Ko e ha kuo futefute ai e Pule'anga he teu Fili Fakahaloto? Featured
Tohi Ki he 'Etita
Ko e ha kuo futefute ai e Pule'anga he teu Fili Fakahaloto?
Tangata’eiki,
Kou tui ‘oku lahi ‘a e ma’u hala pea moe takihala’i ‘o e kakai he kaveinga ni. ‘Uluaki ko e me’angaue pe eni ia ‘a e Temokalati ‘a ia ‘oku faka-lao pea faka-Konisitutone. Koe taimi ne fai ai ‘e ‘Akilisi Pohiva ‘a e ‘eke’i 'o e falala’anga ‘o e pule’anga ‘o Tu’ivakano ne ‘ikai fai ha laaulea ki ai hange ‘oku hoko he taimi ni.
Ne ki’i fakapatū ’a Lord Vaea ‘i Nu’usila pea hange ha tu’unga lō kuo veuki ‘enau nga’uta. Kuo ‘ikai ifo ‘enau nofo pea kuo a’u ki hono toutou fehu’i 'i Fale Alea pe ‘e fakahoko fakaku ‘a e Vote of No Confidence. Iku toe kole ke toloi e Fale Ale ka nau folau pea nau toki foki mai 'a e Kapineti.
Toe tu’u mai e Palemia ‘o fai hono fo’i faka’eke’eke ‘o ne vikia pe ‘e ia hono pule’anga. ‘Oku ‘i ai foki ‘etau paloveape ki hono “Vikia ‘o..kae…pongipongi” toki faka’osi atu.
Ne fai ‘e ‘Akilisi mo ‘ene kau poupu he ‘osi e ‘ulauki mahina ‘e 18 ‘a Tu’ivakano mo hono pule’anga ‘enau VoNC (Vote of No Confidence). Ne ‘ikai ke toe ha me’a hono ‘ohake ai, ne iku ‘ikai tali. Ne ‘ikai nonga ai ‘a ‘Akilisi pea ne ‘ave ai e Palemia ‘o e ‘aho koia ki he Fakamaau’anga.
Ko e me’a ‘oku ha mai he taimi ni ‘oku lahilahi e ngaahi me’a ke fai’aki hono vakai’i hono falala’anga ‘o e Palemia. Fili hono foha, palopalema he potungaue ako, Forbes, Tonga Forest, koe minisita ena kuo fanofano mai ia ‘e ‘ikai te ne tautea kae tuku pe kene fakafisi neongo kuo ‘osi mahino ne fai e ki’i inuinu hoko moe ki’i tolo ipu sio’ata.
Kaekehe ‘oku ‘ikai ‘uhinga hono ‘ohake ‘e Lord Vaea ‘a e fokotu’u VONC ke tukuaki’i ai e Hou'eiki Nopele pehe ko e fie Palemia. ‘Ikai koe me’asivi pe ‘oku foaki ange ‘e he Konisitutone pea ‘oku loto ai e Hou’eiki Nopele moe ni’ihi ke vakai’i ‘a e Palemia pe ‘oku kei taau ke hoko atu.
'Oku muimui atu ai moe fehu'i pe koe ha ku futefute 'aka'aka pehe ai 'a e Pule'anga hange ha leka vale he teuteu fili fakahaloto?.
Malo,
Hala Tahi
6 comments
-
MĀLO SIAAFAFINE...Palōmesi 'a e PM ke totongi e "corruption" 'a Lavulavú, ko e fo'i lasu ketau hanganoa ai. Pea kuo ngalo atu ia, he na'e 'ikai faka'ilo 'a Lavulavu ke mo'ua pea 'alu ki silicone.
Kuo ngāue pōpula e tokolahi 'i he 'enau fai 'a ngaahi hia na'e si'isi'iange 'i he hia 'a Lavulavú. -
Ha e me'a 'oku fai e futefute pea tali koe temokalati 'eni na'a mou loto ke tau liliu kiai ko hono ngaahi ouau 'ena. Futefute ai leva ke ma'u e miniti 'e 30..
-
'Oku tau faka'amu ke 'oua na'a toe hoko ha paloti hange ko e paloti ne fai 'i hono impeach 'a Lavulavu. Tau faka'amu ke nau paloti he issue ka e tuku e fetauhi'aki va. 'Oku tau kei tatali pe 'e totongi mei fe pa'anga ne mole he ngaue kaakaa 'a Lavulavu. Na'e pehe 'e he PM ke tuku ki ai ke ne tautea 'a Lavu ko e' uhi ke lava pe 'o totongi e pa'anga ne mole. Ka 'e totongi nai eni mei fe ? Tanaki atu ki ai 'oku kei lele pe ako 'a Lavu he senita fakafonua pea 'oku kei nofo pe he 'api fakapule'anga. Vakai'i atu na'a 'oku kei vahe fakaminisita pe ia.
-
Oku fakavaleheanga pe ke fokotuu atu ke kataki tuku e vouti ia. Fai mo fai ha faahinga mea ange e taha e pakihi pe ongo ki mamani oku iai e kovi ohua heene tataki.
-
Faka'ofo'ofa e fokotu'u ia ke mahino pe na'e pea oku 'iai e tonounou 'o 'ene fakahoko fatongia mo 'ene timi.. na'a ne pehe 'e ia ko ha Pule'anga 'ena o ha vale ke fai pe 'ene fakapone mo fkngaue'i 'ene fanau mo liliu e maaka ta'e ha 'uhinga moe 'ikai alu he transparency kae olo'i holo moe loi moe ngutugutu ua .... Sai koe me'a ngaue pe ke tokoni ki he Pule Lelei
-
'Oku pehe foki 'e 'aki ia mo hono kau poupou ko nautolu pe 'oku ngofua ke nau 'eke'i ha ngaue kovi 'aha taha, lau'i kovi'i ha taha, fakaanga'i ha taha, pea a'u eni kihe vote of no cofidence ko nautolu pe 'oku ngofua ke nau fai. Pea ka fai ia 'eha taha kehe 'oku hala ia, pea tokua koe lotokovi mo e fie ma'u mafai. 'Ilonga lelei mai ai 'enau kei iiki faka-politikale (political immaturity) 'oku nau hange ha kau leka kei lele taipa holo, koe 'ikai pe fai honau loto ku nau to 'aka'akafute mo toho holo e taipa he kelekele.
Toe 'ai mai e fo'i lea ma'ulalo fau ia 'ae minisita mo'ui he Kaniva, hange eni ia 'oku kui, tuli, noa mo vale e kakai e fonua. Koe vakai pe 'oku tekeutua mai e faikehe moe fehalaaki e taki 'a 'aki kae tala pe 'e Saia Piukala ia 'oku tonu. Manatu kita kihe talanoa ki he 'Emipola mo hono vala fo'ou, 'a hono fakahikihiki'i 'ehe kau minisita moe kau ma'olunga e faka'ofa'ofa e teunga fo'ou 'oe 'Emipola, kae talunga moe ki'i tamasi'i ta'u 5 ke ne pehe atu pe koe ha 'oku lue ta'evala holo ai e 'Emipola he loto kolo. Fakatokanga atu heni ki he kau poupou moe kau lotu kia 'aki, ke mou siosio lelei na'a toki fakamaa'i moutolu 'eha ki'i leka ta'u 5.