Taki ua e me’alele, tohi pangikē ‘i ai e $10,000 mo e fale mei papalangi Featured
Kolomu Helefilo & Fakaoli
Taki ua e me’alele, tohi pangikē ‘i ai e $10,000 mo e fale mei papalangi
Kuo tau situ’a atu foki mei he fili si’i ‘a e Vava’u 16 pea mālō kuo lava atu ia mo hono ola. ‘I he taimi tatau ‘oku fie vahevahe atu ‘e he Kolomu ni ‘a e talanoa mo’oni ko’eni he ‘oku faka’ofa pea ‘oku toe fakalele loto mo fakaoli ‘a hono lohiaki’i ‘o si’i kakai ‘o e vahenga ni.
‘Oku ‘ikai ke fo’ou foki ‘a e founga kemipeini na’e fai he fili si’i ko’eni mo ia na’e fakahoko ki mu’a ‘i he fili ‘o e 2014 pea na’e toe fanongo mo e Tonga kotoa he ngalu’ea mo e mītia ki he founga kemipeini tatau mo e palomesi tatau. ‘Oku tekeutua ‘o hange ko Kao ‘eni pea ‘oku ‘ikai ke fiema’u ke tau toe kumi fakamo’oni he ‘oku fakatupu kata mo faka’enekete ka ‘oku fu’u faka’ofa.
Lolotonga ‘a e ‘ikai ke hoko ‘a e ngaahi palōmesi na’e fakahoko he 2014 pea iku tuli mo e motu’a’i paka mei Fale Alea ko e faihala mo e kai pa’anga kuo kei talitali lelei pe ‘e he ki’i vahenga ni ia ke tu’ulāhoko ai pe hono fakatekiteki kinautolu ‘aki ‘a e matala’i’akau ko e loi mo e faka’amanaki. Na’e fai ‘a e palōmesi mo e kole ‘a e paka mui mo e motu’a’i paka lolotonga ‘a e kemipeini ke tukuange ‘a e toenga teemi ko’eni ke faka’osi ange ai mu’a ‘a e misiona mo e vīsone ‘a e motu’a’i paka.
“Ko e ‘ai ke faka’osi ‘a e misiona kakaa mo e loi?...’oiaue hoto fakapō he kakai vale mo ta’elotu ka nau folofua e takainga loi”, ko e fakaofoofo hake ia ‘a e taha ‘o e kau fefine mei Tukulalo ka na’a ne si’i a’u foki ‘o kau he sivi faka-Pule’anga he taha ‘o e ngaahi Kolisi ‘o Vava’u.
“’Ikai ‘e ‘osi e teemi ia ko’eni kuo mau taki ua e me’a lele pea ‘i ai mo ‘emau tohi pangikē ‘e a’u ‘o $10,000 ‘a e pa’anga ‘e fakahū ai pea langa mo homau fale” ko e si’i tauto’e hake ia ‘a e taha ‘o e kau lalanga mei he Vahe Hahake ka na’a ne si’i 1B pē he lautohi si’i pea hiki hangatonu hake pe mei ai ki he kapa tohi lālānga.
Na’e toe hēhē’ia foki ‘a e tokolahi ‘o e vahenga ni tokua ‘e to’o kotoa ‘a e ngaahi fale faka-Filipaini he vahenga ni kae fetongi’aki ‘a e ngaahi fale mei papalangi pea na’e tuku mai foki ia he ngaahi malanga ‘a e paka mui kae pehe ki he pepa na’e tufa ki he kakai ‘o e vahenga ni.
“’Oku mate homau mā he ‘asi holo ‘i Tongatapu ko e tala ai pe ‘a e vale mo e pakupaku homau vahenga,” ko e fakatalanoa mai ia ‘a e taha ‘o e kau mo’unga’i tangata mei he vahenga ni kuo fuoloa ta’u ‘ene fai fatongia he Pule’anga.
“Io ‘oku tatau mo au he ‘oku lau mai ‘a e kau Neiafu pea ‘oku fakamā neongo na’e ‘ikai ke mau kau kimautolu he vale ka ‘oku afuhia kotoa ai e vahenga,” ko e fanafana mo malimali mai ia ‘a e tangata mei he Vao Lahi.
"Ha'u aa e moa Ha'apai ia 'o 'u'ua 'i Vava'u ka tau kai 'etautolu e toenga niu kuo tatau....tau manatu kia Puli'uvea" koe fakahua mai ia 'a e tangata matu'otu'a mei he Lolopaongo mo'ene kata.
Toki hoko atu.....
15 comments
-
'Oku mahini pe foki koe tokolahi taha 'i he vahenga ni 'oku nau tokotokoto pe 'o tali vai ki langi pea koe palomesi atu 'a Lavu 'oku hoko ia koe mana kiate kinautolu. 'Oku 'alu fakataha pe mo e fie palangi he kuo kamata ke honge pulu e funga 'o e fonua ko e lahi e piliki niu.
-
Ko e vaivai 'o Lavu mo Sita he koe vale 'oku kalasi kehe atu pea 'oua toe tuku ha ivi he'ilo na'a nau 'alu aa ki he ako mo e lotu.
-
'Oku 'iai 'a e founga kemipeini fo'ou kuo haa mei Vv 16 hili e ongo fili Fale Alea 'e 2 ne toki 'osi. 'Aia koe pau ke fakamoleki ha pa'anga lahi he taimi kemipeini ke 'asi koe tama 'ofa mo loto fiefoaki koe. Toe totongi fakafufuu'i kinautolu ke ma'u si'a kiki 'enau hakaa. Tufa suka'i, mahoa'a pe kilo moa'i nautolu, ke fakatau'i mai 'aki 'enau ngaahi fo'i filii. Pea 'oua na'a ngalo ke palomesi loi'i kianautolu 'aki ha fa'ahinga me'a pe, 'o a'u ki ha 'ai ke fetongi honau ngaahi fale faka-Filipaini (hufanga he fakatapu Vv16). Koe koloa pe ke fai mo huu ki Fale Alea. Hili pe ho'o too ki lotoo, pea ke tila leva moha taha ke Palemia ia kake Minisita koe. Pea mei loto Kapineti leva, teke toki tili tavale, ohu pahia, mo takitaha uku ha'amou fonu fakataha moe kau Minisita kehe, mei he fu'u loto kapa ngako. He koe hili pe ha'o fo'i folau 'au 'e 2 kuo too ho'o ngaahi fakamole kemipeini 'au. Pea 'i ho'o kemipeini hoko leva, toe 'asi atu pe moe 'uu palomesi tatau, he tenau kei tali mai pe nautolu kia koe mei honau 'uu lotofale faka-Filipaine, he tahaa foki 'e toe fetongi ia.
-
Kuo toe to pe 'a e Lolo he ngaue 'a e Pako, fiha'i pa'ulu eni 'o kelekelea 'a Vvu he ngaue 'a e fo'i 'One'one hhhh, manatu'i pe Vv'u ko Lavulavu ko e Kafi Tuila ia 'o e Lolo 'a Halaevalu pea 'oku lea pe Topai 'a Lavu he favai 'a Latuu. Tau manatu ki he faiva Filipino mo e Campaign 'a Madam Menang, mahalo ne ma'u 'e Lavu e fakakaukau mei ai, Malie ko Lavu eh hhh
-
'Oku mo'oni 'aupito 'a e talanoa 'a e kolomu ni ka koau teu mate au he kata....malie Vava'u 16