Ko e ha 'a e 'uhinga hono ta'e 'Atita'i Komisoni Fakamafolalea 'a Tonga 'i he ta'u 5 fakafuofua mei he 1996-2001 Featured
'Eliesa Fifita & 'Ahongalu Fusimalohi
KOEHA 'A E 'UHINGA 'O E TA'E-'ATITA'I E KOMISONI FAKAMAFOLALEA TONGA 'I HE TA'U 'E 5 FAKAFUOFUA MEI HE 1996-2001
17 Ma'asi, 2016.
Tohi ki he 'Etita
Neputuno
Nuku'alofa
Tangata'eiki/Fine'eiki,
'Oku ou tui ta'e-toeveiveiua 'oku totonu ke 'omi 'e he Pule'anga lolotonga 'a e fakamatala 'Atita ki he tu'unga fakapa'anga 'a e Komisoni Fakamafolalea Tonga 'i he vaha'a ta'u 'o e 1996-2001.
Ko e fakamatala mahu'inga ia ki he Mitia 'a e Pule Malolo 'o e Komisoni ko 'Elenoa 'Amanaki 'aia na'a ne fetongi atu 'a Tavake Fusimalohi 'i he 2002.
'Oku mahu'inga ketau 'ilo ki he 'uhinga na'e ta'e-'atita'i ai 'a e vaha'a taimi koeni, pea 'oku totonu ke fakamole tatau pe 'a e Pule'anga lolotonga ki hono hakule 'o e me'a ni, pea mo'enau fakamole ki hono hakule 'o e ngaahi fakatau paasipooti 'oku nau tukuaki'i ki he ngaahi Pule'anga kimu'a.
Kuo lea 'a e ni'ihi 'o e kaungaue malolo 'o e Komisoni 'o fai ha ngaahi tukuaki'i fakalilifu, kau ai 'a e tukuaki'i na'e 'iai e ngaahi fakamole 'a e Komisoni ki hono langa 'o e falenofo'anga (residence) 'o e pule, hange ko hono totongi 'o ha ngaahi koniteina naunau langa.
Na'e kau ai mo e felekeu 'a e ma'u'anga pa'anga lelei 'a e Komisoni na'e ngaue'aki 'i he kuohili, ko e higher purchase loan. Ko e loan pe ko e no 'a e kaungaue fakapule'anga mei he ngaahi naunau faka'elekitolonika 'a e Komisoni, pea toki totongi fakafoki, to'oto'o pe mei he vahe 'a e kaungaue fakapule'anga 'o hu ki he Account 'a e Komisoni.
Na'e mahino 'i he ngaue 'a e 'Atita na'e 'iai 'a e va'inga 'i he ma'u'anga pa'anga lelei koeni 'a e Komisoni pea iku 'o fakangata 'a e faingamalie koeni.
'Oku totonu ke tali ui mo 'Ahongalu Fusimalohi ki he ngaahi palopalema koeni, he na'a ne Tokoni Pule 'i he taimi 'e taha 'o a'u ki he ta'u 2001 kimu'a pea ne fakafisi mei he Komisoni. Pea 'oku totonu ke fakamatala ki he fonua, pe kofe 'a e $8 miliona na'a ne fakaha na'a na 'osi mo Tavake mei he Komisoni na'e fakahu ko e pa'anga ngaue 'a e Komisoni Fakamafolalea Tonga.
Koeha nai 'a e 'uhinga tefito na'e kei vilitaki aipe 'a e Minisita 'o e Potungaue Ki He Ngaahi Pisinisi 'a e Pule'anga, Hon. Poasi Tei, ke fokotu'u 'a 'Ahongalu Fusimalohi ke ne hoko ko e Talekita Poate 'o e Komisoni Fakamafolalea Tonga?
Faka'apa'apa atu,
Eliesa Fifita
4 comments
-
Hahahaa koe imisi ia oe faitotonu oku tuuaki maalie Puleanga Faitotonu mo Vahevahe Taau.
-
Kii feinga fkpone ai leva a Ahongalu mo Poasi Tei neongo ena conflict of interest, ke fknofo ai leva a Ahongalu kihe lakanga ceo ihe letio, he naana kalasi fktaha pe ihe Tonga High School. Ko hona kaungatangata pe meihe THS. Hange pe koe fkpone a Feao Vakata o fknofo hono kaunga tangata naana kalasi fktaha ihe THS kihe ene potungaue ihe kuohili aia nae eke ai e mole ai e paanga. Sai e puleanga ia ko eni koe ikai toe tala e conflict of interest ia. Malie Temo, kafi pea toe lelesoni.
-
Ko e me'a 'ia 'oku tau lea kiai ke tuku e nguut 'oho he 'oku kakai. Ko hono 'atunga 'eni 'e 'ohake 'a e kuohili....
-
Tamasii Eliesa hau keke ofa mai koe ai ke 'atita'i ke ma'u e kau kaiha'a vanila i loto. Kou fiefia he fo'i hu a Ngalu moene foi palafu ke toe huke kau mate. Oua toe fai mai ia kihe Pule'anga e Kakai he oku ikai kei namu namu kumaa ka oku namu kurikuri he taimi ni ... tau kii tafisi o kata kiaiii