Fiema’u ha komisoni tau’ataina ke fakatotolo’i hono tutu ‘o Nuku’alofa Featured
Lau ‘a e ‘Etita
Fiema’u ha Komisoni tau’ataina ke Fakatotolo’i hono tutu ‘o Nuku’alofa
‘Oku fu’u fiema’u fakatatau ki he tu’unga fakapoilitikale ‘oku ‘i ai ‘a e fonua he ngaahi ‘aho ni ke fokotu’u ha komisoni tau’ataina ke fakahoko hano fakatotolo’i ‘a hono tutu mo hono faka’auha ‘o Nuku’alofa.
‘Oku makatu’unga ‘eni ‘i he ngaahi kaveinga ‘oku toutou ‘ohake ‘e he Pule’anga ‘o e ‘aho ni pehe pe ki he kakai ‘o e fonua ‘o fekau’aki tonu mo e konga fakaloloma ko’eni hotau hisitolia pea ‘oku lahi ‘a e fakamahamahalo mo e ma’uhala kiai.
‘Oku ‘ikai foki ke malava ke veteveteki fakalelei ‘a e ngaahi mo’oni’i me’a fekau’aki mo e fakatamaki ko’eni pea ‘oku fiema’u ia ke mahino ki he kakai ‘o e fonua he ‘oku lahi ‘a hono fehu’ia.
‘I he’ene pehe leva ‘oku ‘i ai ‘a hono mahu’inga ke fakahoko ‘a e ngaue ko’eni kene ‘omai ‘a e mo’oni mo e tootnu ki he kakai ‘o e fonua.
Ko e konga mahu’inga ‘oku ne langa’i ‘a e talanga fekau’aki mo e kaveinga ko’eni ko hono teuteu totongi fakafoki ‘o e noo 'oku laka hake ‘i he pa’anga ‘e 100 miliona ‘a e Pule’anga Tonga mei Siaina ki hono toe langa ‘o Nuku’alofa.
Ko e konga ‘e taha ko hono tukuaki’i ‘o e Pule’anga ‘o Feleti Sevele mo e kakai ma’u tu’unga kehekehe pe ‘e he Pule’anga ‘o e ‘aho ni tokua na’e ‘ikai ke mei tutu mo faka’auha ‘a Nuku’alofa ‘i he ‘aho 16 ‘o Novema 2006 ka ko kinautolu.
‘Oku taukave foki ‘a e tokolahi ia ‘i he fonua ko hono tutu mo faka’auha ‘o Nuku’alofa ko e fakatupunga ‘e hono takihala’i mo hono lohiaki’i ‘e he Palemia ‘o e ‘aho ni ‘Akilisi Pohiva ‘a e kakai ‘o e fonua pea faka’ai’ai kenau taufehi’a, ‘ita mo loto kovi pea loto’i sauni ki he Tu’i, Hou’eiki, kau taki ‘o e Pule’anga, kau pisinisi, kau taki lotu, kakai ‘oku nau faingamalie ‘i he sosaieti, kakai ako lelei mo honau kau poupou.
‘Oku toe lahi mo hono ‘ohake ’a e ngaahi fakamo’oni mo e ngaahi hopo kuo fakahoko fekau’aki mo e ngaahi tukuaki’i na’e fakahoko ‘e ‘Akilisi Pohiva ‘a ia kuo fakamo’oni’i ‘oku ‘ikai pea na’e ‘ikai mo’oni ‘o iku ki he totongi ‘a e pa’anga lahi ki he Fakamaau’anga makatu’unga ‘i he’ene loi, takihala’i, fakaloto kovi mo e lau’ikovi’i.
Kuo toe hopo mai foki mo e kau poupou ia ‘o ‘Akilisi ki mu’a ka kuo nau mavahe mo ‘ikai poupou ki he'ene founga ‘o tuku mai ‘a e ngaahi fakamatala ‘oku falala’anga ki he palani mo e teuteu na’e fakahoko ki hono tutu ‘o Nuku’alofa ‘a ia ‘oku fakalilifu moia.
Ko e founga anga maheni pe foki ‘a hono fokotu’u ‘a e ngaahi komisoni fakatotolo tau’ataina pehe ni pea koe founga maama mo faka-temokalati ‘a ia ‘e tokoni lahi ‘eni ki hono solova ‘a e fo’i fakapona kuo ta’u lahi ‘ene tolona mai fekau’aki mo e kaveinga ni pea me’angaue’aki ‘e he tokolahi ‘o taki ai ‘a e Palemia ‘o e ‘aho ni mo hono kau poupou ke vaka atu ai ‘enau ngaahi ‘asenita faka-politikale.
‘Oku kei lavea ‘a e si’i kakai pisinisi tokolahi ‘i he fonua ni na’e ‘ikai ha’anau hia he ngaue pango na’e hoko ‘i hono tutu ‘o Nuku’alofa pehe ki he kakai tonuhia ‘o Nuku’alofa na’e mole ‘enau koloa pea nau kafo faka’atamai mo fakaongo ‘o a’u mai pe ki he ‘aho ni. 'Oku 'ikai ngata ai na'e mole 'a e ngaahi mo'ui.
