Ta’ofi ‘Ofisi Palasi Teu Langa Mala'e Tāpulu ‘a e Palēmia 'i Tufumahina Featured
Tofi'a Tama Tu'i 'i Tufumahina
Nuku’alofa, 25 Sanuali 2016. Na’e ta’ofi ‘e he ‘Ofisi Palasi ‘a e ‘amanaki ke fakahoko ‘e he Potungāue Ngaahi Ngāue Lalahi hono teke ‘a e konga ‘o Tufumahina koe teu langa mala’e tāpulu ‘a e Palēmia mo e Pule’anga tokua ko e teuteu ki he Sipoti ‘a e Pasifiki ‘oku ‘amanaki ke fakahoko mai ki Tonga ni ‘i he 2019.
Ko e tofi’a foki ‘eni ‘o e Tama Tu’i pea fakatatau ki he fakamatala mei he ‘Ofisi ‘o e Palasi na’e te’eki tu’o taha ke fakahoko ha femahino’aki mo e Palēmia pe koe Pule’anga ‘e fakahoko ha langa ha mala’e tāpulu ‘i he ‘elia ko’eni. ‘I he’ene pehe foki ‘oku ‘i ai hono fehu’ia lahi ‘a e fa’ahinga tu’utu’uni pehe ni kuo fakahoko ‘e he Palēmia ‘o e fonua ka e pehe ki hono tu’unga fakalao mo e femahino’aki mo e ngaahi mafai.
‘I he fakamatala mei he ‘Ofisi ‘o e Palasi na’e ma’u ha fakahā fekau’aki mo e me’a ni pea na’e fakavave ‘a hono fakahoko ‘a e tu’utu’uni ke ta’ofi ‘a e ngāue ko’eni he na’e ‘ikai ha alea pehe pea ‘oku kei fai e talafili pe koe hā ‘a e ‘uhinga ‘oku hoko ai ‘a e fa’ahinga founga ni ‘i he ngaahi ‘aho ni.
‘Oku ‘i ai foki mo e fakamatala falala’anga mei he kau fale’i faka-Tofi’a ‘a ‘Ene ‘Afio na’e fakahoko 'a e femahino’aki mo e Palēmia ki he feitu’u kehe ke fakahoko ai ‘a e fakakaukau ki he mala’e tapulu ka na'e faka’ohovale ‘a e vivili mai pe ‘a e Palēmia ia ki he tofi’a ‘i Tufumahina.
‘Oku hoko foki ‘a e ngaahi fai tu’utu’uni pehe ni ‘a e Palēmia kene fakae’a mai ‘a e vaivai ‘a e tu’unga ‘oku ‘i ai ‘a e kau fale’i pea kuo toutou hoko ‘a ia ‘oku fehu’ia lahi ‘i he taimi tatau ‘a e tu’unga mo’ui lelei ‘oku ‘i ai kae pehe ki he ngaahi fale’i ‘oku fakahoko kiate ia. Ko e 'isiuu foki 'e taha ke fai ha vakai kiai pe 'oku fakahoko pe 'e he kau fale'i honau fatongia ka 'oku 'ikai fa'a fakakaukau kiai 'a e Taki ia.
Ko e Palēmia ‘eni ‘o e fonua pea ‘oku ‘i ai ‘a e totonu ‘a e kakai ‘o e ke ‘ilo ki he tu’unga ‘oku ‘i ai ‘ene fakahoko fatongia mo ‘ene mo’ui mo e fiema’u ‘a e kakai lelei, lotu mo taukei ke ofi kiate ia mo fale’i. ‘Oku makatu’unga ‘eni he ‘ikai ke hokohoko lelei ‘ene fai tu’utu’uni pea ‘oku ne ‘ave ‘a e ‘ata ‘oku fehu’ia lahi ‘e he fonua kae pehe ki Tu’apule’anga.
14 comments
-
Malo Siaosi, kataki ko e 'atunga eni e nofo motu mama'o 'ikai 'ilo e me'a 'oku hoko homou fonua na, 'ofa atu
-
Tofavaha, koena kuo alu he ongoongo a e letio 87.5 pea kapau na'e teke 'a Popua te'eki ilo e he Potungaue Environment koeha hake ai e fo'i me'a koena. 'Ai na 'oku tu'u e hui ia ho'o letio he telekalami 'a Ha'amoa.
-
kou pehe ke 'oua te tau fkaga kae tuku pe mu'a fkkaukau 'ae Palemia ke fka'u,pea koe kau ai pe ia ki he gaahi laga fklakalaka moe fk'ofo'ofa kihe fonua pea koe kamata ia ke tau 'unu kiha fonua tu'umalie he kaha'u koe laga fklakalaka 'ae fonua mu'omu'a
-
'Oku ha ngali ta'efalala'anga 'a e fo'i ongoongo ko eni he ko e ngaue hala lahi ia kapau ko e mo'oni. 'Oku 'ikai keu tui 'oku ta'e'ilo 'a e PM mo e kakai 'oku nau fakakaukau'i 'a e fa'ahinga ngaue pehe ni ki he founga ngaue. Ko e sio atu pe mei tu'a, malo
-
Tooatu e Eiki Palemia kuo ai ho paaka ai eni ho malaetapulu kuo mei ai mo hao swimming pool e. Manatui ke ai mo hao falemahaki e.
-
Koe SI 'oe mata'i tofe kihe fanga puaka tenau tamalaki he oku tenau iloi hono mahuinga.
Fai mo veteki e Puleanga Fo'ou he kuo fuoloa enau TAMALA noaia holo he lao mo Tupou mo Houeiki. Pea He'ikai pe tenau toe sai he oku ikai tenau si'i ma'usia. Koto kula noa! -
Pe na'e 'i ai ha 'api ai 'ene tamai
-
Pe na'e 'i ai ha 'api ai 'ene tamai
-
Kii fiematamu'a tama e fo'i nga'unu koia. Koe anga e me'a koe refer kihe lao kelekele, solicitor general, pea fai e femahino'aki pea moe tama Tu'i he koe kelekele o hou'eiki. Koe faahinga fieme'a ena ia moe 'a'ahu e ikai tolonga ai ha taha ia. Oku ikai uhinga e temokalati ia koe excuse ia kihe abuse e ngaahi lao hee ikai mau ai ha melino ia.
-
Ko e founga ngaue 'eni 'a e Pule'anga ko eni kuo kamata ke ha mai pea e'a ai 'ae me'a koe 'ai'ai noa'ia...Kuou 'osi mea'i 'ehe kau fale'i moe PM koe tofi'a 'ena 'o 'ene afio a Tufumahina..ko e ha oku 'ikai fai ai ha fakapa kiai kae 'ai pe ke o 'o teke noa'ia he na'e iai hano kelekele ai ke fai kiai e fokotu'u me'a?????...Sai 'aupito koe me'a koe ta'e palani moe 'ai'ai noa'ia kuo hulu he Pule'anga lolotonga ni... Malo Tupou 6 hono fakamahino ko hai 'oku pule ki Tonga... kapau oku nau pehe kia Tupou 6 pea koe toe ha hake ha taha...