Ikuna Miss Papua New Guinea fe'auhi Miss Pacific Islands Featured
Miss Pacific Islands Leoshina Mercy Kariha 'a ia koe Miss Papua New Guinea
2 Tisema, 2018. Na'e fakakaluni 'i he hengihengi Tokonaki 'a e finemui ta'u 18 ko Leoshina Mercy Kariha 'a ia koe Miss Papua New Guinea kene hoko ko e Miss Pacific Islands 'o e ta'u 2018 'i he ‘Atele Indoor Stadium.
Ko Leoshina foki 'a e fiemui ta'u si'isi taha 'i he fe'auhi ni 'a ia na'a ne ikuna foki 'a e fe'uhi taleniti, tali fehu'i, Miss Tourism mo e Miss Personality pea toe manakoa foki.
Na'e foki foaki 'a e ngaahi pale ko'eni kia Leoshina lolotonga 'a e polo (Island Ball) 'a ia koe polokalama faka'osi foki ia 'o e fe'auhi ni.
Leoshina Mercy Kariha's win also means PNG will host next year's Miss Pacific Islands pageant.
Ko Leoshina foki 'oku lolotonga ako 'i he Divine Word University 'a ia 'oku tu'u pe he Vahenga Madang 'i Papua New Guinea pe pea 'oku ne lolotonga ako ki hono mata'i tohi (BA) Bachelor of Arts 'i he PNG Studies Relations pea 'oku ne taumu'a kene hoko koha fakafofonga lelei 'o Papua New Guinea pea kene tokoni ki he kakai mo e sosaieti.
Na'a ne fakaha pe foki 'a 'ene manako ke ngaue m oe to'utupu pea ke faka'ai'ai kinautolu ki he ako pea 'oku ne loto foki kene hoko koha sipinga kiate kinautolu he tenau malava ke fai ha fa'ahinga ngaue pe neongo 'a e lahi 'o e ngaahi pole he mo'ui.
Na'e ua foki he f'euhi ni 'a e Miss Cook Islands Lydia Simonis tolu 'a e Miss Samoa Sonia Piva pea fika 4 'a e Miss Tuvalu, Emelipelesa Panapa.
Kuo tu'o tolu hono fakahoko mai 'o e fe'ahi ni ki Tonga ni 'i he ta'u 1995, 1999 moe ta'u 2005 pea kuo tu'o ua hono ikuna 'e Tonga ni 'a ia ko hono ikuna 'e Ma'ata Mo'ungaloa 'a e fe'auhi Miss Pacific Islands 'o e ta'u 1995 pea mo hono ikuna 'e Tesi Toluta'u 'i he ta'u 2007.
Ko hono tu'o ua 'aki 'eni hono ikuna 'e Papua New Guinea 'a e fe'auhi ni.
