Tipooti mei Fisi koe kape ki he Palesiteni ‘o e fonua Featured
Ko Karen Seaton koe fefine Kanata na'e tipooti mei Fisi ko e kape ki he Palesiteni 'o e fonua
7 Tisema, 2016. Na’e tipooti mei Fisi ‘i he ‘aho Falaite uike kuo ‘osi 2 Tisema ha fefine Kanata ka ‘oku ma’u kelekele ‘i Fisi ko Karen Seaton.
Ko hono tipota’i ‘eni ‘o Seaton makatu’unga ‘i ha’ane kape ki he Palesiteni ‘o e fonua Palesiteni Jioji Konrote ‘i he ‘aho Pulelulu uike kuo’osi ai pe 30 ‘o Nōvema.
‘I ha fakamatala mei he Pule’anga na’e hā foki ‘a Seaton ‘i mu’a ‘i ha Komiti Fili 'a e Fale Alea 'i he 'aho Pulelulu 30 Nōvema pea na’a ne fakahā ai ‘ene fakafepaki ki he liliu ‘i he Lao Kelekele ‘a e fonua. Na’e pehe foki ‘i he fakamatala mei he Pule’anga na’e ‘ikai koe ‘uhinga ‘eni hono tipooti ‘o Seaton.
Ka ‘i ha fakamatala mei he Telēkita Imikuleisoni ‘a Fisi na’a ane fakahā ai na’e mamau’i ‘e Seaton ‘a e ngaahi tu’utu’uni ‘o ‘ene nofo fonua ‘aki ‘ene anga ta’e faka’apa’apa ki he Palesiteni ‘o e fonua pea na’a ne kaikaila kiate ia mo kape ‘o ngaue ‘aki ‘a e lea “F” ‘i he lea faka-Pilitānia. Na'e hoko 'eni 'i ha fakahāloto 'a Seaton 'i he Fale Alea 'i he 'aho Falaite 2 Tisema 'i ha ngaahi houa ki mu'a pea hoko hono puke ia 'o 'ave ki mala'e vakapuna.
‘Oku lau foki ‘eni ‘e he Pule’anga Fisi koe anga ta’etaau ki he ‘ulu ‘o e fonua (Head of State) pea ‘oku ‘ikai ala fakamolemole’i ‘a e tuhu ki he ‘umata pea koe ‘uhinga ia hono tipooti ‘o e fefine ni.
‘I he fakamatala ‘a Seaton na’e ‘ikai ke ‘uhinga ‘ene kape ‘ana ki he Palesiteni ka na’a ne fakahā foki na’e a’u ange ‘a e kau ‘ofisiale ki hono loki hōtele ‘i Suva ‘i he ‘aho Falaite 2 ‘o Tisema ‘o tipota’i hangatonu ia mei ai ki he mala’evakapuna pea fakafolau hangatonu ai pe ia ki ‘Amelika.
Ko Seaton ‘oku ma’u kelekele ‘i Fisi pea ko’ene fakafepaki foki ki he liliu ‘a e Lao Kelekele ‘o e fonua.
5 comments
-
Mou sio kiha me'a malie, kuo kamata ke fktetenga 'e Amelka 'a Fiji ke omai ha fkmatala fe fkmo'oni'aki kihe me'a totonu na'e hook........pea 'oku sai ia ke tau 'ilo........................ki'i lahilahi 'ae ng keisi kuo tipota'i mei Fiji taefou he fkma'au'anga..........hange pe koe va'inga 'ae kau leka,......ko ho'o tufa ka teu tufa.......................Tali mai Fiji kae Hu atu 'ae kau FBI ????
-
mooni ko e vili, foki ki amelika oku su stokeni pe koe ai ke nofo atu i fisi ke sula'ipulu i pilisone
-
Sai ange hono tipota'i 'i hano fakahu atu ki Naboro ke na loki taha mo Speight. He ka ne ngaue popula 'i FIsi, koe fakahela ha toe felauaki.
-
ko hono 'aiii ia, kapusi he vave tahaa mo e fiememe'a
-
Hange oku ongo faikehe ae fo'i aliaki ko'eni.a hono fu'u fkvave'i pehe'i lolotonga oku te'eki a!u kihe fkmaauanga.
Na'e force ensu hu ki hono loki pea faao fkmalohi'i ene peesi n mob. Pea ikai ke oange hono faingamalie ke fetuutaki ki honau ofisi embassy.
Mahino mai hono kei pule'i fkkautau a Viti. Fefe ke fokotu'u ke tipota'i ae kau Fiti nofo ova i Tonga ni he kuo fu'u toko lahi enau asi holo i Nukualofa