Pekia taki Siasi Mamonga Palesiteni Thomas S. Monson Featured
Palōfita Palesiteni Thomas S. Monson
5 Sanuali, 2017. Ko e ongoongo fakaloloma ia ki he Siasi ‘o Sisu Kalaisi mo e kau Ma’oni’oni ‘o e ngaahi ‘aho ki mui ni ‘a e pekia ‘a honau taki ka koe Palōfita ko Palesiteni Thomas S. Monson.
Na’e pekia ‘a Monson ‘i he taimi 10 efiafi ‘o e ‘aho Tusite ‘o e uike ni ‘i hono ‘api me’a’anga pe ‘i Salt Lake City ‘i hono ta’u 90.
Ko Palesiteni Thomas S. Monson koe ta’u ‘aki ‘eni ‘e 10 ‘ene hoko ko e Palōfita taki ‘o e Siasi ‘i mamani ‘a ia ‘oku malumalu ai ‘a e kakai ‘oku ofi he toko 16 miliona kau aim o Tonga ni.
Ko e ta eni ‘oki ongo ki he siasi fakatatau ki he lau ‘a e kau taki ‘o e fungavaka ni pea ‘oku manatua ‘ene ngaahi ngaue lelei ‘i he siasi moe tapa kehekehe ‘o e kolope.
Na’e a’utaki atu foki ‘a e popoaki fie kaunga mamahi ‘a e kau taki ‘o e ngaahi fonua ‘o mamani kau ai ‘a e Palesiteni Donald Trump ‘o ‘Amelika ki he famili moe siasi ki he taufa ko’eni kuo hoko.
‘Oku mahino mai mei he fakamatala ‘a Palesiteni ‘Aisake Tukuafu ‘o e siasi ‘i Tonga ni ‘e fakahoko hano fakamafola faka-satelaite mai pe ‘a me’afaka’eiki ‘o e taki ni ‘i he ‘aho Falaite 12 ‘o Sanuali ni ‘a ia koe Falaite uike kaha’u ia ke mamata kiai ‘a e kau memipa ‘o e siasi ‘i he tapa kehekehe ‘o mamani.
