'eni 'i e tokoni 'a e laulapuna Nu'usila.
Na'e folau mai 'a e vakapuna Orion 'a e Va'a faka-kautau 'a Nu'usila 'i he taimi 9 pongipongi 'o e 'aho ni 'o 'ilo ai 'a e tokoua ni.
Koe ongoongo fakafiefia foki 'eni ki he famili 'o e tokoua ni 'a hono ma'u mo'ui kinaua.
