Nuku'alofa

11 'Epeleli, 2015

Ko e ‘aho ‘o e vale ‘ia tama ‘io koe ‘aho ‘o e kātoanga mo e mavava pea na’e pehē tofu pē ‘a e fiefia mo e patapata ‘a e Kāinga Lotu Siasi Katolika Loma pehē ki he kakai tokolahi ‘o e fonua na’a nau kau atu ki hono katoanga’i fakalangilangi mo fakafiefia’i ‘a e ’epoki koula kuo a’usia ‘e he Siasi Katolika Loma kae pehē ki he fonua katoa.

Nuku'alofa

10 'Epeleli, 2015

Na’e lava lelei ‘i he efiafi ‘o e ‘aho ni Falaite ko hono 10 ‘o ‘Epeleli 2015 fakafuofua ki he taimi 3:00 pm efiafi ‘a e ouau hono fakanofo ‘o Tongapo’uli Aleamotu’a ki he Hingoa Nōpele Tukufakaholo ko e Fielakepa. Na’e fakahoko ‘a e ouau ni ki he ‘Api ko Mata’u Tuliki ki Kolomotu’a pē pea na’e tefua kiai ‘a e fu’u kakai tokolahi ‘a ia koe tokolahi taha pe ko e fāmili pehē ki he kāinga ‘o e ‘Eiki Nōpele pehē foki ki he ngaahi kaungame’a mo e maheni.

Kolomotu'a

9 'Epeleli 2015

Tangata’eiki,

Kataki mu’a kae tu’u atu ‘eku ki’i fie’ilo ko’eni pe koe ha koaa e me’a ‘oku hoko fekau’aki mo ‘etau fakamo’oni ki he Konivesio CEDAW. ‘Oku ‘ikai fu’u mahino kiate au ‘a e tali na’e fakahoko mai mei he Pule’anga pea ‘oku ‘i ai foki moe hoha’a ‘a e kau taki lotu ki he me’a ni kau ai mo kimautolu kakai 'o e fonua.

9 'Epeleli, 2015

Neongo ‘oku te’eki ke talaki faka’ofisiale ‘a hono teu fakanofo ‘o Tongapo’uli Aleamotu’a ki he Hingoa Nōpele tukufakahoko koe Fielakepa ka kuo ma’u ‘a e fakamatala falala’anga ‘oku ‘amanaki ke fakahoko ‘a e ouau ni ‘i he ‘aho Falaite ko hono 10 ‘o ‘Epeleli ki he ‘Api ko Mata’utuliki ‘i Kolomotu’a ‘a ia koe ‘aho Falaite ia ‘apongipongi.