Tonu nai ke kei ngaue’aki 'a e paánga fakavahe 'i he taimi kemipeini? Featured
Tohi Ki he 'Etita
Tonu nai ke kei ngaue’aki e paánga fakavahe 'i he taimi kemipeini?
9 Sepitema, 2017.
Tangata’eiki,
Ko e fili kuo panaki pea kuo ngatuu e taha kotoa ki he fili, ka ko éku hoha’a mo e fehuí nai koeúhi koe paánga fakavahenga áee óku kei hokohoko atu hono ngaueáki é he kau memipa fale Alea lolotonga ki hono fakahokoáki e ngaahi ngaue honau vahenga?
É ui nai eni koeha? Na’e moúa ‘a e Minisita malolo he puleánga ko eni ki heéne totongi paánga ha kakai lolotonga e kemipeni ki he fili.
Fefe kapau é fai ha tanu hala, ái ha misini vai mo ha ngaahi ngaue kehe áki e paánga fakavahenga lolotonga e taimi kemipeini ko eni.
Óku ou tui óku taéfakapotopoto é malava pe ke lahi ange faingamalie ia maáe tokotaha kanititeiti ka koe memipa Fale Alea lolotonga í hono kaunga kanititeiti (unfair advantage).
Kaikehe ‘oku te’eki ke mahino mai mo fakapapau’i ‘a e kau Kanititeiti ki he fili ko’eni ka ‘oku ‘oatu pe ‘a e fakakaukau ko’eni he ‘oku ou tui ‘oku mahu’inga ke fakatokanga’i ‘eni.
Faka’apa’apa Atu,
‘Ata Ki Tu’a
Kolofo’ou
2 comments
-
He'ikai pe toe tuku e kakaa ia moe mio'i 'ae ongo Lavulavu, 'alu fakataha moe fiefievaleloi fie matapoto. Tatau pe a avu fefine mo lavu tangata. Koe tanuhala ta'etotongi ko ena koe me'a ia 'oku ui koe bribery moe vote buying, pea 'oku totonu mo taau ke tataki atu kihe fakamaau'anga pea fakata'e'aonga'i ke 'oua 'e kau he kanititeiti ki he fili ko eni. Fakafokifa pe kuo 'iai hona fu'u maka 'I Ta'anea, pe ko hai ia si'i motu'a na'e kakaa'i 'ehe ongo me'a!!
-
'Oku mahino pe 'oku 'ikai ke lelei ke fai 'a e fa'ahinga me'a ko eni, tukukehe pe 'a Vava'u 16 he 'oku kei lele pe tanu hala ia 'a 'Akosita 'aki 'ena maka ta'etotongi tokua mei hona fu'u maka 'i Ta'anea. Kapau 'oku ta'efakalao eni 'e kei hopo'i pe ia 'e Lavulavu mo Mapa Hafoka ke hao.