Kamata ‘a e polokalama Lea (Public Lecture) ‘a e Moana Unitec ^Featured

Ko e tangata lea ko Failo Taufa koe mataotao he mala’e ‘o e fika pea ‘oku toe ngaue faiako  tu’a taimi pe foki ‘i he ‘apiako.

Ko e topiki na’e lea ai ‘a Failo ko e “Lecacy of Leonhard Euler” ‘a ia na’e lea ‘a Failo fekau’aki mo e ngaahi tukutukulaumea ‘a e tangata fika ‘iloa ko’eni ko Leonhard Euler ‘o Switzerland ‘i he mala’e ‘o e fika.

Ko Euler foki na’e fa’ele’i ia ‘i he ta’u 1709 pea na’a ne pekia ‘i he ta’u 1783 pea na’e lahi ‘ene fofoa’i ‘a e ngaahi fakakaukau fakafika ‘i he mala’e ‘o e fika ‘o hange koe infinitesimal, calculus mo e graph theory.

‘Oku kau foki heni ‘ene ngaahi ‘ilo fo’ou kuo tuku’au mai ‘o a’u ki he ‘aho ni ‘i he mala’e ‘o e topography mo e analytic number theory.

Ko Euler foki ‘oku kau ia ‘i he tangata fika ongoongoa taha ‘i he senituli 18 pea pehe ki he hisitolia ‘o e fika ‘i mamani.

‘Oku hokohoko atu ia pe ‘a e polokalama lea ‘a e ‘apiako ‘i he ngaahi topiki kehekehe pe pea ‘oku ‘ata foki ki he papulika kenau lava mai kiai ‘o fanongo.