Fakama’ala’ala fekau’aki mo e Tohi ‘a e Palēmia ki Siaina na’e paaki atu ‘e he Nepituno Tonga Online News Featured
20 Fepueli, 2017. ‘Oku loto ‘a e Nepituno Tonga Online News ke fakahoko atu ki he kau manako lau tohi ‘i he ngaluope ‘oku to’o ‘e he Nepituno ‘a e Tohi ‘a e Palēmia ki Siaina 'a ia na’e paaki atu ‘i he’ene ongoongo 'i he 'aho ni.
‘Oku ‘ikai ke ‘uhinga ‘eni ‘oku hala pe loi ‘a ‘ene ongoongo he ko e tohi ‘eni na’e ma’u mei he ma’u'angaa fakamatala faka-‘ofisiale mo falala’anga pea ‘oku mau tauhi ‘a e tatau ‘o e tohi ko’eni.
‘Oku makatu’unga hono tukuhifo ‘o e ongoongo ni ‘i he kole mei he ngaahi kupu fekau’aki ‘oku ‘i ai ‘a ‘enau hu’unga mo fekau’aki tonu mo e tohi ko’eni pea ‘oku faka’apa’apa’i foki ‘eni ‘e he ongoongo ni 'a e ngaahi kole ko'eni. ‘Oku kau ai heni ‘a e mahu’inga hotau vā faka-tipilometika mo Siaina mo ‘enau misiona ‘i Tonga ni pehe ki he’etau fengaue’aki mo e taimi pelepelengesi ‘oku lolotonga fakahoko ai ‘a e ngaue ‘a e Fale Alea ki he fili fakahā loto ke fakahifo ‘a e Palemia.
‘Oku fie fakahā heni ‘e he ongoongo ni ‘e tau’ataina ‘a e ngāue mafatukituki ko’eni kapau ‘e to’o ‘a e tohi ko’eni ka ‘oku mole ke mama’o ke pehe ‘oku ‘ikai mo’oni ‘a e ongoongo na’e fakahoko atu he na’e fakafou ‘i he founga anga maheni kuo mau toutou fakahoko atu.
Kuo ma’u ‘e he Nepituno ‘a e tatau ‘o e Ongoongo Tukuatu ‘a e ‘Ofisi ‘o e Palēmia ‘o e ‘aho 20 ‘o Fepueli 2017 ‘o faka’ikai’i mamafa ‘e he Palēmia ‘a e tohi ko’eni. 'Oku fai e faka'apa'apa ki heni ka ‘oku ‘ikai koha me’a fo’ou ‘a hono toutou faka’ikai’i ‘o e ngaahi tukuaki’i ‘oku fakahoko fakahangatonu ki he ‘Eiki Palēmia.
Kuo mahino foki kuo ‘osi lele ‘a e tohi ni he ngaahi mitia kehe pea ‘oku mahino mo e hu’unga na’e ‘alu atu mei ai. ‘E kei hokohoko atu pe hono paaki atu ‘e he ongoongo ni ‘a e ngaahi ongoongo fekau’aki mo e tohi ni ‘amui ange.
‘I he taimi tatau ‘oku fai hono faka’apa’apa’ia ‘o e ngaahi kupu na’a nau kole mai ki he ongoongo ni ke tukuhifo makatu’unga he ngaahi ‘uhinga ‘oku hā atu ‘i ‘olunga.
Faka’apa’apa Atu
Nepituno Tonga Online News
19 comments
-
'Oku 'ikai ko ha me'a fo'ou eni. Na'e faka'ilo 'a 'Akilisi mo hono foha ko Po'oi fakataha mo 'Isileli Pulu 'o tukuaki'i ki he angatu'u mo e tohi nima loi. Ko e me'a eni fekau'aki mo e tohi na'e fakamo'oni loi ki ai e hingoa 'o 'Ofa Tu'i'onetoa ko e sekelitali 'a e Tu'i 'o pehe tokua 'oku fakahu e $35 miliona 'a e Tu'i Tupou iv 'i he Pangike Fakapulpuli. Ngalingali ne mate 'a e fai 'o e tohi loi ni kia Po'oi. Ka 'oku mou fie kumi ki he hopo - Rex v Pohiva [2003] Tol Rp 11. 'Oku 'ikai ko ha me'a fo'ou e loi mo e mio'i pea ko e sitaila tatau pe eni 'oku toe fai'aki e tohi ko eni. He ko hai 'oku ne toe ngaue'aki e sitapa, letter head mo e fakamo'oni hingoa 'a 'Akilisi
-
Ko e taha eni he issue mahu'inga pea oku 'ikai koha toki hoko eni. Kuo fuoloa hono ngaue'aki e founga ni 'I mamani, pea Ko eni kuo tau a'u mo mamata tonu Ki AI.
