Fakahiki’i ‘a Laumanu Petelo mo Viola Ulakai mei he va’a ongoongo ‘a e Letio Tonga Featured
10 ‘Okatopa, 2017. Kuo fakahoko ‘e he Sea fo’ou ‘o e Poate Fakamafolalea ‘a Tonga Tu’i Uata ‘a e tu’utu’uni ke mavahe ‘a Laumanu Petelo mo Viola Ulakai mei he va’a ongoongo ‘a e Letiō mo e Televīsone Tonga ki he tafa’aki fakamaketi.
‘I hano lipooti ‘e he ongoongo ‘a e Letiō Nu’usila na’e fakamahino mei ai koe konga ‘eni ‘o e fokotu’utu’u fo’ou ‘a e Komisoni Fakamafolalea ‘a Tonga ‘i he malumalu ‘o e tu’utu’uni ‘a e Sea fo’ou ‘o e Poate Tu’i Uata.
‘Oku ‘ikai foki ke hā lelei ‘a e fehikitaki ko’eni ki he tokolahi ‘o e kakai ‘o e fonua he koe tokoua ko’eni ‘oku na taukei taha ‘i he tafa’aki ongoongo ‘a e Letiō mo e Televīsone Tonga pea kuo lauita’u ‘a ‘ena fai fatongia mai ‘i he tafa’aki ko’eni.
‘Ikai ngata ai ka ‘oku manakoa ‘a e fakahoko fatongia ‘a e ongo fafine ni mo ‘ena ngaahi polokalama ‘o kau ai ‘ena tukuange totonu mai ‘a e ngaahi ongoongo ‘oku kaunga tonu ki he fakahoko fatongia ‘a e Pule’anga mo e anga ‘a hono tataki ‘o e kakai ‘o e fonua ‘e he kau taki.
‘Oku fehu’ia lahi ‘a e nga’unu ko’eni he ‘oku te’eki ke mangalo hifo ‘a e feinga ‘a e Palēmia ‘Akilisi Pohiva ke tuku ‘a Viola Ulakai ki tu’a mei he Komisoni Fakamafolalea ‘a Tonga ‘i he konga kimu’a ‘o e ta’u ni.
‘I he taimi tatau, ‘oku ‘ikai ke mama’o ‘a e nga’unu ko’eni mei hono lolomi ‘a e tau’atāina ‘a e ongoongo ‘i he fonua ni mo hono pule’i faka-polisi ‘o e mītia ‘a e Pule’anga ‘a ia ‘oku ‘ikai koha faka’ilonga lelei ‘eni ki he liliu faka-temokalati.
‘Oku mahu’inga ke tu’u fakataha ‘a e ngaahi kautaha ongoongo ke tau’i ‘a e tau’atāina ‘a e ongoongo mo e hu’unga ‘o e fakamatala ‘i he fonua he ‘oku fu’u mahu’inga fau pea ‘oku lea pe kiai ‘a e Kupu 7 ‘o e Konisitūtone.
‘Oku malava ‘e ke tokolahi ‘o e kakai ‘o e fonua ke faka‘uhinga ‘a e makatu'unga 'o e fokotu’utu’u fo’ou ko’eni pea ‘e ‘ikai ke hala ia ke tau fehu’ia pe ‘oku kei tau’atāina nai ‘a e ongoongo ‘i Tonga ni pe ‘ikai?
Na'e toe fakamahino mei he toko ua ko'eni hange ko hono lipooti 'e he ngaahi kautaha ongoongo 'oku na fakahoko 'a e 'eke fakalao fekau'aki moe me'a ni.
