Tuku ki Tu’a Viola Ulakai mei he Letiō Tonga: Fokotu’u mei he Palēmia Featured
Viola Ulakai tuapotu ki to'omata'u
Nuku’alofa, 21 ‘Epeleli 2016. Kuo tu’utu’uni ki he Poate Komisoni Fakamafolalea 'a Tonga ke fakamalōlō’i ‘a Viola Ulakai mei he ngāue ‘i he ‘aho ‘aneafi Pulelulu 20 ‘Epeleli 2016.
Ko e tu’utu’uni foki ‘eni ki he Poate makatu’unga ‘i he tohi na’e fakahoko atu mei he ‘Eiki Minisitā ki he Ngaahi Pisinisi ‘a e Pule’anga Hon. Poasi Tei ‘i he ‘aho 15 ‘o ‘Epeleli 2016 Fika 'o e Tohi (Reference) MPE/P14/L244/16.
‘Oku mahino mai foki ko e tohi ‘a e Minisitā ‘o e Ngaahi Pisinisi ‘a e Pule’anga ki he Sea Poate Komisoni Fakamafolalea na’e makatu’unga ia mei he tohi ‘a e Palēmia ‘Akilisi Pohiva ki he Minisitā Poasi Tei ‘i he ‘aho 13 ‘o ‘Epeleli ‘o fakahoko kiai ‘ene launga. Na'a ne fokotu’u atu ai pe ki he Minisitā ke tuku ki tu’a (suspend) ‘a Viola Ulakai kae vahe pe pea ke fakahoko leva ha fakatotolo fekau’aki mo e ngaahi tukuaki’i ‘oku fakahoko kiate ia. Ko e tohi 'eni 'a e Palēmia na'e fakahoko 'i he 'ulu'i tohi 'a e Potungāue Ako pea ko e kaveinga 'o e tohi ko e "Fakahā 'a e ta'efiemālie 'i he founga ngāue 'a Viola Ulakai, Komisoni Fakamafolalea 'a Tonga" (Expression of Concern over Actions of Mrs. Viola Ulakai, Tonga Broacasting Commission).
Ko e palakalafi faka'osi 'o e tohi 'a e Palēmia ki he Minisitā na'e fakamulituku 'aki 'a e fakalea 'o pehe ni;
"In light of the aforementioned concerns, I write herein to recommend for your consideration that Mrs. Viola Ulakai be suspended with pay while investigation is undertaken to address her actions" (Makatu'unga he ngaahi ta'efiemālie 'i 'olunga, 'oku ou fokotu'u atu ke tuku ki tu'a 'a Viola Ulakai kae vahe pe pea ke fakahoko leva ha fakatotolo fekau’aki mo e ngaahi tukuaki’i ‘oku fakahoko fekau'aki mo ia).
‘Oku mahino foki koe tu’utu’uni ‘eni mei ‘olunga hange ‘oku tau anga maheni kiai pea ‘oku malie ‘a hono fakahoko ‘e he laine ‘o e mafai ‘a e tu’utu’uni ko’eni ‘o ‘ikai toe fehu’ia pe koe toe sio atu ki hano ola ‘oku hanganaki mai mei he kaha’u. Ko e poini ‘e 4 na’e fakamamafa ai ‘a e tohi ‘a e Minisitā ki he Sea ‘o e Poate Komisoni Fakamafolalea ‘a Tonga Tapu Panuve ke makatu'unga mei ai 'a e tu'utu'uni kia Viola ‘a ia na’e anga pehe ni;
1. Ko e ‘imeili ‘a Viola Ulakai ‘o fehu’ia ‘a e tu’unga taukei (expertise) ‘a Siaosi Pohiva ‘oku ne fehu’ia ai ‘a e tu’unga taau ‘o e EQAP.
2. Ko e fakafōtunga mo e natula ‘o e ngaahi ‘imeili ‘a Viola Ulakai ‘oku faka’uhinga ia ko hano ‘ohofi pe tukuhifo ‘a e ngeia ‘o e Palēmia ka koe Ministā Ako pea uesia ai hono ongoongo lelei pehe ki he Potungāue. ‘Oku toe uesia heni ‘a e vā ‘o e Pule’anga mo e SPC pea ‘oku ‘i ai ‘enau tui koe sipinga ko’eni ko hano ‘ohofi faka-taautaha ‘a e Palēmia ka ‘oku ‘ikai koe taumu’a ma’a e Letiō Tonga.
