Fakatau $4.50 ki he Lita 'e he Fakafofonga Vava’u 16 Penisini ‘i Vava’u Featured
Tohi Ki he 'Etita
Fakatau $4.50 ki he Lita 'e he Fakafofonga Vava’u 16 Penisini ‘i Vava’u
19 Sepitema, 2016
'Etita,
‘Oku ‘i ai ‘a e talanga lahi ‘i he mitia faka-sosiale ‘o tautautefito ki he Facebook fekau’aki mo hono fakatau atu ‘o $4.50 ki he lita a e penisini ‘e he Fakafofonga Fale Alea Vava’u 16 ‘Akosita Lavulavu mo hono hoa ‘Etuate Lavulavu. ‘Oku fakatau atu foki ‘e he ngaahi pausa ‘i Vava’u ‘o $2.99 kihe lita ‘a e penisini lolotonga ‘a e honge ko ‘eni ka e $4.50 ‘a e penisini ia ‘a e Fakafofonga ‘oku ne tu’uaki e ‘ofa ki he kakai masiva.
Na’e fanongonongo foki he letio 87.5 ‘e ‘Etuate Lavulavu ‘i he ‘amanaki ke folau ‘a e MV Niuvakai ‘i he uike kuo maliu atu ‘a e tokoni ‘a e Fakafofonga ke uta mai ‘a e ngaahi talamu penisini ki Vava’u telia ‘a e si’i fiema’u ‘a e kakai masiva ‘o e fonua.
Na'a mau fiefia 'i he fakakaukau 'e si'i 'omai pe 'o fakatau atu 'i he totongi nomolo ka na'e mei tu'u e ta homau mafu hono talami 'oku $4.50 ki he lita pea pa'anga 'e $90 'a e lita e 20.
'Oku mau fehu’ia lahi ‘a hono fakatau mamafa ko’eni ‘o e penisini pea na’e tali pe foki kiai ‘a e Fakafofonga ‘Akosita Lavulavu. Koe konga ‘eni ‘a e tali ‘a e Fakafofonga na’e fakahoko ‘i he taha ‘o e ngaahi peesi ‘i he facebook (Vava'u Politics) 'a ia 'oku mau toe fakame'apango'ia he ta'e toka'i mo e mio'i.
Sai koe issue ia ko 'eni 'oku tukuaki'i au kiai 'oku 'ikai ko ha issue ia ketau fu'u mole taimi ai ko e 'uhi he kuo pau pe ke ki'i mamafa ange ia he totongi normal 'a e ngaahi pausa mei he vaka lolo 'o hange koia na'a ku 'osi lave atu kiai. Neongo 'ene lahi ange e fakamole ka ko e me'a 'oku ou mahu'inga'ia ai au koe lava ke fakaheka 'o a'u mai ki Vava'u ni e me'a 'oku faka'ofa e kakai he tali houa valu he ngaahi pausa kiai ke ma'u ha'anau mei penisini. 'Oku ou loto pe keu fakamahino atu 'oku 'ikai ha tupu ia 'e taha 'e hilifaki atu he penisini 'o hange koe pehe he ni'ihi kou charge atu 'eau 'eku tupu $2 ki he lita, 'ikai mole ke mama'o, koe koloa pe ke lava 'o recover e fakamole ke toe 'omai 'aki ha penisini kae 'oua leva ke a'u ki he 'aho 25 Sepitema ni kae toki solova ai hotau palopalema ha tu'uta mai e vakalolo mei Nu'usila.
Na’e lahi ‘a e fiefia ko hono fakaha mo tala faka letio ko e penisini ko e fetuku mai ‘e he Fakafofonga ke tokoni ki he kakai masiva pea hili koia ‘oku mamafa ange ia he penisini tatau pe na’e fetuku mai ‘e he ngaahi pausa. 'Oku 'i fe leva heni 'a e tokoni 'emau Fakafofonga?
'Oku ongo lahi 'eni kiate kimautolu he na'e 'i ai e 'amanaki koe tokoni 'eni ka ta koaa koe kumi tu'umalie ia 'iate kimautolu si'i kakai masiva. 'Oku 'ikai to kehe ha taha ia.
Faka'apa'apa Atu,
Loto Vava'u
7 comments
-
'Oku kii fo'ou katautolu e lahilahi hanu e kainga mei he fatafatamafana pea kuo kamata ketau puke fktevolo he'enau matatangi pehe. Ko Tongatapu eni oku lahi e penisini ai ka oku ke mamafa'ia he 4.50 pea heka mai ki heni 'o utu atu hao penisini pe ko hoo alu kihe pausa oku maamaa pe ngaue'aki e luelalo oku ikai fkmole penisini hhh Mou hanu he hala penisini pea ka oatu e penisini kuo mou hanu he mamafa hooooiaue tetau fasi manava. Mou ako a 'i ha'apai 'o lotolahi mo 'atamai lelei lol
-
oku sii fakaofa ka hange koe lau takitaha kai pe lele ene hoosi,,,ko hoomou fili ena pea oua toe hanu mou inu pe hono kona mo hono mamahi ko homou loto...,lol
-
Faka'ofa si'i kakai hono lohiaki'i ka 'oku ou sio ki he vahevahe he paenga ni 'oku nau sio ki he iku'anga 'o e ta'emahino 'a si'i kainga ni. Koe 'atunga ia e masiva 'a e kakai kuo nau 'oho kui pea kuo tau a'u ki ha kuonga kuo tala e kovi ia koe lelei pea ifo pe ki he tokolahi ke ngaahi kovi'i kinautolu he 'oku nau 'amanaki 'e ma'u ai ha lelei. Fka'ofa lahi.
-
'Oua 'e toe holo ongo Lavu pea laiki ai leva 'a Vava'u 16 moe to nounou faka-vesitapolo.
-
'Oua toe hanu Vava'u. Ko homo vaivai ongo Lavulavu. Ne 'osi mahino pe na'e tohi sieke atu pe 'a Minisita Lavu kae toho sieke 'a Sita mei he maka.
Koe ha 'oku 'ikai faka'ilo ai hono hiki e penisini ka e toe mole homou taimi he hanu ? -
'Alu ai leva he ko Vava'u lahi. Ngali kuo vai e lolo ia LOL
-
Ko e toe hanu 'a Vava'u 16 he ko e ha ne mou fili ai 'ia 'Akosita Lavulavu. Ne mou 'osi 'ilo pe 'a e fakafamili'i 'e 'Etuate 'a hono tanu homou ngaahi hala 'o fakatau pe he pule'anga 'a e maka mei he keli'anga maka 'a e taha e memipa 'a hono famili. Ne mou 'osi sio pe he kumi tu'umalie 'a 'Etuate he'ene kei 'i falealea. Malo pe haa mai 'ene ngaue lahi he tanu hala ka ko 'ene famili pe 'oku tu'umalie mei ai. Pea ko e hoko 'a e me'a ni 'oku 'ikai ko ha me'a fo'ou ia. 'Oua toe hanu he ko homou fili pe Vava'u 16 lol