6 comments
-
'Oua 'e fiu tuku aa ho'o puhi mai 'a e loi mo e veve 'oku fafanga 'aki koe 'e he pule'anga fakataimi ke ma'u ai ha excuse ke fakahiki'i ai e ongo faiongoongo lelei ko eni. Ko e pehe koee 'oku lele mole 'a e TBC 'oku loi 'aupito ia. 'Oku fakaoli 'a ho'o tui ki he ngutu 'a e kau poupou 'a e PM. Ko e mo'oni eni teu 'oatu. Ko e mo'oni ko e TBC na'e lele mole 'i he ngaahi ta'u lahi ka 'i he ta'u fakapa'anga 2015/16 na'e ma'u ai 'a e tupu 'a e TBC na'e lau kilu. Pea ne nau totongi ai 'a e dividend ki he pule'anga. Ka 'i he ta'u fakapa'anga 2016/17 ne nau toe ma'u pe ai 'a e tupu ka na'e holo lahi ia mei he tupu 'o e 2015/16, ko e ha hono 'uhinga?? Koe'uhi ko e huu 'a e PM mo e politikale 'o taa palasia 'a e ngaue 'a e TBC 'o makatu'unga ai 'a e holo 'a e tupu 'a e kautaha. Ka ko 'eku poini 'oku 'ikai ke lele mole 'a e TBC 'i he lolotonga ni ne ngata pe 'a e lele mole i he ta'u fakapa'anga 2014/15. Pea tuku ange ke tau sio ki hono fakalele 'e Tu'i Uata 'a e TBC pe 'e toe tupu koaa pe ko e toe foki pe ki he mole. 'Oua 'e fiu 'uluaki fekumi ki he mo'oni kae tuku e tui ki he fo'i pea mo e fo'i na'e kotoa pe 'oku ha'u mei he PM. Ko 'ene pehe atu pe ke ke 'alu too he 'iooo ke 'alu 'o too ai 'ikai toe fkfehu'ia 'a e mo'oni.
-
'Io, pea na'e 'osi pe hono tutu 'o Nuku'alofa 'e Dr Shipwreck mo 'ene kau 'atamai kovi na'e hanga leva 'ehe 'Otua 'o 'oange fu'u akonaki fefeka kia Dr, 'o 'ikai tu'o taha, kae tu'o ua. Ka ko ena 'oku te'eki ai pe ke poto, 'oku kei fai pe he 'afungi mo hono veuveuki e fonua. Ka tau sio pe, he koe 'Otua 'oku ne 'afio'i e me'a kotoa pe; na kuo mei 'omai ha toe fu'u akonaki ke toki poto 'aupito ai a Dr Sw.
Fai mai 'ene fu'u polokalama campaign mo Po9 he TV moe letio tokua koe fakamatala e tu'uinga 'ekonomika e fonua. 'Oku na pehe 'oku tau vale tatau mo naua. 'Ae tekeutua mai e kemipeini ka na kei kikivi mai pe tokua koe polokalama fakapule'anga kihe fonua. 'Ofa mai a Dr Sw 'o poto na'a 'osi homou famili hono toutou akonaki'i 'aki koe. -
Kataki ko e fehu'i pe kia Dr. "Shipwreck" Tu'i Uata pe kuo ne study lelei e founga ma'u'anga pa'anga 'a e A3Z pe 'oku ne hu Lalo uaea atu pe 'o 'oho kui takai holo hono fakatanga'i e kau taki pea ne to'omai 'a e pule 'enisiniaa ke pule le'ole'o, koe'uhi kene manipulate 'aki si'i ta'etaukei 'a e pule 'enisiniaa? FAka'ofa lahi e Pule 'enisinia he 'ene give-in ki he tikitato e Sea. Ka kofee toenga e kau Talekita Poate e a3Z? Nau ilifia naa tuku nautolu ki tu'a 'e he PM/Poasi tEi kapau tenau ngaue'aki 'enau fakakaukau lelei mo tokoni ki he Sea? 'Oku fu'u FAka'ofa e dictatorial actions and shallow excuses given by the chair just to satisfy the whims of the caretaker PM/cabinet. Mou 'ofa mai 'o tokoni ki he a3Z mo malu'i 'a Tonga na'a toe hook ha riots he ko Tu'i Uata ena nene brainwash e kakaii mei he TV OBN he 2006 'o vela ai 'a hotau kolomu'a mo si'i mofia ai ha ni'ihi (fakamolemole 'ikai koha fie langa'i mamahi, ka ko e fie fakatokanga pe.) Malo ko e fie tokoni pe.
