Fakama’ala’ala fekau’aki mo e Tohi ‘a e Palēmia ki Siaina na’e paaki atu ‘e he Nepituno Tonga Online News Featured
20 Fepueli, 2017. ‘Oku loto ‘a e Nepituno Tonga Online News ke fakahoko atu ki he kau manako lau tohi ‘i he ngaluope ‘oku to’o ‘e he Nepituno ‘a e Tohi ‘a e Palēmia ki Siaina 'a ia na’e paaki atu ‘i he’ene ongoongo 'i he 'aho ni.
‘Oku ‘ikai ke ‘uhinga ‘eni ‘oku hala pe loi ‘a ‘ene ongoongo he ko e tohi ‘eni na’e ma’u mei he ma’u'angaa fakamatala faka-‘ofisiale mo falala’anga pea ‘oku mau tauhi ‘a e tatau ‘o e tohi ko’eni.
‘Oku makatu’unga hono tukuhifo ‘o e ongoongo ni ‘i he kole mei he ngaahi kupu fekau’aki ‘oku ‘i ai ‘a ‘enau hu’unga mo fekau’aki tonu mo e tohi ko’eni pea ‘oku faka’apa’apa’i foki ‘eni ‘e he ongoongo ni 'a e ngaahi kole ko'eni. ‘Oku kau ai heni ‘a e mahu’inga hotau vā faka-tipilometika mo Siaina mo ‘enau misiona ‘i Tonga ni pehe ki he’etau fengaue’aki mo e taimi pelepelengesi ‘oku lolotonga fakahoko ai ‘a e ngaue ‘a e Fale Alea ki he fili fakahā loto ke fakahifo ‘a e Palemia.
‘Oku fie fakahā heni ‘e he ongoongo ni ‘e tau’ataina ‘a e ngāue mafatukituki ko’eni kapau ‘e to’o ‘a e tohi ko’eni ka ‘oku mole ke mama’o ke pehe ‘oku ‘ikai mo’oni ‘a e ongoongo na’e fakahoko atu he na’e fakafou ‘i he founga anga maheni kuo mau toutou fakahoko atu.
Kuo ma’u ‘e he Nepituno ‘a e tatau ‘o e Ongoongo Tukuatu ‘a e ‘Ofisi ‘o e Palēmia ‘o e ‘aho 20 ‘o Fepueli 2017 ‘o faka’ikai’i mamafa ‘e he Palēmia ‘a e tohi ko’eni. 'Oku fai e faka'apa'apa ki heni ka ‘oku ‘ikai koha me’a fo’ou ‘a hono toutou faka’ikai’i ‘o e ngaahi tukuaki’i ‘oku fakahoko fakahangatonu ki he ‘Eiki Palēmia.
Kuo mahino foki kuo ‘osi lele ‘a e tohi ni he ngaahi mitia kehe pea ‘oku mahino mo e hu’unga na’e ‘alu atu mei ai. ‘E kei hokohoko atu pe hono paaki atu ‘e he ongoongo ni ‘a e ngaahi ongoongo fekau’aki mo e tohi ni ‘amui ange.
‘I he taimi tatau ‘oku fai hono faka’apa’apa’ia ‘o e ngaahi kupu na’a nau kole mai ki he ongoongo ni ke tukuhifo makatu’unga he ngaahi ‘uhinga ‘oku hā atu ‘i ‘olunga.
Faka’apa’apa Atu
Nepituno Tonga Online News
19 comments
-
Ko e natula 'o e tohi ni ia 'oku personal, 'e 'ikai fai ia 'e ha taha kehe ka ko 'Akilisi pe. Pea 'oku mahino pe foki 'e faka'ikai'i pe ia 'e Siaina, he ko e kakano 'o e Tohi, ke fai fakapulipuli 'a e me'a 'oku kole ki ai 'a 'Akilisi. Ko e ngaahi fakakaukau 'o e Tohi ni, ko e ngaahi me'a pe ia na'e malanga'aki 'e 'Akilisi 'i he ngaahi taimi kimu'a. 'Oku 'ikai ke mama'o mei he natula 'o e tangata ni ia, 'a e me'a ko e mio'i, he ko 'ene founga ngaue pe ia,
-
'oku tatau moe ha 'ae 'Ohovale 'ae Tonga kotoa, he ongoongo Fklele loto na'e tuku'ange mai hotau loki ni fekau'aki moe fetu'utaki 'ae Palemia 'o Tonga PM Akilisi Pohiva moe Fa'ahi Party Kominiusi o China ?