'Oua te tau ofo ai he ko e ta'au ia e politiki. -
Fifita 'oku malie fau ho'o tasilisili mai ka 'oku mo'oni koe taimi 'o e tohi ni 'oku malie he 'oku hu mata'itele lolotonga e fili ke tukuhifo e Palemia. Ko e kakano 'oe tohi 'oku 'ikai fo'ou he 'oku toutou lea 'aki pe ia 'e 'Akilisi pea 'oku 'ilo ie 'e he Tonga kotoa. 'Oku 'ikai foki koha toki fa'ahinga tohi pehe ni ia kuo fatu. Koe poini 'oku ou sio atu kiai koe fatu 'oe tohi mei fe pea 'oua tetau hoha'a he'e vave pe hono 'ilo 'ona. 'Oku ou tui au ki hono 'ohake ke 'ilo ehe kakai he 'oku fekau'aki tonu mo'enau mo'ui mo hono tataki 'oe fonua pea kou fakamalo ki he nepituno. 'Oku 'ikai ha ivi e tohi kene uesia e vote ke tukuhifo e palemia he 'oku fakahoko pe 'a e fili ia koia 'e he toko 25 he fale tukukehe a e sea. 'E tonu ia kapau ko ho'o 'uhinga ke toe manakoa ange ai 'a 'Akilisi kapau na'a koha fili falealea. Ko e conspiracy 'eni pea 'oku ou fakakaukau koe fa'u pe mei loto ke tataki kehe 'aki e tokanga 'a e kakai mei he ngaahi makatu'unga mo'oni kuo tukuhake ke fakamalolo'i 'aki e palemia pea ke tukuaki'i e faha'i 'e taha. 'E 'ikai mo'ua ha mitia he tohi ko'eni he ka fakatotolo'i ke loloto ange pea koe lavea ange ai pe ia 'a e kau fa'u tohi mei loto. 'Oku 'ikai foki ke hanga ;ehe tohi ko;eni 'o talamai pe kohai 'e malohi he paloti ka 'oku ne tataki e tokanga pea ke tukuaki'i ha kakai kehe. Koe lahi pe foki hono ngaue 'aki ha founga pea 'e fehalaaki leva. Koe anga pe sio ka 'oku ou tangane'ia he nepituno pea ko hono 'ai ia.
-
Fu'u fakaoli pea hange koe langatoi 'ae kau leka, toi e mata kae tekeutua mai e fu'u tu'a!! Nofonofo pe a 'akili mo hono muimui pea nau tu'u hake 'o fa'u e fu'u tohi tokua ke tukuaki'i ai e fa'ahi 'ae kau nopele!! me'a eni 'oku ui koe kids play!! tuku a e mio'i he 'oku 'ikai fai mai kiha kau vale. Ka koe levolo pe foki ena ia 'o 'akili, oef mo 'enau kau tama.
