Foaki 'e he Digicel mo e BSP taki $5000 ki he Takimamatá Featured
Pule fakamaketi 'a e Digicel Tonga Ragigia ‘i he’ene foaki atu koia ‘o e pa’anga tokoni ki he ‘Eiki Tokoni Palemia ka koe Minisitä ‘o e Potungäue Takimamatá, Hon. Semisi Sika
26 Sune, 2019. Na’e foaki ‘i he ho’ata 'aneafi ‘e he kautaha Digicel Tonga mo e Bank of South Pacific (Pangikë BSP) ‘a ‘ena pa’anga tokoni taki $5000 ki he ‘Eiki Tokoni Palemiá ka ko e Minisitä ‘o e Potungäue Takimamatá, Hon. Semisi Sika ‘i he taumu’a ke tokoní mo poupou ki he langa fonua ‘oku fakahoko ki hono paotoloaki ‘o e maa’imoa takimamatá mo e fatongia ‘o e langa faka’ekonomika ‘o e fonuá, ‘i he loki fakataha’anga ‘o e Potungäue Takimamata.
'I he me’a ‘a e ‘Eiki Tokoni Palemiá, Hon. Semisi Sika, ko e pa’anga lahi eni kuo foaki mai ke fakahoko ‘aki ‘a e ngaahi fakamole fakapa’anga ki hono fakalele ‘o e ngaahi fe’auhi kehekehe ‘i he Uike Heilala 2019, ‘o a’u aipe ki he ‘aho fakahifo ‘a ‘Ene ‘Afió.
“Ko e ngaahi pa’anga koení ‘e tokoni ia ki hono kumi ‘aki ‘a e ngaahi pale ki he ngaahi fe’auhi kehekehe ‘e fakahoko ke faka’ilonga’i ‘aki ‘a e Uike Heilalá pea mo hono totongi ‘o e ngaahi me’a ngäue ‘e ngäue’aki hangé ko e ngaahi me’a fakaongo leá (sound system), mo e kau ngäue le’o (security). ‘Oku ‘ikai koia pé, ka ‘oku ‘i ai pé mo e ngaahi me’a kehe ke fua ‘aki. ‘A ia ko ‘etau Uike Heilala 2019, na’e kamata ‘a hono faka’ilonga’i ‘aneafi.”
“Koia ai, ‘oku ou fakafofonga’i atu ‘a e Potungäue Takimamatá mo e kau ngäué, ‘i he fakamälö lahi atu ‘i he ‘ofa ‘aufuató ‘oku fai mai koeni ‘aki ‘a e pa’anga tokoni mei he ongo kautahá kae pehé ki he ngaahi tokoni fakapa’anga kotoa pé kuo fai mai.”
‘E toki ‘osi ‘a hono faka’ilonga’i ‘o e Uike Heilala 2019 ‘i he uike kaha’ú fakataha mo hono katoanga’i e ‘aho fakahifo ‘a ‘Ene ‘Afió.
- MEIDECC
