Fakamaau Lahi Fo'ou ma'a Tonga
Fakamaau Lahi Paul Garlick KC.
1 Me 2025. Na'e talitali lelei 'e he Sosaieti Lao 'a e kau loea 'a Tonga he 'aho ni 'a e Fakamaau Lahi fo'ou ki he Fakamaau'anga Lahi 'a Tonga ko e tangata Pilitania ko Paul Garlick KC.
Na'e talitali foki 'a e Fakamaau Lahi fo'ou ki he Fakamaau'anga Lahi 'i Nuku'alofa pea na'e me'a ai 'a e Tu'i Fakamaau Lahi Hon. Malcolm Bishop KC pehe ki a Hon. Petunia Tupou KC mo e ni'ihi 'o e kau loea 'a Tonga.
Ko Fakamaau Lahi Garlick 'oku lahi 'ene taukei he Hopo Hia pehe ki he Lao Fakavaha'a Pule'anga (International Jurisprudence) pea na'e talitali ia 'e he 'Ateni Seniale Linda Folaumoetu’i ko e Tokoni Palesiteni 'a e Sosaieti Lao 'a Tonga pehe kia Mr. Ralph Stephenson mei he Sosaieti Lao 'a Tonga pea na'a na fakavikiviki'i 'a e taukei 'a e Fakamaau Lahi fo'ou ni.
Na'e fakafuakava'i pe foki 'a e Fakamaau fo'ou 'i he Kapineti he pongipongi 'o e 'aho ni kimu'a pea fakahoko 'a e ouau talitali ni.
Na'e tukupa foki 'a e tangata ni tene fakahoko hono lelei taha ke fakapapau'i 'a e pule 'a e lao mo hono fatongia faka Fakamaau 'e fakahoko ki he lelei taha tene ala malava.
N'a e hoko foki 'a Fakamaau Lahi Garlick koe loea pea fokotu'u ia ki he Bar 'i Pilitania 'i he ta'u 1974 pea na'a ne ngaue foki 'o he ngaahi fonua muli 'i he mala'e 'o e lao hange ko Azerbaijan, Iraq, mo Afghanistan.
Na'a ne hoko koe faiako 'i he The Hague University of Applied Sciences 'i Netherlands 'i he mala'e 'o e Criminal Law, Rights of the Accused mo e Anti-money laundering practice mei he ta'u 2015 ki he 2020.
