Toloi 'a e Fale Alea ki Mē Featured
19 Fepueli, 2020. Na’e ‘amanaki ke hoko atu e ngaahi feme’a’aki ‘a e Fale Falea ‘aneafi ‘aho Mōnite ko hono 17 ‘o Fepueli 2020 ka kuo to e toloi koe’uhi ko e kole ne fakahoko mei he ‘Eiki Palēmia ke toki hū ‘a e Fale Alea ‘i Mē.
‘Oku makatu’unga eni kae fakafaingamalie’i ‘a e Pule’anga ke fakakakato e ngaahi ngāue mo e ngaahi fokotu’utu’u fo’ou ‘o kau heni ‘a e Patiseti moe ngaahi Lao fo’ou ke toki fakahū ki Fale Alea ‘i Mē e ta’u ni.
Ne fakahū atu e tohi kole mei he Palēmia ‘e he ‘Eiki Sea ki he Kōmiti Tu’uma’u ‘a e Fale Alea ki he ‘Asenita pea ne nau tali ‘a e kole mei he ‘Eiki Palēmia.
‘Oku ‘ikai ko ha me’a fo’ou eni ka ko e founga ngāue anga maheni pē eni ia.
‘Oku ‘atā pe ia ki he Palēmia ‘o e ‘ahó mo hono Pule’anga ke nau fakahoko ha kole ki he ‘Eiki Sea ‘o e Fale Alea ke toloi pe ko hano ui ha fakataha ‘a e Fale Alea.
