'Ikai tali e fili fakahāloto ke fakahifo e Palēmia Featured
12 Sanuali, 2020. Na'e fakahoko he efiafi 'o e 'aho ni 'a e fili fakahāloto 'i he Fale Alea 'o Tonga fekau'aki mo e fokotu'u mei he ni'ihi 'o e kau fakafofonga 'o e kakai 'i he Fale Alea ke fakahifo 'a e Palēmia mei he lakanga taki 'o e fonua.
Ko e fokotu'u ko'eni na'e fakahū ki he Fale Alea kimu'a 'i he Kilisimasi 'o e ta'u 2020 pea na'e toloi mai ai pe 'o toki fakahoko he 'aho ni hili 'a e kakato 'a e ngāue kiai 'a e Fale Alea.'oTonga.
Na'e pāloti 'a e toko 13 ke kei hoko atu pe 'a e Palēmia pea pāloti leva 'a e toko 9 ke fakahifo 'a e Palēmia mei he lakanga taki.
'Oku mahino foki ko e toko 9 na'a nau poupou ki he fokotu'u ke fakahifo 'a e Palēmia koe kau memipa 'o e Paati 'Otumotu Anga'ofa 'a ia 'oku nau fakafofonga'i 'a e fa'ahi fakaanga 'i he Fale Alea.
Na'e taumu'a 'a e fokotu'u ko'eni 'i he'enau ta'efiemalie ki he tataki 'e he Palēmia 'a e fonua 'o kau ai hono tukuaki'i 'a e Palēmia mo e Pule'anga ki he faihala mo hono ngāuehala 'aki 'a e mafai..
1 comment
-
Malo kuo lava atu ia katau sio atu kimu'a pea ako mei heni 'a e kau taki pea muimui ki he lao 'o e fonua.