Kei puli sino talavou Houma na’e hopo he Pupu’apuhi Featured
Pupu'apuhi
Nuku’alofa, 22 ‘Aokosi 2016. ‘Oku kei fai pe ‘a e fekumi ‘a e Potungāue Polisi ki he sino ‘o e talavou mei Houma nae pehe na’e hopo ‘i he mātanga ‘iloa ‘o Houma ko e Pupu’apuhi.
Fakatatau ki he fakamatala mei he e Potungāue Polisi na’e hoko ‘a e fakatamaki ni ‘i he ‘aho ‘aneafi Sapate 21 ‘o ‘Aokosi. 'Oku mahino mai foki mei he fakamatala 'a e Potungāue Polisi koe kaukau tahi 'a e matapule ni pea hoko ai 'a e fakatamaki ni.
Fakatatau ki he fakamatala mei he taha ‘o e kakai ‘o e kolo ni ka ‘oku ‘ikai loto ke fakahā hono hingoa ko e pekia ko Meleki Finau ko e foha ‘eni ‘o Faha’ivalu mo Mele Finau ‘o Houma pe.
'Oku lolotonga fakahoko pe 'a e ngaue kumi ki si'i matāpule ni ka 'oku 'i ai e manava si'i kuo ne 'osi pekia 'o makatu'unga he faingata'a mo hou 'a e feitu'u ni.
2 comments
-
Ko e ha na'e 'ikai 'alu ai ki he lotu kae 'alu ia swim he pu'apuhi? Ko e taonakita eni? Fkloloma mo'oni ko e toki 'osi katoanga'i Houma 'aho fakamamani lahi 'o e To'utupu i he uike kuohili.
-
Pango pe he oku mamahi a e famili he fakatamaki kuo hoko, ka ko 'ete sio atu 'ata ki he fakavalevale 'a e faka-kaukau ke 'alu 'o kaukautahi he fu'u hou pehee ke ha?
Ketau sio leva ki he faitu'utu'unu 'a e hakotupu 'o e fonua 'i he kuonga ni 'oku faikehe 'aupito, pea ko hotau fonua 'oku 'ikai pe ke toe tonu ke tuku 'etau lotua he kuo faikehe pe faitu'utu'uni mei 'olunga ki lalo, hema ki mata'u foki.
Ketau lotu fai ma'u pe 'oua na'a vaivai.