-
Ka tau nofo ke fifili ko e ha nai e 'uhinga hono tukuange e tohi ni lolotonga e teu paloti e VONC pea 'oku fa'ahi ua leva e me'a te tau fakakaukau atu ki ai tatau aipe pe 'oku mo'oni pe 'ikai e tohi ko eni...Ko e me'a 'oku tonu ke fai ki ai e fifili ko e ha e taumu'a totonu hono tukuange e tohi ni pea ko hai na'a ne tukuange?...he ko e ngaahi issue ia mo e 'asenita 'oku 'asi he tohi kuo 'osi fa'a lea 'aki pe ia he Palemia pea 'ilo he tokolahi pea 'ikai ke fo'ou ia he founga ngaue 'a e Palemia mei fuoloa...ko e taimi hono tukuange e tohi ni ki tu'a 'oku fai ai e fifili, he lolotonga e teu e VONC...ko hai 'e benefit mei ai?..ko e fehu'i ia!!!...'okapau ko e fa'u loi e tohi ni 'e ha ni'ihi 'oku ta'efiemalie ki he Palemia pea ko hai leva 'e uesia ai?..ko e Palemia!!...manatu ko e tokolahi e kakai 'oku nau kei pipiki kia 'Akilisi pea ko kinautolu ia 'e faitu'utu'uni ki he mo'oni mo e loi e tohi ni...ka 'e kei malohi pe tui ko e loi e tohi ni he kuo fakahalaki 'eni 'e he Palemia...ha leva e me'a 'e iku ki ai?..ko e toe tokolahiange ia kakai te nau poupou ki he Palemia neongo aipe pe 'oku mo'oni pe loi e tohi ni..Ko e fehu'i pe ko hai na'a ne tukuange pe fa'u e tohi ni ?..ko e tali 'oku ofi ki he mo'oni 'i he tui 'a e tokolahi ko e kau fakafepaki ki he Palemia pea 'e ngali mo'oni ia he ko e tui 'a kinautolu ko e taumu'a fakangalikovi'i 'ata'ata pe Palemia..ka kuo nofo nai ha fa'ahinga 'o fakakaukau na ko e tukuange pe 'e he fa'ahi 'a e Palemia e tohi ni?..he 'e hoko leva e Palemia ko ha POLITICAL MARTYR pe ko e kau mate ma'ata ko ia 'oku ne fa'a lea'aki...he kuo ne fakahalaki e tohi ni pea tala ko e loi ...ko e ha leva e me'a 'e uesia ai?..ko e 'alu ke manakoa ange Palemia pea lahi mo e taaufehi'a ki he fa'ahi 'e taha..pea ka hoko e VONC 'o fakahifo e Palemia ngalingali 'e fakalalahi e palopalema..16/11 again?..pea 'okapau ko e mo'oni e tohi ni, ta ko e issue kehe ia ...
-
He koeha e polofesinale kihe uto o oua e fiu? Tenau to kotoa pe kihe luo kae kei viki'i pe lelei.
-
'OUA 'E FIU, 'ai hao matasio'ata uku pea ke lau fakalelei 'oku 'iai 'a e 'uhinga hono to'o o e tohi ni ka 'oku talamai 'oku ikai ke loi. Ko 'ene polofesinale ia 'etau ngaue.
-
'Oku malie e me'a ni he koe tohi ni kuo mei a'u ki he ngaahi mitia kotoa pea kuo paaki mai 'e he ngaahi website mo e facebook ka 'oku taketi'i pe 'e he Ofisi e Palemia ia e Nepituno. 'Ai ai leva ke mau e malie....
-
Malie Nepituno, fu'u lahi e fakamatala ia 'a e PM fai mo ke 'ave ki falehopo 'a e case ko 'eni ka ke sio koe ki he me'a malie, you can fool some people sometimes but you can't fool us all the time, kole ki he falehopo ko e emergency case kae reveal hake 'a e ngaahi me'a 'oku te'eki ke hamai, ko e tohi ia ko eni ko e iceberg , ko e konga pe eni 'oku haamai ka ko e konga lahi 'oku kei ngoto 'i kilisitahi, na'e totonu ke hamai pe ia talamai 'oku fai e ngaue ki ai, tanaki lelei pe ho'o ngaahi fakamatala PM ke feinga keke hao he case ko 'eni its a matter of life and death,
-
Ko e link ena ki he Publicity Department 'a Siaina
https://en.wikipedia.org/wiki/Publicity_Department_of_the_Communist_Party_of_China pea 'oku fakamahino ai pe ai, ko e Potungaue totonu pe ia ke fai ki ai 'a e Tohi 'a 'Akilisi, he ko 'enau tefito'i ngaue, ko hono pule'i 'o e me'a 'oku tuku atu he ngaahi Mitia, TV, Letio mo e ngaahi Ma'u'angatala kotoa pe, ke mio'i mo le'ei 'a e fakakaukau 'a e kakai ki ha fa'ahinga me'a 'oku tui ki ai 'a e Pule'anga Kominiusi 'o Siaina. 'Oku mahino 'e lava 'a e fa'ahinga fengaue'aki fakapulipuli ko eni na'e Kole 'e 'Akilisi 'o fai 'i he ngaahi Nusipepa mo e Letio, pea fakapulipuli hono fai, ke ne fakakonahi 'a e fakakaukau 'a e kakai ki he Tu'i, Hou'eiki mo e kau Takilotu.