Koe taimi tatau pe 'ihe he'eku 'eva kihe pe'esi Tasilisili he Ngaluope Na'e tukuange mo Pulisi ai 'e Faifekau Dr Ma'afu Palu 'ae tohi tatau na'e pa'aki hotau loki.......Na'aku toe Ohovale 'ae vave hono to'o 'ae pe'esi ni mei hotau loki ?
Koe fifili ? 'ae kehe 'ae me'a 'oku talaki 'aki 'etau misiona ngaue moe toe fkvave'i hono to'o mei he 'etau lautohi ? Hange'oku 'ikai ke 'iai ha kete 'ae Tangata Editor pea oku manavahe ? kae 'ikai ke tu'u fkmakatu'u moe mo'oni 'oku ne tau kave'i moe misiona ngaue hotau loki ni ?
'oku fkloloma ? ta koaa na'e 'osi circulate 'ae tohi tatau he ni'ihi he kau memipa 'oe Falealea 'o Tonga, hange koe Fkekeeke 'oe Palemia 'o Tonga , 'ehe radio89.5 FM he aho ni
Ko hai tetau Tui kiai ?
'E tokoni Lahi ho'o sources/information kihe mahino 'ae Kakai 'o Tonga, 'Oua leva 'e manavahe !!!!.....na'a mo'oni 'ae Kananga 'ae kau Kiti..............'Oua te leleva pea te ai 'ae tepoku mei........ -
Very professional Nepituno, malo aupito
-
Oku falala'anga ae ikai ha folau ia Palemia ki China? Oku falala'anga ae fkikai'i mai mei china embassy oku ikai ha Potungaue pehe i china? Mou ave ho mou fkmooni i he aho hopo. Ke ilo kakai loi moe mooni,
-
Ka faka'ilo e me'a ni pea tetau mata me'amalie hano veteveteki mai 'o e mo'oni. 'Oku 'ikai fo'ou 'a e kakano 'oe tohi ko'eni he kuo tau toutou fanongo 'ia 'Akilsi he lea tatau.
-
Ko e tohi ko'eni kuo tufaki mei he source kehe ki he ngaahi mitia katoa pea 'oku mahino mai koe paaki atu pe 'e he Nepituno ' a e tohi tatau. 'Oku 'ikai hano maumau hono 'ave ke 'ilo 'e he kakai he 'oku 'oatu he letterhead, sitapa moe fika reference number 'a e 'Ofisi Palemia.
-
Malo Nepituno hono ‘omi e mo’oni ke mau sio tonu kiai. Kuo mau pahia hono lohi’aki’i kimautolu hange’ ha vale’. Malo ho’omou lototo ke tali moe kole ‘ae ngaahi fa’ahi ke tukuhifo e tohi koe ngaahi felauaki kuo hoko. Faka’ofo’ofa pe ia he ko eni kuo fakamafola takai pe ia ‘ehe mitia. Koe poini koia ‘oku ‘omi mei he PM na’e ‘ikai a’u ki Beijing ka koe fehu’i ‘oku ‘ikai tuhu’i ‘ehe tohi ia pe koe folau fe ne a’u ai. Na’e te’eki ke a’u e PM ki Beijing lolotonga ‘ene PM. Kapau ne ‘osi a’u kiai pea ‘oku ‘ikai ha fehalaaki ia ‘ae tohi he ‘oku ‘uhinga e tohi ia ki ha folau pe ne a’u ai ki Beijing. Koe ngaahi talanoa ne fakahoko ‘oku ‘ikai ha me’a fo’ou ia ai ‘e ha’u mei he ‘atamai ‘oe PM he ko hono anga totonu pe ia talu ‘ene ‘asi hake he politiki. Me’apango koe ‘ikai fie fai pehe’ kakai ako lelei ka ko hono ‘uhinga foki he koe ako lelei ‘oku lahi e ngaahi me’a ‘oku tanaki pea toki hoko mai ai pea ‘oku ‘ikai kau ai e fa’ahinga fakakaukau fakamala’ia koia ko hono kapusi e Lotu moe kau taki Lotu, Tu’i mo Hou’eiki. Malo
-
Ofisiale ATU PEA Ofisiale mai ihe letterhead AE puleanga kaoku IKAI KOE tohii mai PE KOE dirty politics
-
Malo Nepituno oku ke faka'apa'apa'i e ngaahi kole atu pea ko e anga ia e mo'ui 'oku 'iai e me'a ko e toka'i. Oua pe teke teitei hange ko e Kele'a 'o fakatau e loi ke ma'u ai e mo'ui honau famili.