Fakatau $300,000 Pule'anga Me’angāue Motu’a mo Mamafa ‘a Tomifa Paea Featured
Nuku'alofa, 13 Me 2016. ‘Oku fai e fifili pe ko e hā koā ‘oku vilita’e’unua pehe ai ‘a e Pule’anga ke fakatau ‘a e ngaahi me’angāue motu’a, ‘ikai falala’anga mo ta’efe’unga ‘a e Kautaha Vava’u Construction ‘a Tomifa Paea
Kuo paasi pea tali lelei ‘e he Kapineti ‘i he Tu’utu’uni Kapineti Fika 436 ‘o e ‘aho 29 ‘o ‘Epeleli 2016 ke fakahoko ‘a e fakatau ko’eni ‘i he malumalu ‘o e ngaahi makatu’ung ko’eni;
1. Ke fokotu’u atu ‘e he Pule’anga ki he Kautaha Vava’u Construction ‘a e mahu’inga ko e $300,000 ke fakahoko’aki ‘a e fakatau mai ko’eni;
2. Kapau ‘e tali ‘eni ‘e he Kautaha Vava’u Construction pea ke to’o ‘a e pa’anga ‘e $300,000 mei he pa’anga monomono hala (Road Maintenance Project) ‘a e Potungāue ki he Ngaahi Ngaue Lalahi.
3. Ke fakahoko ‘a e alelea mo e Kautaha Vava’u Construction ‘e he Potungāue Tukuhau mo e Kasitomu.
‘Oku fai e fifili ki he vilitaki ko’eni he kuo mahino na’e ‘osi fakahoko hono fakamahu’inga tau’atāina ‘a e ngaahi me’angāue ko’eni ‘e he Kautaha Tau’ataina pea na’a nau fokotu’u atu ko e mahu’inga ‘o e ngaahi me’angāue katoa ‘e ‘ikai laka hake he pa’anga ‘e taha kilu ($100,000).
Na’e toe fekau’i foki ‘e he Minisitā malōlō ‘o e Potungāue ki he Ngaahi Ngāue Lalahi ‘Etuate Lavulavu kia Maile Niulala ko e Pule ‘Enisinia ‘a e Potungāue ‘i he 2015 ke fakamahu’inga’i ‘a e ngaahi me’angāue tatau ki he pa’anga ‘e taha miliona ($1,000,000) pea na’e ‘ohake ‘eni ‘e he ngaahi mītia ‘o molia hifo ai pe ‘a e kaveinga ko’eni.
Kaikehe, lolotonga ‘a e fakakaukau kuo ‘ikai toe fakahoko e fa’ahinga fakatau fakapone pehe ni kuo tali ‘e he Kapineti ia kenau fakahoko’eni lolotonga ia kuo mahino ‘a e tukunga ‘o e ngaahi me’angāue ‘a ia ‘oku nau laine hange ha ma’ulu’ulu ‘i Poutaha. Kuo lauita’u ‘a e tu’u ‘a e ngaahi me’angāue ko’eni pea ‘oku laka hake he ta’u ‘e 20 honau motu’a tukukehe ange ‘a e ‘ikai ha fale kenau tau kiai ‘i he taimi ‘uha mo e la’ā.
‘Oku mahino pe foki na’e toki vali he faka’osinga ‘o e ta’u kuo ‘osi 2015 ‘a e ngaahi me’angāue ko’eni ke hā ngali matamatalelei mai ka ‘oku ‘ikai puli honau tukunga. Kuo ma’u mo e fakamatala mei he Potungāue pa’anga ‘oku te’eki ke fakahoko ha totongi ki he Kautaha Vava’u Construction pea ‘oku ‘i ai mo e ‘amanaki ‘e malava ke muimui’i lelei ‘a e tu’utu’uni ‘a e lao ki heni ‘e he Potungāue Pa’anga.
‘Oku toe fehu’ia foki he taimi tatau ‘a e kaunga ‘a e Potungāue Pa’anga, Tukuhau mo e Kasitomu ki he fakatau ko’eni kae pehe ki he tu’unga mo’ua ‘o e ngaahi me’angāue ni ki he ngaahi Pangikē.