Na’e fokotu’u foki ‘e he Pule’anga ‘o Tu’ivakano ‘i he ta’u 2011 ke fokotu’u ha komisoni fakatotolo tau’ataina kenau fakatotolo’i ‘a hono tutu mo faka’auha o Nuku’alofa pea na’e kole fakamamate heni ‘a e Palemia o e ‘aho ni ‘Akilisi Pohiva lolotonga ‘ene kei Fakafofonga Fale Alea ‘ata’ataa pe ma’a e Vahenga Tongatapu 1 ke ‘oua ‘e toe fai ha sio ki mui pea na’e ta’ofi ‘eni ‘e he Pule’anga ‘o Tu’ivakano ‘o makatu’unga ‘i he laumalie ‘o e fakamolemole, toka’i mo e sio atu ki ha Tonga fo’ou.
‘Oku mahino mai foki kuo ngalo ‘a e tauto’e ia ‘a e kaiha'a ‘akau pea kuo mo’oni lea taka he fonua koe “Hau pea Kui” he kuo hiva kava’aki ‘e he Palemia o e ‘aho ni ‘a hono tukuaki’i ‘o e ngaahi Pule’anga ki mu’a mo tala ‘enau faiahla pea fakatotolo’i pea faka’ilo mo honau ni’ihi.
Kapau leva koe founga ia pea ko ‘ene ma’a mo’oni ke fokotu’u ki he Tu’I ke fokotu’u ha komisoni tau’ataina kenau fakahoko ‘a e ngaue ko’eni he ‘oku fiema’u ke ma’u ‘e he kakai ‘o e fonua ‘a e mo’oni pea ke ‘oua ‘e toe fai ha tala’a.
‘Oku mahino pe ‘a e tu’u ‘a e lao kuo pau ke poupou kiai ‘a e Kapineti ‘i hano fokotu’u ki he Tu’i pea neongo ‘e faingata'a ke poupou kiai ‘a e Kapineti ‘o e ‘aho ni ka ‘oku ‘i ai pe moe ‘aho ia ‘a pongipongi pea ‘e ‘ikai ha Pule’anga ia ‘e nofo ‘o ta'engata.
Ko e founga ma’a ‘eni mo taau pea tene fakatokamalie ‘a e longoa’a fekau’aki mo e kaveinga ni.
7 comments
-
Obviously you got a chance to try to get rid of what happened !!! What a ridiculous joke. Why don't you want to seek for the right justice as we all know that Nuku'alofa riots was set up but then turned down for political Reasons, even though the royal commission was ordered to do but it was not clear how they end up begging to the parliament to leave it alone and don't look back to what happened but to look forward and start a new life and forget about what happened. 'Oku mau ongo'i 'oku ,ikai ke mau fiemalie ka e 'oleva kuo fakahoko 'a e fakamaautotonu ki he fa'ahinga ko ia na'a nau tutu 'aNuku'alofa
-
'Ofa mai ka 'oku mo u loto ki ai ko e ha ku o to e fakaloloa ai ko 'e tau motu'a Palemia kuo taimi ke hoko atu 'e ne fai fatongia 'I Tolitoli hhhh
-
Malo eni kuo tau ma'u e talanoa fakapulipuli na'e fai ki hono teu tutu o Nuku'alofa, pea oku iai e poupou atu ke ai leva ha Komisoni tau'ataina kenau siofi. Ka ma'u ha talanoa fakapulipuli pehee ki hono fakangoto'i o e Ashika, pea ai atu mo ha Komisoni kiai, ketau ma'u kotoa pe a e mo'oni.
-
'E tuku koaa 'afee e ta'emahino mo e ta'e'ilo? Kuo fuoloa hono fakahoko e Royal Commission ki he Ashika pea 'osi fakaha hono ola pea fakahoko moe ngaahi tu'utu'uni moe ngaahi tautea.. Na'e 'ife kau leka ta'emahino ia ko eni 'oku nau toutou valelau ta'e'ilo kihe Ashika.
-
Koe ngoto koi ia 'a e MV 'Asika mo hono tutu 'o Nuku'alofa koe ongo fo'i keisi ia na'e fakatou mole ai 'a e mo'ui 'o e tokolahi. Neongo 'oku te'eki mo'ua tautea ai ha taha 'i ha falehopo ka koe tautea 'a e konisenisi 'oku ki'i fakatu'utamaki ange ia because it is under the authority of The Divine Commission. 'Oku ou manavasi'i na'a fokotu'u ha komisoni tau'ataina pea 'osi ange 'a e fakatotolo 'oku fakatou tuhu pe ki he same influential source for each cases, the one who currently suffer the most..
-
Fiema’u ha komisoni tau’ataina ke fakatotolo’i e Ngoto MV ASIKA
-
This is a prime example of the saying : " Whatever is hurtful to you , do not do to any other person . " Why the smutty innuendoes and vicious insinuation going on , when it's well known to all in Government , who were the people and who was the person responsible for inciting the riot that destroyed businesses in Nukuolafa , and also cause loss of life . If there is evidence as to who is guilty ? Why a royal commission , it'll be a waist of time and money if this idea for a commission goes ahead . Take to court whoever was responsible and be done with , so that the Government can get on with the more important business of finding ways to pay back the money owed to China . This is also another example of downright scheming and malice how could someone be so gullible as to forgive another , who would one day prosecute him for being so forgiving , If Tonga cannot sort her financial problems , someone else will ???? . Don't forget it happened before , what's to stop it from happening again ?