-
'Oku kei ta'emahino pe kihe kau muimui kuikui tokolahi na'e 'ikai 'uhinga hono fokotu'u 'e Kuini Salote e letio Tonga ke fai'aki ha kumi pa'anga pe fakatupu pa'anga, ka ke fakahoko e ngaahi sevesi mahu'inga ki he kakai e fonua, hange koe fakamatala 'ea, fakatokanga afaa moe ngaahi fakatamaki fakaenatula, fakamafola lea kihe ngaahi ako, fakamafola ai e ngaahi ouau fakafonua mahu'inga moe ha fua. Na'e 'ikai fokotu'u ia ko ha kumi tupu fakapa'anga.
Ka koe me'a eni 'oku fai ki ai e fifili:
1. Ko hai na'a ne fili e sea 'oe poate? 'e anga fefe ha lava 'e Tu 'i Uata 'o 'omai ha tupu fakapa'anga ki he TBC kapau 'oku 'ikai ke ne lava 'e ia 'o fakalele 'enau pisinisi fakafamili ke mo'ui? Koe leleitaha eni he kakai kotoa 'o Tonga ke sea he poate? koe fili fakapone nai eni moe fakapolitikale?
2. Ko e ha e 'uhinga 'ene fakahiki e ongo fefine taukei taha he mala'e 'o e ongoongo kae 'omai e fanga ki'i tamaiki te'eki ke 'iai ha'anau taukei 'e taha he lea he letio moe televisone. Koe lau ongoongo koe kovi atu - lau sipela tatau he fakapalangi moe faka-Tonga, le'o kovi, lapavale moe matu'aki ta'efe'unga ke lea ha letio fakapule'anga. Me'a fakama mo'oni kapau koe lelei taha eni 'a Tonga, ke nau ha'u 'o ako lea mo ako lautohi mai he letio ke fanongo kotoa atu kiai a Tonga ni.
3. Kuo 'oatu 'e Tu'i Uata e tokoua hono mali ke pule he letio AM lolotonga ia 'oku 'iai e kau lelei ange. Koe fakapone eni moe fakafamili?
Mo 'ofa mai ongo fefine, 'ave ho mo le'o ke a'u kihe fakamaau totonu 'ae lao ke kumi ho'omo totonu. -
Tali fiemalie e tuutuuni he koe founga fakangaue peia.Oku lahi e ngaahi taefiemalie pehe he u potungaue ka oku nau fkhaai aki enau taefiermalie aki hono toe hiki e ngaue o malohi ange ihe feituu oku nau iai o ikai kaikaila hange ko moua.
-
Koe langa ngaue moe ngaue'i ke ma'u ha tupu 'ae Komisoni Fkmafolalea Tonga....Kuo pau ke hoko 'ae ng naunau ia ko'eni.....pea 'oku totonu kemo tali fiemalie 'ae tu'utu'u ni 'ae Poate.
Na'e 'oatu he ta'u kuo hili 'ae fktokanga 'ae Hon Minisita 'oe ng Pisinisi ;ae Pule'anga
1. Ke hiki 'ae fai fatongia kihe lelei taha
2. Ke tafe mai ha tupu fkpa'anga ? he 'oku lele mole pe 'ae Komisoni Fkmafola lea........
3. Lolotonga koia oku ma'u kakato pe ho'omo vahenga he mahina kotoa, neongo ,ae lele mole 'ae Letio moe TV Tonga ?
Oku fknatula pe 'ae me'a ko'eni he ng private sector ?
Tuku 'ae fa'a IOHO mai, kae fkhoko 'ae ngaue ihe lelei taha. malo pe ko hono transfered kimoua kihe section e taha pea oku ou tui 'oku kei ma'u pe ho'omo tefito'i vahenga ?
Mo 'oooooooooooooo o ngaue tokanga !!!! Ta oku sai pe kei ma'u pe fo'i maaaaaaaaaaaaaaaaaaa,