3. 'I he'enau vakai koe ‘imeili ‘a Viola Ulakai ko hono ‘ohofi ‘a e ngaahi fokotu’utu’u fo’ou (reforms) ‘a e Potungāue Ako ‘a ia ‘oku ‘ikai ha’a ne kaunga kiai ko e tokotaha ngāue ‘a e Letiō Tonga pea;
4. Ko e ‘imeili ‘a Viola Ulakai ‘o pehe ‘oku ne fakafofonga’i ‘a e Tonga Media Council ‘oku loi ia he ‘oku ‘ikai ha manako ‘e taha ‘a e Kosilio Mitia he kaveinga ko’eni pea na’e ‘ikai fakangofua ia ‘e he Tonga Media Council ke ngāue’aki 'a e hingoa ‘o e Kosilio ke fakahoko ‘aki e ‘ohofi fakafo’ituitui kuo fakahoko ‘e Viola.
Ko e ngaahi ‘uhinga ‘eni na’e ‘oatu ‘e he Minisitā ki he Poate pea na’e fakapipiki atu ai pe mo e tohi ‘a e Palēmia ‘o e ‘aho 13 ‘o ‘Epeleli ‘o fokotu’u ke tuku ki tu’a ‘a Viola Ulakai. Neongo na’e ‘ikai faka’asi atu ‘i he tohi ‘a e Minisitā ki he Poate ka koe tu’utu’uni pe ia 'i he anga maheni ke aofangatuku ‘aki 'e he Poate 'a e kau Talēkita 'o e Komisoni Fakamafolalea 'a Tonga. Ko e tuku fakataimi foki 'eni ki tu'a ka e fakahoko ha fakatotolo.
Ko ‘ene toki hoko ‘eni ‘i he fonua ni hano tuku ki tu’a ha Faiongoongo ‘i ha fokotu’u fakahangatonu mai mei he Palēmia. ‘Oku mahino foki ‘oku fakahoko ‘a e ngāue fakalao ki he tu’utu’uni ko ‘eni pea kuo kamata ke ‘asi mai ki mu’a ‘a e ngaahi Kautaha Ongoongo mo e kau Faiongoongo 'o fakahalaki 'a e tukuaki'i 'o Viola pehe ki he Ongoongo Tukuatu 'e ua 'a e 'Ofisi 'o e Palēmia.
Ko e 'uluaki Ongoongo Tukuatu he 'aho 15 'Epeleli 'o tukuaki'i na'e 'ikai ke fakangofua 'e he Kosilio Mitia (Tonga Media Council) 'a Viola kene fakafofonga'i kinautolu. Ko e Ongoongo Tukuatu hono ua na'e fa'u ia 'e he 'Ofisi 'o e Palēmia pea pulusi mai 'i he sila mo e fometi 'a e Pule'anga 'i he 'aho 20 'Epeleli 'o fakahā Ongoongo Tukuatu 'a e Tonga Media Council 'o faka'ikai'i 'e he Sea Luseane Luani 'a hono ngaue'aki 'e Viola 'a e hingoa 'o e Kosilio Mitia 'a Tonga (Tonga Media Council).
'Oku 'ikai ngata heni ka 'oku fehu'ia hono fakahoko mai 'a e Ongoongo Tukuatu 'a e Kosilio Mitia 'a Tonga (Tonga Media Council) 'i he sila mo e fometi Ongoongo Tukuatu 'a e 'Ofisi 'o e Palēmia 'o ho'ata mei heni 'oku pule'i pe 'a e ongoongo mei he Pule'anga 'o fakafou mai he 'Ofisi 'o e Palēmia.
25 comments
-
Fakamalo atu kihe aofangatuku ae Fakafofonga oe Kele'a he fale ni tangata ia ko Oua e Fiu.
Ko Viola ena mo ene sipinga mei fuoloa pea ikai kemou ifoia kapau oku fehuia kimoutolu pea tali e fehui he e toe mahino ange ai e mea kotoa kihe kakai oe Fonua. Fiemalie koe Viola heikai tanu e lelei ehe loto kuo kovi ohua.
Ko Akilisi nae fili ia ehe toko 15 ke Palemia ikai koe kakai tokolahi, pea koe toko 15 koia ku nau taupe kovi pe he Tangata'eiki o hange pe ko hoo lau Oua e Fiu ... Kuo ta e kane ka kuo ava e topu, pea toe tanaki atu kuo ava e kulo ka kuo mafuli e tofunanga.
Koeha leva hao sio Oua e Fiu kihe demand koena a e PSA ke rescind ae tuutuuni Kapineti fekau aki moe fokotuutuu a e Poate ki he ngaahi vahenga?
