Malo e Ngaue Ki Hotau Hala Vuna
Tangata’eiki,
‘Oku ou fakahoko ‘a e tohi ko’eku fakamalo lahi ki he ngaue kuo lava ‘o fetukutuku ai ‘a e kau fakamaketi mei he hala Vuna. ‘Oku toe fakafiefia foki ko ‘enau lava ‘o hiki ki he maketi fo’ou ko Sia Melie pea foki moe konga ki Talamahu ‘o ma’u ai ‘a e seniti ‘a e fonua.
Na’a ku fakahoko ‘a e tohi ‘i heni koe kole fekau’aki moe me’a ni pea kuo hoko peau fiefia lahi ai.
‘Oku ou fakatokanga’i ‘oku ma’a ‘a e tomu’a ‘o e hala Vuna pea tupu lelei mo e musie pea ‘e kau lelei pe ia ki hono manakoa ‘o e fonua ‘e he folau ‘eve’eva. ‘Oku fakafiefia ‘a e ngaue ‘a e Pule’anga ki he me’a ni pea ngalipoto ai e fonua.
‘Ofa pe ke hokohoko atu hono fakatonutonu e ngaahi me’a ‘oku totonu ke fakatonutonu he’e kau lelei pe ki he fonua pea kataki ‘a e kau faka maketi ka kuopau ketau ngaue fakataha kae faka’ofo’ofa ‘a e fonua.
Faka’apa’apa atu,
Tonga Koe Siueli e Pasifiki
