Toe Fili Semisi Fonua ke Palesiteni Konifelenisi Siasi Tonga Tau'atāina Featured
Falelotu Siasi Tonga Tau'atāina
Nuku'alofa, 24 Me 2016. Kuo toe fili pe 'e he Konifelenisi hono 131 'a e Siasi Tonga Tau'atāina 'i he 'aho Tokonaki ko hono 22 Mē 'a Faifekau Semisi Fonua kene kei hokohoko atu hono tataki 'o e kaingalotu ni 'i he lakanga faka-Palesiteni.
Ko e ta'u 'aki 'eni 'e 32 'a e to'ofohe mai 'a e Faifekau Semisi Fonua he lakanga ni. Na'e toe fili pe foki mo Faifekau Simote Sikuvea kene hoko ko e Sekelitali Lahi 'a e Siasi mo e Konifelenisi 'a ia koe ta'u 'aki 'eni 'e 16 'ene 'i he fatongia ni.
Ko e ongo lakanga foki ko'eni 'oku fili faka-ta'u 'i he taimi 'oku fakahoko faka-ta'u ai 'a e Konifelenisi. Ko e ta'u mahu'inga foki 'eni pea ko e Konifelenisi ko'eni 'oku 'amanaki ke Hilifakinima ai ha kau Faifekau 'e toko uangeau tupu.
7 comments
-
Ko e ngaahi 'aho ni ke tau lahilahi mamafa pe ki he fakalaumalie he kuo kehe 'a e kuonga ia. Ko e inu kava malohi ia 'a e kau Faifekau 'oku mei tofuhia ai e Siasi kotoa ia ka ko e faitu'utu'u ni ki he ngaahi me'a koia 'oku matavaivai 'i he ngaahi Siasi lahi tukukehe ange 'a e Mamonga 'oku tu'usi ia mei he Siasi ke 'oua toe memipa, pea ko e Siasi Tonga Hou'eiki 'oku fekau ia ke mavahe mei he'ene ki'i potu Siasi 'o foki ki 'api 'o konaa ke fiu he ko 'ene 'alu ki he Siasi ke feinga'i e laumalie 'o e Siasi. Pea kapau te tau foki pe kitautolu ki he folofola, ko e uaine 'oku 'asi ko e inu ia hange ha faito'o 'ikai ko ha inu ia kete fai 'aki hato loto pe fakava'e 'aki ha'ate faiangahala. Tala e Paula ki Tesalonaika, KE MOU LOTU TA'ETUKU. Himi 'a e Siasi ko e Lotu fai ma'u pe 'oua na'a vaivai, HALA KETAU MA'U HA PEHEE MAI KE INUTA'ETUKU ... Taimi ketau foki pe ki he Folofola ketau hao mei heli
-
Ta koe ki'i loki 'eni 'oku fakalaumalie-taha 'enau poolave! Ngali faka'enekete 'a ho'o mou fakahua ka 'oku mou mo'oni. Vakai na'ake fakakatavale Vaka!
-
Ko homau Siasi foki ko'eni, ko e Siasi 'oku mamalu 'aupito 'enau kei tauhi e taufatungamotu'a 'o e lotu pea 'oku kei malohi 'aupito. 'Oku 'ikai lava ke toe ue'ia ha toe polokalama, 'oku kei tatau pe 'aneafi pea mo e 'aho ni. Ko e me'a fo'ou pe 'e taha 'oku ou fakatokanga'i 'oku 'asi he Siasi koeni 'a e me'a ko e konaalaiki 'a e kau Faifekau. Mou sio ki he 'osi pe 'a e Konifelenisi kotoa, ko e fai e fu'u ball pea nau toki fe'auhi konaa pea ko e 'aho 'e taha kuo hange talanoa'i e ngaahi me'a ne hoko 'i he ball ha pulumofele. Ko e konaa inu kava maalohi 'oku meimei inasi ai e feitu'u kotoa pe 'oku tu'u ai e Siasi pea kou sio atu leva ki he fu'u piki 'a e to'onga ki mamaani pea kuo mo'oni e lau a Paula, he'ikai ke fe'ao fakataha 'a e maama ia mo e po'uli, ka 'oku ke lotu pea ke 'eve'eva 'i he laumalie. Teu ngata hee na'a faifai kou tukuange atu ha 'u hingoa 'i he fakainuinu mo fai 'o e lotu katau 'auha.
-
Koia Mark! Osi taimi ke oatu mo ha kakai fefine matuotua ke ngaue i ofisi Siasi he koeuhi kuo holo e kau Faifekau i ofisi Siasi pea fuu lahi e ngaue ia i ofisi Siasi ka kinautolu. Fakamalolooi atu e fanga kii tamaiki fefine iiki ia i ofisi Siasi oo ia o fakalanga paati ki he kau Faifekau.
-
Poupou atu Tukia, he 'oku ki'i lahilahi e fakatamaiki 'e sekelitali lolotonga. Fokotu'u atu a ki he konifelenisi ke tu'uaki e lakanga Sekelitali ke tohi atu ki ai e kau faifekau, he 'oku 'alu e taimi ke lahi ange mo toe fakaeonopooni ange e ngaahi ngaue 'ae siasi pea 'oku fu'u fiema'u ha taha ke ne lava 'o fakalele mo leva'i lelei a ngaue 'ae 'ofisi mo 'ave ngaahi fale'i totonu mo fakapalofesinale ki he Tangata'eiki Palesiteni.
-
Fakamonu atu 'Eiki Palesiteni, fakatauange ke 'oatu 'e he 'Eiki ha ivi 'oku lahi ki he hokohoko atu 'o e fua fatongia. Peheange mai ne loto e Konifelenisi Kakatoi ke fili ha Sekelitali Fo'ou. Mau 'Ofa atu.
-
Talamonu atu Tangata'eiki Palesiteni ki he fatongia kuo pani kiai e Feitu'u na.