‘Oku mau nofo taha ke fakafepaki’i ‘a e faihala tatau ai pē pe kohai ^Featured

‘Oku ‘uhinga foki hono fakamahino ko’eni ‘e Fuko koe lahi ‘a e ngaahi talafili ‘o pehe na’a nau fakaanga ki he Pule’anga ‘o ‘Akilisi Pohiva ka kuo ne pekia pea koe hoko hake ‘a e Pule’anga ko’eni ‘o Pohiva Tui’onetoa ‘oku nau kei taki mu’a pe ‘i hono fakaanga’i.

Ko e fakamahino ‘eni ‘e Fuko he ‘oku tui ‘a e KFFF ‘oku mahu’inga ke ‘i ai ha sino tau’ataina kene fakatokanga ki he Pule’anga ‘a e hala totonu ke fou ai ‘a e kau taki pea ke muimui ki he fakahinohino ‘a e Konisitutone mo e pule’a e lao.

Na’e fakamahino ‘e Fuko ‘oku ‘ikai ha me’a ia ‘o hange koe lau ‘a e tokolahi ke tukuange ha faingamalie ki he Pule’anga ke ki’i lele atu mo fakahoko 'enau taumu'a he koe faihala ‘oku totonu ke tuhu’i atu pe he taimi ‘oku hoko ai.

‘I he hoko atu ha Fuko na’a ne pehe ai ‘oku ‘i ai ‘a e tokolahi ‘oku nau fakaanga’i ia mo Edwards tokua na’a na kaunga ki he ngaahi faihala ‘i he kuohili ka ‘oku fakamahino e Fuko ‘oku ‘ikai ‘i ai ha lekooti faihia ‘o ‘ona pe ko Edwards pea ‘oku te’eki kena mo’ua ‘i he Fakamaau’anga ‘i he ngaahi tukuaki’i fakamahamahalo mo e fanongo talanoa ‘a e ni’ihi ko’eni 'a ia 'oku nau taufehi'a tu'unga'a pe.

“’Oku tukupā ‘a e KFFF ke fakahoko ‘a e fatongia ko’eni pea ‘oku mau tui ‘ikai ha toe veiveiua ‘oku ‘i ai konga ‘o e kamata ‘a e Pule’anga ko’eni ‘oku hala pea ta'efe'unga ‘o hange ko hono fakanofo Minisita ‘o kinautolu ‘oku ‘i ai ‘a e ngaahi hia kuo faka’ilo kinautolu kiai pea fakatatali mo 'enau ngaahi hopo pea kuopau kemau lea he ko homau fatongia ia na’e pole kiai”, koe konga ia ‘o e fakamatala ‘a Fuko.

Na’e toe pehe foki ‘e Fuko ‘oku ma’u ‘e he KFFF ‘a e kakai taukei ‘i he mala’e ‘o e lao mo e politikale pehe ki he tafa’aki ‘o e tauhi tohi mo ‘ikonomika, tukufakaholo mo e ngaahi mala’e kekekehe ‘a ia ‘oku ‘aonga lahi ki he’enau ngaue pea 'oku fai kotoa 'ni 'ikai ha totongi.

Na’e hoko atu ‘a Fuko ‘o pehe neongo ‘oku ‘i ai ‘a e ni’ihi ‘oku nau memipa mo poupou ki he KFFF ‘oku nau kau atu ki he Pule’anga fo’ou ko’eni ka ‘oku ‘ikai ‘uhinga ia ke tu’u ai ‘a e fatongia na’e taumu’a ai hono fokotu’u ‘a e KFFF pea 'e kei hokohoko tu pe ia.

‘Oku poupou pe ‘a e KFFF ki he ngaahi fokotu’utu’u ngaue ‘a e Pule’anga ‘oku kaunga lelei ki he kakai ‘o e fonua mo fou ‘i he founga ngaue totonu mo muimui ki he lao pea 'e fakaanga'i fefeka 'e he KFFF 'a e PUle'anga kapau 'e hoko ha faihala pea ‘oku fai ‘a e fakaanga koe fatongia totonu ‘i he taumu’a ki he langa hake ka