Fakamanamana kau poupou Palēmia ki he Hou'eiki Nōpele teu Filifakahā loto: Kuo hā e Temokalati ia? Featured
'Eliesa Fifita
Tohi Ki he 'Etita
Fakamanamana kau poupou Palēmia ki he Hou'eiki Nōpele teu Filifakahā loto: Kuo hā e Temokalati ia?
Tangata’eiki,
Kataki kae pulusi atu mu’a ‘eku tohi ni ‘i ho’o kolomu mo ‘eku hoha’a lahi peau toe fakaoli’ia ‘i he fa’ahinga to’onga ‘oku ou lau koe to’onga fakapapeliane mo ta’e fakalotu kuo fakahoko ‘e he kau poupou ‘o e Palemia.
Kuo ‘ikai ke fakama’uma’u ‘a e kau poupou ni pea kuo nau fakahoko ha fakamanamana ki he Hou’eiki Nopele hange koia ‘oku ha atu ‘i he’enau tohi ‘oku pulusi ‘i he peesi facebook ‘oku nau fetakai ai pea 'oku ou toe 'oatu hono tatau 'i heni.
Ko hono pulusi hake foki 'a e fakamanamana faka-talisone ko'eni 'e Sione 'Eniketi Taufa (Keti Sione Taufa) 'i he peesi facebook "Ikale Tahi RWC 2019" Temo & "Liliu Reform" pea kau ai mo e ngaahi tukuaki'i kehekehe pe.
‘Oku mahino pe ki he motu’a ni ‘oku fakahoko ‘a e fakamanamana ko’eni ‘i he loto taufehi’a pea ta’omia nai ai pe ‘oku ‘ikai pe ha’anau ‘ilo kiai ‘a e tau’ataina faka konisitutone mo fakatemokalati kuo foaki ki he kakai ‘o e fonua ‘e he Konisitutone ‘o Tonga.
Ko e uho foki ia ‘o e temokalati ‘a e ‘ata kitu’a mo e tali ui hange koia ‘oku mei masipi honau loungutu (hufanga he fakatapu) hono malanga’i pea koe fili fakaha loto 'oku teuaki ko e tau’ataina ia ‘oku foaki ‘e he kupu 50B ‘o e Konisitutone.
Ko e fa’ahinga tafu afi ‘eni na’e vela ai ‘a Nuku’alofa pea ‘oku tau taa’imalie he kuo ho’ataina ‘a Tonga ni pea kuo maama ‘a e kakai ‘o e fonua. ‘Oku toe ho’ata mai foki mei he fa’ahinga fakamanamana ko’eni ‘a e maha ‘a e kato pea huke ki he peesi faka’osi.
‘Oku ‘i ai ‘a hono faka’apa’apa’i ‘a e totonu faka konisitutone kuo foaki ma’a e kakai ‘o e fonua ‘o kau ai ‘a e Fale Alea ‘o Tonga pea ke tau lotu mo hufia he ‘oku faka’uto’uta mei ‘olunga ‘a e me’a kotoa ‘i he funga ‘o e fonua.
Ko e tatau ‘ena ‘o e tohi ‘a e kau poupou:
WARNING AHEAD: KAU NOPELE 'OUA TEMOU FEINGA KE LIUKAVA'I KIMAUTOLU 'AE KAKAI' MO HOMAU TU'I' 'AKI VONC HE TEMOU 'AUHA AI......."
15/02/2017
KOE VONC 'OKU 'IKAI KOE TUKUHIFO 'OE PM 'AKILISI POHIVA,KA KO HONO :-
1. LIUKAVA'I MO TUKUHIFO E LE'O 'OE KAKAI' MEI HONO PULE'I 'ENAU TUKUHAU' 'I LOTO HE KAPINETI
2.LIUKAVA'I MO TUKUHIFO E FOKOTU'UTU'U NE FKHOKO 'EHE FALE 'O HA'AMOHEOFO,'AIA KOHONO FOAKI MAI 'AE MAFAI HONO FKLELE 'AE TUKUHAU 'AE KAKAI' EXECUTIVE (KAPINETI) KIHE KAKAI'
TETAU TA'UTU TAUTOLU KAKAI' MOE TU'I' 'O SIOSIO ATU PE KIHE VONC HONO FKHOKO',KAE 'IKAI KETAU MAHINO'I KOE VONC KO'ENI' KO HONO LIIIII KITAUTOLU KITU'A MEIHE KAPINETI' MOE FOAKI MAFAI 'OE KAPINETI 'AE TU'I' KIHONO KAKAI'.
FEHU'I :-
KA KOE HA UHINGA?
TALI :-
KOE FU'U TUKUHAU' 'OKU 'OVA HE $500 MILIONAAAA,PEA MOE FU'U SILINI 'OE SIPOTI' $500 MILIONA MOIA 'O FKTAHA'I IA KOE $1000 MILIONA.
