Ikuna 'e Dr. Mo'ale 'Otunuku Fili Si'i Vahenga Vava'u 14
Dr. Mo'ale 'Otunuku
29 Ma'asi 2024. Kuo ikuna 'e Dr. Mo'ale 'Otunuku 'o Longomapu 'a e Fili Si'i 'a e Vahenga Fili Vava'u 14 hili ia hano fakaha faka'ofisiale mei he Komisoni Fili 'a Tonga 'i he efiafi 'aneafi.
Ko e Fili Si'i foki 'eni 'a e Vahenga Fili ni ke fetongi 'a Dr. Saia Ma'u Piukala 'a ia na'e fakafisi mei he fatongia ni kae hoko atu ia ke ngaue koe taha 'o e kau Tokoni Talekita 'i he Kautaha Mo'ui 'a Mamani.
Na'e ikuna 'e 'Otunuku 'a e Fili Si'i ko'eni 'aki 'a e fili kiai 'a toko 709 pea ua hake kiai 'a Sione Fataua Halatanu koe fili kiai 'a e toko 353, fili 'a e toko 316 kia Viliami Tinitali Piukala pea fili 'a e toko 312 kia Matini Fatanitavake Veikune.
Ko Mo'ale 'Otunuku na'a ne lolotonga ngaue 'i he 'Univesiti 'a e Pasifiki Tonga (USP) 'i he Va'a 'i Tonga pea na'e faiako he ngaahi Kolisi 'a e Pule'anga 'i he ngaahi ta'u lahi.
