Kau atu kau finemui toko 12 ki he Fili Hoihoifua Uike Heilala
Kau finemui 'oku nau 'amanaki kau atu ki he Fili Hoihoifua 'a e Uike Heilala 2024
26 Sune 2024. Na'e fakahoko he pongipongi 'o e 'aho ni 'a hono fakataukei 'a e kaui finemui 'e toko 12 'oku nau 'amanaki kau atu ki he Fili Hoihoifua 'a e Uike Heilala 2024.
Ko e Uike Heilala 'aki 'eni hono 45 pea 'oku fakahoko fakataha ia mo hono 'amanaki fakamanatua 'a e 'aho 'alo'i hono 65 'o e Tama Tu'i Tupou VI 'a ia 'oku 'amanaki fakamanatua 'i he 'aho 4 'o Siulai 2024.
Ko e kau finemui 'e toko 12 'oku 'amanaki kenau veipa ki he kalauni 'o e Miss Heilala 2024 pea na'e fakafe'iloaki kinautolu ki he 'Eiki Minisita Takimamata mo Folau 'Eve'eva Hon. Dr. Viliami Uasike Latu fakataha mo e kau fakaafe 'i he tokolahi 'i he pongipongi 'o e 'aho ni.
Na'e kau foki heni mo hono toho honau fika fe'auhi fakataha mo e ngaahi fehu'i kenau teuteu kiai 'i he polokalama tali fehu'i 'a e Polokalama Fili Hoihoifua Uike Heilala pehe foki ki he ngaahi makatu'unga 'o e fe'auhi mo honau ngaahi pale.
Ko e toko 12 leva 'eni 'oku 'amanaki kau atu ki he fe'auhi:
Miss Tonga Tourism, Talanoa Moheloto Fifita
Miss 'Eua Tourism 2024, Manusiu Tapaita Tumpelina Havea
Miss Lady Maria Tonga Australia 2024, Gabriella Maria Augustina Mailangi
Miss FIA Dance Academy 2024, Vaimoana Akesa Lois Latai Holeva Malupo
Miss Apraxus New Zealand 2024, Mele Maa'imoa he Lotukalafi Finau
Miss Tonga Hawaii 2024, Gracelyn Kelly Nanaimo Fotu'aika - Disaster Preparedness and Resilience
Miss Vava'u Heilala 2024, Sophron Kosmios 'Unaloto ki he Melino Latu
Miss Tonga-China Friendship Association, Susi 'Elisapeti Birgitta Caprian Tonga
Miss Ha'apai Masani 2024, Fipe Latai Holeva Finau
Miss AGT and Maa'imoa Catering 2024 - Racheal Angelica 'o Manakakapu Guttenbeil
Miss Kalapu Kolokakala SLC 2024, Selaafu Tiana Vakapuna
Miss Apraxus Tonga 2024, 'Akosita Fa'alangi 'Ofa ki Vava'u Guttenbeil
