'Ikuna finemui Fisi fe'auhi Miss Pacific Islands Featured
Ko e kau finemui na'e kau atu ki he fe'auhi Miss Pacific Islands pea koe ikuna Miss Fiji Miss Anne Christine Dunn 'oku 'i mu'a
5 Tisema, 2016. Kuo faka-kalauni 'a e finemui Fisi ko Miss Anne Christine Dunn koe ikuna ia ‘o e fe’auhi hoihoifua ‘a e ‘Otu Motu Pasifiki (Miss. Pacific Islands at the 2016).
Na’e fakahoko foki ‘a e oua faka-kalauni ‘i he po Falaite ko hono 2 Tisema ‘i Apia Samoa hili ia ha lava 'a e uike kakato 'o e fe'auhi.
Na'e ua mai leva ‘a e Miss American Samoa, Antonina Lilomaiava pea koe Miss Tonga leva Laura Lauti, na’a ne ma’u ‘a e pale ki he finemui na’e lahi mo lelei taha hono ngaahi ‘ata (Miss Photogenic).
Na’e kau atu foki ‘a e fonua ‘e 8 mei he ‘Otu Motu Pasifiki ki he fe’ahi ni ‘a ia ko Tonga, Samoa, Fiji, American Samoa, Papua New Guinea, Nauru, Solomon Islands pea mo ‘Otu Motu Kuki (Cook Islands).
Na’e fe’unga ‘a e fe’auhi ko’eni mo e uike ‘e taha kakato pea na’e kau kiai ‘a e fe’auhi folouti, fe’auhi taleniti, fe’auhi lea, fe’auhi teunga fakafonua, moe ‘initaviu.
Na’e lea foki a e Miss Tonga Miss Laura Lauti ‘i he kaveinga koe “Feliuliuaki ‘a e ‘Ea” (Cimate Change) 'a ia koe kaveinga tefito foki 'eni mo mahu'inga ki he tukui motu 'o e Pasifiki.
Ko e anga leva ‘eni e tu’u ‘a e ngaahi fe’auhi moe ikuna ki he fe’auhi takitaha:
Teunga Fakafonua Lelei Taha (Best Traditional Wear): Miss Fiji
Teunga Matatahi (Best Sarong): Miss American Samoa
‘Initaneti (Miss Internet): Miss Nauru
‘Ulungaanga (Miss Personality): Miss Samoa
‘Ata moe faitaa (Miss Photogenic): Miss Tonga
Pale faka-fonua ‘a e Takimamata (National Tourism Award): Miss American Samoa
Taleniti (Talent): Miss Solomon Islands
Talifehu’i (Best Interview): Miss Fiji
Ola Fakakatoa
Fika 2 (1st runner up) American Samoa
Fika 3 (2nd runner up) Solomon Islands
Fika 4 (3rd runner up) Samoa
Fika 5 (4th runner up) Cook Islands
