Faka’ilo tangata ngāue faka-Pule’anga fekau'aki mo e pekia 'i he hala Pule’anga Featured
Nuku'alofa, 19 Me 2016. Kuo faka’ilo ha ‘Ofisa Ma’olunga he Potungāue Toutai ko Poasi Ngaluafe ta’u 49 fekau’aki mo e pekia ‘a Uini Kava ta’u 46 ‘i he hala By-Pass ‘i he pongipongi Sapate 8 ‘o Mē 2016
. Na’e hā foki ‘a Ngaluafe ‘i he Fakamaau’anga Polisi ‘i he ‘aho Mōnite 16 ‘o e uike ni ka na’e toe toloi ‘ene hopo.
Ko e faka’ilo ‘eni ‘o Ngaluafe ki he faka’uli ta’etokanga‘o tupu ai ‘a e pekia lolotonga ‘oku ne ma’u ‘a e kava mālohi. ‘Oku mahino foki mei he fakamatala ‘a e kau Polisi na’e hoko ‘a e fakatu’utamaki ko’eni ‘i he taimi hengihengi pea koe pekia na’e ‘i he loto hala ‘o hoko ai ‘a e fakatamaki ko’eni ‘o pekia ai pe.
‘Oku te’eki ke mahino ha taimi ‘e toe hā ai ‘a Ngaluafe ‘i he Fakamaau’anga Polisi ke fakahoko 'a e fakatonutonu ko'eni.
Na'e toki tautea atu pe foki ke ngāue popla ta'u 'e 3 kae toloi 'a e konga 'a e matāpule ko Malolo 'Inia mei Ma'ufanga 'i he konga ki mu'a 'o e mahina ni ko e faka'uli ta'etokanga lolotonga 'oku ne ma'u kava malohi 'o hoko ai 'a e pekia mo e lavea lahi 'i Ma'ufanga 'i he mahina ko Sanuali 2015.
3 comments
-
Oku fai pe foki etau lausali he mamani koeni ka oku osi omai pe ehe Eiki hotau kamata'anga mo hotau ngata'anga. Ko Poasi ia koe tama afungi tapu moia. Na ko ha mea eni ke peku hifo ai kene ilo a Sisu pea koene ilo leva ia e mea koe faka'apa'apa kihe kakai kotoa pe.
-
Tau sio he teuteu atu e tokotaha ni ke ngaue popula.Ko Malolo Inia ne toki tautea ngaue popula ka koene toki faihia.Tau vakai pe e kei apply tatau ai pe lao ki he tokotaha ngaue maolunga koeni he Puleanga.
-
Na'e 'iai foki e ngaahi talanoa na'e sasala fekau'aki moe fekolosi'aki 'ae kau ngaue Potungaue Toutai he taimi fua mokohunu tautefito ki he taimi na'e ta'ofi ai 'ehe lao 'ae fangota'i moe fua e mokohunu. Na'e kau foki he talanoa ko eni e ngaahi folau ki Siaina he ngaahi 'uhinga kehekehe pe, ka na'e fai ai e tala'a 'ae fa'ahinga fekau'aki moe 'uhinga totonu 'oe ngaahi folau ko eni moe kakai na'e kau he folau. Na kuo taimi ke toe ki'i vakai'i 'ehe Potungaue Toutai e founga fakahoko fatongia 'enau kau 'ofisa.