Fakaivia Pule'anga ngaahi pisinisi ngaohi pe fo’u koloa fakaloto fonua (Tongan made products)
26 Fepueli 2024. Na’e to e fakahoko ‘i he faka'osinga 'o e uike kuo 'osi Tu’apulelulu 22 Fepueli ‘a e polokalama tokoni ‘a e Potungaue Fefakatau’aki mo e Langa Fakalakalaka Faka'ikonomika ‘o fakataumu’a ia ki he ngaahi pisinisi ‘oku nau ngaohi pe fo’u koloa fakaloto fonua (Tongan made products).
'Eiki Minisita Hon. Dr. Viliami uasike Latu hono fakakoloa e polokalama
Ko e ngaahi pisinisi ‘o kau ai e pisinisi ta’o ma, ta’o keke, tuitui, ngaohi naunau fale (furniture), ta falani (screen printing) mo e ngaahi ‘elia kehekehe na’e filifili ‘e he Potungaue ni ‘o taa’i malie ai e toko 15 ‘i he tokoni ‘o e ‘aho ni.
Ko e toko 15 ko ‘eni na’e filifili ia hili ha ngaahi ako 'a e BUY TONGA MADE na’e fakaafe ki tu’a ki he ngaahi pisinisi fo’u koloa fakaloto fonua pea mo e savea na'e fakahoko hili 'a e ngaahi ako na'e fakahoko.
Sione Taiseni Katoa - Pisinisi fo'u naunau fale ki he fale nofo'anga, 'ofisi ngaue mo e falelotu
Ko hono fakamalo'ia 'e he taha 'o kinautolu na'e 'inasi 'i he polokalama tokoni, "Ko e tokolahi 'o kimautolu kau pisinisi iiki na'e si'i feinga holo pe 'i he ki'i me'a 'oku ma'u ka 'oku hoko e tokoni 'oku fai kemau lava 'o nga'unu ki mu'a"
Na’e fuofua kamata ‘a e polokalama ni ‘i he 2018 pea ‘i he’ene a’u mai ki he ‘ahoni, kuo hanga ‘e he Potungaue Fefakatau’aki mo e Langa Fakalakalaka Faka’ekonomika ‘o tokoni’i pe fakaivia ha ngaahi pisinisi iiki ‘e 75.
 "Pin It")