Tō Folofola Mei he Taloni Huufi Fale Alea 2018/19 Featured
31 Mē 2018. Tō Folofola Mei he Taloni
'Oku ou tuku e fakafeta'i ki he 'Otua Mafimafi 'i he'ene tataki pea tau tū'uta ki he 'aho ni, 'oku laumālie lelei pē 'a e Sea pehē ki he Palēmia mo e Kapineti kau Fakafofonga 'o e Hou'eiki Nōpele mo e kau Fakafofonga e Kakai kuo lava atu e ngaahi mahina 'i he hili 'a e afā tolopika ko GITA mo e kei tokolahi pē 'a e kakai 'oku fiema'u e tokoni.
'Oku ou faka'amu ke to'oto'o ange 'a e ngāue he 'oku ha'u 'a e faha'ita'u mokomoko pea 'oku uesia 'a e kakai fakaenofo, fakaeloto mo e faka'atamai foki.
'Oku mahu'inga ke ngāue 'a e Fale Alea mo e Pule'anga fakatatau ki he lao koe'uhī kuo hā mei he ngaahi ta'u si'i kuohili 'i he tutu ko ia 'o Nuku'alofa, ko e faka'auha 'o e ngaahi pisinisi mo e mole 'o e ngaahi mo'ui ko e ola ia 'o e maumau'i 'o e lao mo e nofo melino.
Ko ia ko e fatongia 'o kitautolu kotoa ke malu'i hotau 'ātakai 'o tatau pē 'i he fonua pea mo 'ōseni koe'uhī ko e ngaahi to'utangata 'i he kaha'u kae 'ikai ke fakapotopoto ke tau ngāue'aki hotau 'ātakai pea 'e ‘ikai ha fakatu'amelie ma'a 'etau fānau mo e kaha'u 'o e fonua.
Ko e tupu meia GITA kuo hiki mai ai 'a e Fale Alea ki he Senitā Fakafonua ko 'eni 'o hanga lelei atu pē ki he Potungāue Mo'ui mo e Falemahaki Vaiola pea ofi mai foki 'a Falemasiva mo e Kolisi Tailulu.
Ko e ongo kaveinga 'oku na mamahi'i pea u 'omai he ta'u kotoa ki he Fale ni ko e mo'ui lelei mo e ako lelei 'i he fonua ni. 'Oku taau foki ke fakataumu'a ke hiki hake 'a e founga ki he tokanga'i 'o e mo'ui lelei ki ha tu'unga 'oku fakamāmāni lahi, kā ke tau lava ke fua.
Ko e faingata'a lahi taha 'oku tofanga ai 'a e fonua he 'aho ni ko e faito'o konatapu. Ko e maumau 'oku hoko ki he fānau ngaahi fāmili mo e fonua 'o e 'aho ni pea mo e kaha'u 'oku 'ikai ala fakafuofua pē fakamahu'inga'i kā 'oku 'i ai 'a e ngaahi fonua 'oku tautea 'a e hia fekau'aki mo e faito'o konatapu 'oku a'u pē ki he tautea mate.
'Oku totonu ke tau fakapapau'i 'oku ngāue 'a e kau taki mo e kau Fakafofonga ke fakatupu ha ngaahi ngāue 'i Tonga ni ma'ae to'utupu pea mo ha ngaahi faingamālie foki 'i tu'apule'anga.
'Oku 'uhinga eni ke a'usia ha ngaahi tu'unga fakaako fakavaha'apule'anga 'i Tonga ni ke fe'unga mālie mo e ngaahi tu'unga fakaako mā'olunga ange 'i he ngaahi 'apiako 'i tu'apule'anga, 'oku 'ikai ke lava 'o a'usia 'i Tonga ni koe'uhí ke lava ke tau fakahū atu ki he ngaahi 'univēsití 'a e fānau te nau ako pea nofo 'i Tongá ni ke langa hake hotau fonuá.
'Oku hā mai mei he ngaahi ta'u si'i kuo hili 'oku hangē 'oku fakataimi nounou pē 'a e ngaahi taumu'a ngāué lolotonga ko ia 'oku totonu ke 'i ai 'a e palani lōlōa ange ki he kaha'ú koe'uhi ko 'etau vīsone ma'á e fonua 'oku totonu ke taimi lōlōa ia 'o laui ta'u kae 'ikai ke fakangatangata pē 'o fakatatau ki he ngaahi ta'u ngāue. 'E mātu'aki tokoni heni ka tu'unga tatau 'a e takí, ko e palaní mo e vīsone.