Kuo laau ilo e Tonga ni e ngaahi imisi kehe kuo ha mei he teuteu oe Palemia (tapu moia) i he mamafa mo hulu e fatogia oku hili ki hono uma, pea ka alu kihe koviange pea oua naa mou ma he koe me'a nemou pole'i ..... 'Iooooo -
Ne fuoloa mai pe hono lama ia 'e he Palemia 'a Viola, pea ko 'eni kuo tuli'aki ha fanga ki'i 'uhinga vaivai mo mahaki'ia. Taimi tatau kuo mimio'i 'e he PM ia e 'isiu mei he'ene ta'etali e kole press release 'a Viola ki hono tuli 'o Viola. Pea toe pae'i mai 'ene Minisita moe Poate ke afe kiai e tokanga mo e 'ita kae hao ia.
-
Ko 'etau toki a'usia 'eni ha tu'utu'uni ngalivale, fakamaa mo ta'efakatemokalati mo'oni kuo fai 'eha Palemia 'i he fonua ni. Feinga ia ke malu'i hona ngeia mo hono foha ko Siaosi, kae kata mai a mamani he kokanati pehe fau 'a e 'uhinga 'oku tuku 'aki 'a Viola kitu'a. Tau toe foki pe ki he Lao e Vaotaa, 'aia koe lahilahi namu pipi pe moe ahi, kae kei ma'u e lakanga. Toe star ai pe Minisita Hofoa pea tulaafale mai e ki'i Poate kaikoa 'a Tapu. Ka 'e tu'u nai mei fe 'a e Lady Palesiteni moe Sekelitali 'a e TMC? Sai ke 'ilo 'e mamani koe Palemia 'eni 'a e kakai, kuo mafao atu hono mafai ki he taha hono kakai. Mou tu'u mai kau faiongoongo ke malu'i kei taimi ho'omou totonu, telia na'a iku fakahu moutolu he cello ha 'aho.
-
Tau pehee pe koe kamata eni hono tatapuni ehe PM fkkominiusi ni ae tauataina ae media i Tonga. Koe tuku a Viola ki tua oku ne eke ae mooni, kae fefee ae Kele'a ia, ae kii Nusipepa fklielia conflict of interest own pe ehe PM mo hono famili, lipooti fkfahaitaha, aia kuo hoko koe unofficial PMO chanel ae PM moe puleanga. Ke fkilo mai e Viola e kii puleanga ni ke nau maha pakupaku.
-
"Koe 'aho 'oe Tangi koe 'aho 'oe tufa totongi"
Pea mole ke mama'o, ke tau lea momole 'olunga kihe Fefine Ngaue Mate'aki mo Ngaue malohi he Komisoni 'ae Fkmafola lea Tonga,ka koe 'aho pe 'ete fehala'aki moe tu'utu'uni fkngaue, ko'ete lue ia ki api. Koe me'a mahino ia he feitu'u ngaue kotoa.
Koe ki'i Kananga he fktamaiki, " Ta si'i, Ta Lahi pea ta atu kuo ke Tangi". 'Aho ni kuo hook ia kihe Fefine Ngaue ko'eni, na'e hook pe ia kihe PM 'oe 'aho ni lolotonga 'ene ngaue fk-pule'anga he 70's.
Viola, talu ho'o invoved hono tuku hifo 'ae PTOA talu mei he Teuteu 'oe liliu Pule'anga he 2010, pea mahino pe kiate kimautolu 'ae ng teke pate moe kakai na'a nau tekemui mai 'iate koe, pea a'u kihe took Lahi na'a nau toitoi mai ho'o tu'a, 'o angi koe keke produce ha ng polokalama ki he'enau ng ohofi fkfoi Tuitui..........
Na'aku fktokanga atu, 'oua teke va'inga he hele ta fktoumata, pea 'oua teke ngutu Tamu Lea kihe Pule'anga moe PM 'o Tonga he koe fili ia 'ae Kakai Tokolahi.
Na'a ku 'oatu moe fktokanga, ke 'oua teke ohooho 'o 'u'uuu 'ae nima 'oku ne Fafanga koe, pea 'oku uesia ai ho'o ki'i Famili.
Koe me'a na'e mahino mai, na'e mole 'ae fkapaapa , toka'i, tauhi vaha'a etc, meiate koe, pea puli 'ae ngaue totonu ke fkhoko meiate koe.
Koe fu'u issues Lahi faufaua, ho'o toitoi mai he Tonga Media Council kapau na'e 'ikai keke ma'u 'ae authority keke ngaue'aki honau sino keke promote 'aki ha'o personal interest.
'Aho ni kuo..." ta 'e Kane kae 'ava 'ae Topu"
Fktokanga'i 'ae kakai, koe me'a pe 'oku nau manako ai he polave koe holoki pe 'ae Mo'ui 'ae Pule'anga, kae 'ikai omai ha ng fkkaukau kihe Langa Hake hotau Pule'anga!!!
'Oku 'ou fokotu'u atu Viola, There's another better place, he 'oku 'ikai koe ngata'anga 'eni 'o Mamani...................