Tala Kei Kapa: Fakatokanga mei he Autorec Enterprises Limited fekau’aki mo e Super Cheap Tonga Featured
Palesiteni 'o e Autorec Enterprises Limited & Filimone To'aho 'o e Super Cheap Tonga
21 Sepitema, 2016. Kuo ma’u ha fetu’utaki fakahangatonu mai mei he Kautaha uta me’alele ‘iloa ‘i Tonga ni mo mamani ko e Autorec Enterprises Limited ‘o fakahā ‘enau ta’efiemalie ki he tu’unga na’e ‘i ai ‘enau fengāue’aki mo e aleapau mo e Kautaha Super Cheap Tonga ‘a ia ‘oku Talekita Pule ai ‘a Filimone To’aho ‘o Tokomololo.
Ko e kautaha ni foki (Autorec Enterprises Limited) ‘oku ‘ikai puli ki he kakai ‘o e fonua ‘enau fetuku mai ‘a e ngaahi me’alele mei Siapani ki he fonua ni mo e tapa kehekehe ‘o mamani. ‘Ikai ngata ai ka ko e kau taki ‘o e Kautaha ni ko e kau Kalisitiane pea ‘oku ‘i ai ‘enau ongo maheke ki Tonga ni ‘i he’enau tui ko e fonua lotu pea ‘oku fiema’u ke langa ha vā fengāue’aki mo tokoni ki hono kakai.
‘I he tohi fakahangatonu mei he Kautaha mo ‘enau faka’amu ke fakaa’u ki he kakai ‘o e fonua ‘a e mole ‘enau falala mo ‘enau ‘amanaki ‘i he ngāue ‘a e Kautaha Super Cheap Tonga pea ‘ao’aofia ai ‘a e taumu’a tokoni mo pisinisi na’a nau ‘amanaki kiai ki he fonua.
‘Oku tui ta’e toeveiveiua ‘a e Kautaha ni ‘oku tototnu ke fakaa’u ki he kakai ‘o e fonua kenau tokanga he ‘oku ‘ikai ke falala’anga ‘a e Kautaha Super Cheap Tonga pea ‘oku totonu mo taau ke malu’i e kakai ‘o e fonua mei he fa’ahinga ta’efakaka’atu’i, ‘ikai falala’anga mo e faihala ‘a e Kautaha Super Cheap.
‘I he fakamatala ‘a e Kautaha Autorec Enterprises Limited kuo ‘osi fakahoko ‘a e fakatonutonu fakalao ‘a ‘enau Kautaha mo e Super Cheap Tonga ‘a Filimone To’aho ‘i he Fakamaau’anga Lahi ‘i Tonga ni ‘i he ta’u ni 2016 pea na’e ikuna ‘a e Autorec Enterprises Limited ka ‘oku a’u ki he ‘aho ni ‘oku te’eki ke totongi ange ‘a e mo’ua ‘o e Super Cheap Tonga ‘a ia ‘oku fakafuofua ki he 70,000 TOP ‘o hange koe tu’utu’uni ‘a e Fakamaau’anga.
Ko e aleapau foki na’e fakahoko ‘e he Super Cheap mo e Autorec Enterprises Limited ‘o fekau’aki mo e ngaahi me’alele ‘a e Autorec Enterprises Limited na’e hū mai ‘e he Super Cheap Tonga ‘o fakatau atu ‘i Tonga ni pea talu mei ai ‘oku te’eki ke totongi ange ‘a e pa’anga ko’eni.
“’Oku mau loto pe ke ‘ilo ‘a e kakai Tonga ki he me’a ko’eni mo hono pa’usi’i ‘emau falala ‘e he Kautaha Super Cheap Tonga pea ‘oku mau loto ke fai ha fakatokanga heni ki he kakai ‘o e fonua pea malu’i kinautolu”, koe fakahā ia ‘i ha tohi mei he Kautaha (Autorec Autorec Enterprises Limited) ‘i hono liliu mei he lea faka-Pilitānia ki he lea faka-Tonga.
Na’e toe fakamatala foki ‘a e tohi ni ki he ngaahi palōmesi na’e fakahoko ange ‘e he Talēkita ‘o e Kuataha ni (Super Cheap Tonga) Filimone To’aho ‘a ia na’a nau pehe ko e mo’oni pea nau falala kiai ka ta koaa koe koto loi mo faka’amanaki.
‘Oku pehe ‘a e na’ina’i ‘a e Kautaha Autorec Enterprises Limited mei Siapani ki he kakai Tonga mo ‘enau ‘amanaki ‘e ‘ikai ke toe fou ‘a e kakai Tonga he hala na’a nau fou ai ‘o iku tonoa ‘enau ‘amanaki.
‘Oku hokohoko atu pe ‘a e feinga ke totongi fakafoki ange ‘a e mo’ua ‘o e Super Cheap Tonga kiate kinautolu fakatatau ki he fakamatala ‘a e Autorec Autorec Enterprises Limited.