'Oku fakatokanga'i 'a e 'ofa mo e feilaulau 'a e kāinga Tonga mei he ngaahi fonua mulí ko e tokoni ki he ngāue langalanga hake 'oku lolotonga fakahoko 'i he fonuá.
'Oku 'i ai 'a e fakamālō ki he ngaahi Pule'anga muli pea mo e ngaahi kautaha fakavaha'a Pule'anga mo fakataautaha 'oku nau fakahoko mai 'a e ngaahi tokoni ki he langa fakalakalaka 'o e fonua.
Fakatauange ke mou ma'u ha fakataha alea 'e lelei fakalukufua ki he kakaí mo e fonuí pea langilangi'ia ai hotau 'Otuá. ‘Ofa atu.
Kingi Tupou VI
4 comments
-
MALO LOWE...2016 POLE'I 'E 3 'E HE TAMA TU'I PULE'ANGA MO E FALE ALEA: 1) Hiki hake mo'ui lelei 'a e kakai. 2) Hiki hake tu'unga ako 'a e fanau. 3) Hiki hake tu'unga faka-'ekonomika 'a e fonua.
To e fehu'i atu 2017 ki he ola 'o 'enau ngaue? Talimai 'e he Pule'anga, "'Ikai lava ha me'a ko e ngata'anga pe 'a e ivi faka-pa'anga 'o e Pule'anga."
Hili ko ia kuo nau langa mala'e tapulu $14 miliona, pea kaniseli 'a e Sipoti Pasifiki 2019. Hoko mo 'enau hiki vahenga, pea 'omai honau fanga pone ta'e maheni ngaue totongi laka $miliona ke fakalele komipiuta 'a e Potungaue Ako.
Kuo nau mafai ke fakamole fa'iteliha a e pa'anga 'a e Pule'anga ka e 'ikai fakamole 'i he ngaahi taumu'a 'a e Tama Tu'i. Totonu hono kapusi pea veteki Pule'anga mo e Fale Alea. -
Na'e 'iai foki ha ngaahi faka'amu ke tuku mai 'e he 'Ene 'Afio (tapu mo ia ) 'i he ta'u kuo 'osi pe hili 'ene dissolve 'a e Falealea 'ene 'uhinga ki he'ene fai tu'utu'u ko 'eni. 'Oku ou tui koe to folofola ko 'eni 'a "ene 'Afio 'oku 'I loto ai 'a e ngaahi 'uhinga na'e fai ki ai 'a e faka'amu.
Koe fehu'i. Koe ha ha ngaue 'a e pule'anga lolotonga ke makatu'uga mei ai hano fakamalo'ia'i. kinautolu? Malo moe ngaahi pule'anga muli moe kakai Tonga nofo muli ke kei manava ai e fonua 'Okapau te tau toe fakatokanga'i 'a e to folofola ko 'eni, 'e toe faingofua ange hano toe dissolve 'a e Falealea he kuo tuku mai 'a e taumu'a ngaue ke muimui kiai 'a e Falealea moe Pule'anga ki he lelei fakakatoa kii he kakai 'o e fonua pea 'oku fakakonisitutone pe 'a e taumu'a ngaue ia pea 'e kei fakakonisitutone pe 'a e tautea 'okapau 'e 'ikai ke fai ha muimui ki ai. Ko 'ena 'oku fakamamafa'i mai 'a e mahu'inga 'a e fakahoko ngaue 'o fakatatau ki he tu'utu'uni 'o e Lao.
'oku malie 'a e taimi ni he kuo mavae ua 'a e kau poupou ki a 'Akilisi 'o nau toe tu'u fehangahangai pe pea kuo a'u 'o tohi tangi 'a e fa'ahi 'e taha pea 'oku ou tui 'e vave ni mai pe 'a e heka 'a e Hoosi 'I he Rider. -
Spoken like a KING . Your subjects welfare first , then the rest after . Advice to members of the house in regard to the performance of their duties . to safeguard Tonga's future generation's . Acknowledge monetary assistance from donor countries , Review short term development plans , to long term development plan . Initiate projects that create JOBS so people will be employed . Seek ways , whereby the level of education in Tonga can be up graded so as to be on a bar with overseas educational standards . Premier to work closely with members of various government departments , and not use the ' BULLY PULPIT ' to assert his will . . .
-
Ko e toki TO FOLOFOLA vevela eni kuo toki hoko i he ONO'I KUONGA KI TONGA NI pea ko e tuha pe ia 'o e kuonga ko'eni. Kuo ongongata'a e kakai he lahi e ifi aisi pea maumaulao e Pule'anga ko e lahi e fie Tu'i. Oku mau 'ofa atu Tupou VI ko e Tu'i 'o Tonga mo e 'Otufelenite.