KOE NGA'UNU KO'ENI 'AE KAU NOPELE',KOE TALA TAU IA KIHE KAKAI' MOE TU'I' KETAU TAU'I 'AE $1000 MILIONA 'AE MASIVA'.
PROTEST :-
1.KA LAVA 'AE VONC PEA TAU PROTEST 'OUA TETAU TOE TOTONGI TUKUHAU TUTE, CT, TUKUHAU VAHENGA, TUPU NGAAHI PISINISI MOE FEE IHE TALAFI PA'ANGA' ETC.
2.FA'U 'AE TOHI 'EHE KAU FKFOFONGA',HE'IKAI TETAU TOE TOTONGI HA NOO KIHE SIPOTI'.
3.FOKOTU'U HA KONISITUTONE FO'OU MA'AE PULE'ANGA FO'OU 'AE KAKAI',PEA TAU TANAKI 'ETAU TUKUHAU' KE FKLELE'AKI HOTAU PULE'ANGA FO'OU'.KAE TUKU ATU KIHE KAU NOPELE' KENAU TANAKI HA'ANAU PA'ANGA MO FELETI MO TI TUPOU KE FKLELE'AKI HONAU PULE'ANGA' MOE SIPOTI'.
4.KOLE KIHE KAU NGAUE FKPULE'ANGA' KENAU STRIKE,'O KAMATA NGAUE'I 'AE TANAKI TUKUHAU KE AFE'I MAI KIHE PULE'ANGA FO'OU 'AE KAKAI'.
5.PEA 'E KAU KOTOA MAI 'AE SOTIA' MOE KAU POLISI' KETAU FKHOKO 'AE FOKOTU'U PULE'ANGA 'AE KAKAI', HE KO'ENAU PATISETI' KOE PULE'ANGA PE 'AE KAKAI' TENAU MALAVA KE FUA'.
"KAU NOPELE TUKU 'AE FEINGA MAI KEMOU LIUKAVA'I 'AE KAKAI' MO HOMAU TU'I',HE TEMOU 'AUHA KOTOA AI HE 'OKU TAU LAU KOTOA PE 'IHE HISITOLIA'......."
Faka’apa’apa Atu,
‘Eliesa Fififta
Kolomotu’a
11 comments
-
Ko Sione 'Eniketi koe motu'a nofo ta'engaue vahe penefiti 'I NZ. Koe tukuhau ha 'oku valelau ki ai he 'oku 'ikai totongi tukuhau. Me'a fakamole taimi ko kohikohi noa'ia 'ae vale ta'ekao ta'engaue. 'Ave atu 'ene tohi ki he kau Polisi NZ ke puke 'o fkahu koe talisone moe fakatupu moveuveu fakapolitikale he fonua kehe. 'Ikai mafohi ha'ane ngaue 'I Tonga ni, toe hiki atu nofo ta'engaue 'I NZ kae fifisi e fiepoto. Ngali tonu e lau koe motu'a ni ke fu'u la'i loungutu ia 'o e kau poupou 'o 'Akili moe kau tutu 'oe 1611.
Tau tokanga tautolu kihe lau 'aha taha na'e ako. -
kou tui 'oku 'osi totonu ke fai ha lotu hufia 'o Sione 'Eniketi mo 'ene kau poupou. 'ikai ke mahino pe koeha 'uhingga 'ene si'i loto tangia fuoooa pehe. he'ikai toe fai ha vale ia hange koho lau koe kakai 'o Tonga 'Eki kuo nau ma'u e mahino e fu'u vale ne moju fkhoko he tututu ne hoko. HE'IKAI TOE HOKO IA HE KUO MA'U HE KAKAI 'O LOTO NUKU'ALOFA E MAAMA PEA HE'IKAI TOE HOKO VALE IA KOA IA KOHO TA'E LOTO KE TA NO MEI SIAINA KA KOE HA NE MOU TUTU AI LOTO NUKU'ALOFA? ''osi ho mou ala 'o kohi e afi o si'i tutu mo kaiha'a mei he koloa e kakai pea mou tu'u leva 'o tafitafi homou nima mei he kovi. 'ai ha me'a ho mou 'ulu kuopau ke fai ta ia mo he ne fai e no ke langa 'aki a loto NUku'alofa he ne 'auha ho mou tutu moe kaiha'a. tuku fkmanamana ia he kuo fatu e lao ke fkngata 'aki vale ko ia ke 'oua toe hoko mahalo sai ange pe 'ai e maama mo mahino kapau 'kuo maha kato pea fkta'ane ai i 'api fai ha ngaue 'oku 'aonga kiho famili moe siasi
-
Oku angeange etau lau ia Sione E Tauga ia Tu'i Uata. Koe kalasi koeni oku iai e mea ia oku uangahia ai honau loto. Ko ene ikai pe ke tuu e mea oku nau fakakaukau kiai ku tala leva ahai mo hai ia oku kovi pea corrupt pea koe sipinga pe ia a Akilisi. Hala ha toka'i e taha ha fakakaukau oku kehe, koe faka-aoao pe moe fakatikitato. Osi pehe pe enautolu koe mooni taha pe enau fakakaukau. Oku tau tupu lotu, fefe kapau oku finangalo mai e Otua ia kiha mea ke fai oku ikai tatau ia moenau fakakaukau? Tenau tonu pe he mea kotoa koe a'u ee ki he tutu o Nukualofa ku kei fakatonuhia'i pe, he oku finangalo pehee a e Otua ke fai ha hia? Tuku aa e fai fakamaau kamou ke ae Otua pe a e mea koia.