8 comments
-
Taaamani ... me'a kuo tau launoa'ia he foi kemipeini a e palemia ma'a e hoa o Lavu pea tala oku kapakautaha e Pule'anga. Fakatupulua mo'oni, KO FE KAU TONGA HIGH? MOU MAVAHE AA HE KOENA 'OKU 'IKAI HA MOU 'AONGA. MOU MAVAHE HE TE MOU MAHAKI HE NGAUE 'OKU 'OFA PE PALEMIA IA 'IA LAVULAVU KAKAA
-
Tokanga'i na'a 'oku fakaheke ha konga e kilu ko eni ki he kemipeini 'a e hoa 'o Lavu he 'oku kau he fili si'i 'a Vava'u 16. Ko e mo'oni koaa na'e 'alu e PM ki Vava'u 'o kole 'enau poupou ki he Pule'anga ko eni. Pea 'oku ne ongo'i e nofo 'a Lavu pea hange 'oku 'alu kapakau taha pe pule'anga. Ngalingali 'oku nau teke mui he hoa 'o Lavu. Ka ko e ha koaa e me'a kuo pipiki pehe ai 'ia Lavu mo Tomifa.
Poto ange pe kau Vava'u he k-m-. Mou sio kia Piveni eh ? -
Fakaofa mooni ta koe mea oku lahi ai hono moua koene kalasi olo olo pehee tau manatu kihe oloa e gata ka Ivi. Olo'i pe o vala louakau ee
-
Ta koe foungaa ia oku lau e Sani pea tonu ke tau poto he oloo. mo feinga kete kau keingi moe kau tamaa. Ka kou sioo, he ikai kete kei pia mo me'akai aki he oku hangee oku nau mata'i kai lahii. Kaikehe poto ange pe a Vavau ia he me'a koe olo. Iloi lelei pe vaivai'angaa. Kalasi atu!
-
Malie Kapineti.. e tuku a fe 'a e fakatau noa'ia mo e me'a kuo popo ..
Malie lahi PM ho'o to'o fohe... -
'Amusia Tomifa ia ku kakaa pe ia pea 'ofa'i pe ia 'e he kau Minisita, ka ko e aonga ia si'o tou'anga mo ho'o fu'u Hummer hono uta holo kinautolu he taimi aluatu ki Vava'u mo e dinner ta'e hela moua lahi kiai eee
-
Kataki pe Ului 'oku hala ho'o faifika he 'oku 'ikai 'asi mai ha 'inasi 'oe pule temo mo e CEO 'a T.Lavemaau pea koe tama Vava'u foki. Kole atu mu'a ki he potungaue tauhi lekooti ke ki'i tuku'i mai mu'a e lekooti ngaue e kau tama ko eni. Fu'u fiema'u ke tau 'ilo pe koe ha na'e tuku ai kinautolu ki tu'a mei he ngaue. Ka kuo nau heka fiefia mai foki he kapa'i kote 'o Akili moe 'ene kau kapineti katuni ko eni.
-
Kuo fakalau mai e po'uli pea kuo ha'u 'etau hela'ia mei he ngaahi ngaue faka'aho mo e tumu'ia he fa'ahinga faitu'utu'u ni pehe ni, fakalanga ai ketau faifika 'o anga pehe;
1kilu ma'ae me'angaue popo 'a Tomifa
1kilu ma'a Lavulavu ko e Komisioni
1kilu ma'a Ti Lavemaau he ko 'ene fakamalanga ena ne tali ai fo'i pulali ko'ena. Ko e anga pe ena ia e ki'i faifika ke toki hu mai a Oua e Fiu ia 'o malanga mai ia ke to e lesi mo e mei mo e hopa he ko e me'a ia oku fiema'u e he Pule'anga 'o Akilisi ha ha ha ...
Kaikehe, 'ofa kemou ma'u ha Sapate Tamai fonu kelesi'ia ee