9 comments
-
'Oku fakaloloma hono 'ave he ki'i kautaha ko'eni koe Super Cheap 'a e 'ata kovi 'o e fonua ki he ngaahi kautaha lalahi pehe ni hange koe Autorec. Na'e mahino pe mei he vave 'a e 'oho 'a ki'i tama ni hono kamata e kautaha 'e 'iai e palopalema . 'Oku sai pe kapau koe palopalema na'e ngata pe 'ia Filimone ka kuo kau atu kiai e tokolahi e kakai pea 'oku kei loi pe 'a Filimone 'o a'u ki he 'aho ni.
-
Koe lesoni pe ke tau ako mei ai kainga Tonga. 'Oua 'e pa pe me'a mo tau 'oho ka tau ki'i siosio lelei. Tau sio ki he lekooti e tokotaha pisinisi moe ha 'ene me'a kuo tu'u he fonua ni. Pea 'oua 'e vave kihe 'oho he ha ngali ma'ama'a 'ae product kae 'uluaki vakai'i e hisitolia 'oe pisinisi. Mahalo na'a 'oku pau ange pe ngaahi pisinisi kuo fuoloa 'etau fe'ao mo ia hange koe Si'i Kae Ola, Vaitohi, Millenium etc., he ngaahi pisinisi 'asi fakafokifa ko eni hange ko Filimone na'e te'eki ke tau 'ilo ha'ane me'a fakapisinisi ki mu'a. Tau toe sio tokanga ange pe kainga Tonga, he ka tau ka te'etokanga 'e toe tamate'i pe kitautolu 'e hotau kakai.
-
Neu lele atu ki he 'ofisi 'o e super cheap koe 'eke 'eku seniti ke refund mai he na'e 'ikai keu toe fiema'u ha me'a lele koe lahi 'a e loi 'a e kautaha ni. Ne fakahoko mai ko Filimone 'oky lolotonga 'i Siapani kau hu atu pe ki he 'ofisi hono ki'i tokoua 'oku lele pe 'ene kautaha komipituta. Lolotonga 'eku talanoa mo hono ki'i tokoua kuo hu mai 'a Filimone ia ki he 'ofisi pwa na'e mei tu'u e taa hoku mafu hono fai e me'a koe loi. Ko e tuha pe 'o e kakaa moe loi koe tu'ulu 'a e pisinisi. 'Oku mo'oni e autorec 'oku totonu ke 'ilo 'e he kakai Tonga mo mamani 'a e me'a ni.
-
oku taengali lahi hoo kii sio mai moe fuhinga loi oku ke fakamasivai aki e kakai tokolahi oe fonua. kuo mei hake ha kataki ha taha o hikihaaki koe keke movetevete. fai mo ke admit kihekakai ku ke bankrupt kae tuku hoo fakaloloai enau mahalo. fkfosii hifo aa hoo ulupupula moe kaaimumua moe fakapikolahi
-
Ko e ki'i tangata loi mo'oni 'a Filimone pea a'u ki hono ;eke atu talamai 'oku 'i Siapani kae hili koia 'oku toi pe ia 'i honau 'ofisi. 'Oku kei fakaongoongo mai 'a kolo ko Mangia 'i Vava'i ki he'enau pasi na'e totongi he 2014 'oku te'eki ke ma'u. Kau ai moe pasi 'a Holonga Vava'u pea kuo lahi hono faka'ilo ka e malo 'oku te'eki ala ha taha 'o taa'i.
-
Oku ikai ko ha loi eni koe mooni cos we are one of the victims he ngaue hala ko eni as in oku mau kei tali eni ki hemau mealele nae osi totongi osi pea tala mai e ma'u he september last year pea koe osi eni e tau e 1 oku teeki pe mau emau mealele kae toe ha excuse kehekehe hono tala mai....annoying!!
-
Ko e taau pe fai e kakaa a Filimone kuo maama e kakai, ikai ha'u ha taha mo ha toki 'o hau 'aki hono sika. Ki'i siana si'isi'i ka ne fakamamahi'i e fu'u kakai tokolahi, poupou lahi pe ki he ngaue kakaa koeni hono mali. Ko e fa'ahinga kakai 'oku sai 'aupito hono fakatokanga, faka'ofa taha e kau vaivai 'oku ne pa lohiaki'i. Kapau na'e hoko ia ko ha Memipa Kapineti tenau navu fakataha mo Lavulavu ha fa'ahinga vouti pe ki he tu'ulelei.
-
Simon 'alu hifo sio he facebook 'a e autore konautolu 'oku nau tamu'omu'a hono share e article ko'eni. Kapau 'oku ke kuikui pea ke 'alu ki he Fakamaau'anga 'o sio he 'otu hopo 'a e super cheap mo e pa'anfa 'oku nau owe ki he kakai pea fiu tali e tokolahi ke ma'u mai ;enau me'alele...
-
ikai ke tau ilo e mooni na koha lotokovi pe eni ki he lele lelei ae kii kautaha a Filimone Toaho... he kuo tau osi iloi lelei pe aga oe Tonga oku ikai lava ha taha ke fklakalaka he loto kovi... na koha foi ogoogo tuku hifo pe kihe fkau ke lelei age kii kautaha koeni iate kinautolu,