-
'Oku mahino pe foki ko si'i 'Eniketi 'oku teke mai ke 'i he laini mu'a ka 'oku takitau mai 'i mui 'a Tu'i Uata moe toenga.
-
Oku osi tonu ke ilo ehe kau POUPOU o Akilisi ka nau ka moua heikai tokanga atu a Akilisi ia kia kinautolu hange koe kau ngaue popula he tutu 1611 nae ikai ai e Akilisi hanau loea pe tokonii kinautolu. Sione Keti Taufa alu koe o fai hao ngaue oku aonga tuku hoo fakafetau au he kakeka ngaue popula koe he talisone heikai gaue popula ai a Akilisi ia. Ko hoo fefena he u mea koena he oku iai hao fakamooni pau, ai pea ke fakapikopiko he fanogo talanoa tuku e fielahi ia moe fakapiko.
-
'Oku 'ikai ha ofo ia he 'oku mahino pe tu'unga fakakaukau ia 'a Sione 'Eniketi. Koe me'a 'eni 'oku ui koe talanoa 'a e kau tapafa pea hu ai 'a e tapa?....
-
'Oku kau e hingoa koena ko Sione Keti Taufa he kau tu'u fefeka pe ko e kau maki 'a 'Akilisi. Ko hono 'otua 'ona 'a 'Akilisi. Osi taimi ke fai ehe kau polisi ha me'a kiai he 'oku fu'u fakatu'utamaki e ta'eufi ia koeni.
-
Ko e post ko eni 'a Sione 'Eniketi Taufa 'oku 'omai 'i 'olunga, 'oku haa mahino mai 'a e fu'u ta'emahino lahi. Pea ka fakahoko 'a e ngaahi fokotu'utu'u 'i he konga kimui 'oe post, ko e toe tauloofu'u ange ia 'a e palopalema ki he kakai 'oe fonua.
'Oku 'ikai 'uhinga 'a e fokotu'u ia ke tukuhifo 'a e palemia lolotonga ka e fakafoki e pule'anga ki he hou'eiki nopele, mole ke mama'o. Kuo 'osi 'i ai e ngaahi fakamatala falala'anga 'oku taumu'a pe 'a e hou'eiki nopele ke kei fili pe ha tokotaha mei he kau fakafofonga 'oe kakai ke ne hoko ko ha fetongi 'o ka tali 'enau fokotu'u tohi fakahaa loto.
'Ikai ko ia pe ka 'oku toe fu'u ta'emahino 'aupito ko e tu'unga palemia na'e 'ikai ko ha fili ia 'e he kakai. Ko e fili pe ia 'e he Falealea. Na'e ngata pe mafai fili 'oe kakai 'i hono fili hotau kau fakafofonga ke 'i loto 'i Falealea, piliote. Ko e fili ko ia pe ko hai 'e palemia, ko e fakahaa loto pe ia 'a e kau fakafofonga Falealea (kakai & nopele).; 'Oku 'ikai ke ne hulu'i mai 'e ia ha fili fakahaa loto 'a e kakai.
'Oku mahino pe 'a e ta'emahino 'a e me'a lahi ki he tokotaha na'a ne fa'u 'a e post. Pea 'oku ou faka'amu ke toe nofo ange 'a e tokotaha ko ia 'o 'analaiso 'a 'ene fa'u tohi ke ne ma'u 'a e fo'i fakataataa kakato mo totonu 'oe ngaahi mo'oni'i me'a na'e hoko, pea 'oku hoko, pea 'e hoko 'o ka hoko 'a 'ene ngaahi fokotu'utu'u. -
Koe fa'ahinga vale 'eni ne hoko ai hono tutu 'a Nukua'alofa koe fa'ahinga kakai ta'emahino ko 'eni oku nofo muli kae longoa'a mo fakamanamana ki Tonga ki he founga faka-Konisitutone kuo oange ma'ae kau Nopele oe falealea ke nau ngaue'aki kapau oku nau tui oku ikai taau e fua fatongia a PM
... -
Ko e talisone mo'oni pe 'eni ia pea koe fielau koe fai he ta'e'ilo.