Ko hotau fatongia ke tau'i e faito'o konatapu Featured
‘Oku ‘ikai maholoholo ‘a e hono puke mo ma’u ‘a hotau kakai ‘oku nau fetuku holo ‘a e faito’o konatapu mo ngāue’aki ‘i hotau ki’i fonua ni pea ‘oku fu’u fakalilifu ‘a e tu’unga ‘oku a’u kiai pea 'oku totonu ketau tu'u fakataha 'a e kakai 'o e fonua ke tau'i 'eni.
‘Oku ‘ikai koha fatongia pe ‘eni ‘o e Potungāue Polisi ‘a e fonua mo e Pule’anga ka koe fatongia ‘eni ‘o e fonua mo e ngaahi siasi pehe ki he ngaahi komiunitī he koe peau kafakafa ‘eni ‘oku hake mai pea kapau ‘e ‘ikai ke tau tokanga ‘e tafia ai ‘a e fonua he ‘oku tau tokosi’i pea toe fu’u si’isi’i foki.
‘Oku totonu ke ‘oua ‘e tukunoa’i ‘a e ngaahi fakaanga mei he kau taki ‘o e ngaahi fonua kaunga’api ‘o kau ai hono tukuaki’i ‘e he taha ‘o e kau tokoni Minisitā ‘a Nu’usila Shane Jones ko Tonga ko e matapā hu’anga (transit point) ia ‘o e faito’o konatapu ki Nu’usila mo e ngaahi fonua kehe ‘o e Pasifiki.
Tau lau mu'a ‘eni ‘oku mo’oni pea tau ngāue mei ai ke ke ta’ofi ‘a e fu’u peau fakatu’utamaki ko’eni ‘oku fakamanavahē fau pea 'oku uesia ai 'a e ni'ihi 'o 'etau fanau mo e hakotupu 'o e fonua tukukehe ange 'a e kakai tokolahi 'oku nau tataki mo faka'ai'ai 'a e fa'ahinga hia mamafa ko'eni.
‘Oku ‘ikai puli foki koe pa’anga lahi ‘oku ma’u ‘e he kakai siokita, manumanu mo ta’e’ofa ko'eni ‘oku nau fetuku holo ‘a e faito’o konatapu ‘o tautautefito ki he ‘aisi (Methamphetamine), Cocaine pehe ki he Maliuana mo e toe kalasi kehekehe pe ‘o e faito’o konatapu pea faka'aonga'i foki.
Ko e pa’anga lahi ‘i he taimi vave 'oku ma'u heni pea koe mahu’inga foki ‘o e faito’o konatapu ‘oku fakakalakalasi pea ‘oku a’u pe ki he kilu ki he miliona 'a e kilo hono mahu’inga ‘i he hala (street value) tautautefito ki he ngaahi fonua lalahi ange ‘o kau ai ‘a Nu’usila mo 'Aositelelia.
Ko e ngaahi fai hia lalahi ‘i Tonga ni ‘oku ‘i ai ‘ene fekau’aki tonu mo hono ngāue’aki ‘o e faito’o konatapu ‘e he to’utupu pehe ki he kakai ‘o e fonua pea 'oku 'ilonga ngofua 'a e founga faihia he 'oku makehe he ngaahi 'aho ni pea ho'ata mei ai 'a e faka'ilonga 'a e hake 'uta 'a e faito'o konatapu.
‘Oku toe ta’ota’o atu kiai mo e lipooti ‘a e mataotao ki he ‘atamai Dr. Mapa Puloka ‘o pehe koe peseti ‘e 70 ‘o kinautolu ‘oku ‘oange ki he fale faka’atamai ‘oku nau ngāue’aki ‘o e faito’o konatapu.
‘I he’ene pehe leva ‘oku ‘i he lanu kulokula ‘a e maama fakatokanga ki he fonua pea ‘oku fu’u fiema’u ‘a e ngāue fakataha ‘a e ngaahi siasi mo e ngaahi komiunitī pehe ki he ngaahi kulupu to’utupu mo e ngaahi kupu fekau’aki ke tau’i ‘a e faito’o konatapu.
Ko e ola hono ngāue’aki ‘o e faito’o ‘oku iku ki he mole ‘a e fakakaukau lelei pehe ki he’ene liliu ‘a e ‘atamai ‘o e tangata mo e fefine kenau fakahoko ‘a e ngaahi ‘ulungaanga ‘oku fakalilifu pea iku ki he mate mo e ‘auha.
‘Oku ‘ikai fai ha lau ia ki he’ene puketu’u ha taha ‘oku ne ma’u ‘a e faito’o pea iku ke ‘ikai toe homo mei ai (addiction).
Kuo mahino ‘i he ngaahi fakatotolo koe taimi pe ‘oku ma’u ai ‘eha taha ‘a e faito’o pea ‘oku faingata’a kene toe tukuange 'a ia 'oku 'ilo ngofua pe 'eni 'i he anga 'o e nofo 'i he sosaieti.
Ko hono iku’anga ‘oku mahino ko hono fakahoko ‘a e ngaahi faihia kehekehe 'o 'ikai ha toe ufi ka ko e koloa pe ke ma’u ha pa’anga ke fakatau mai ‘aki ha faito’o ke faka’aonga’i kae lava ke nomolo 'a e mo'ui 'a e kau mau faito'o konatapu.
Ko hotau fatogia 'o e kakai 'o e fonua ke tau'i 'a e fili ko'eni pea ke tau lea 'o fakahoko ki he ma'u mafai kapau 'oku tau 'ilo ki he ngaahi ngaue fakavalevale mo ta'e'ofa ko'eni ke ta'ofi kei taimi telia 'a e fonua mo hono kaha'u.
'Oku totonu mo taau ke tuku hake 'a e kaveinga koeni ke kau 'i he fika 'uluaki 'i he 'asenita ngāue 'a e Pule'anga, ngaahi siasi, ngaah ako'anga, ngaahi kulupu to'utupu, ngaahi kautaha fakataautaha pea ke tu'u fakataha 'a e fonua ke tau'i 'a e faito'o konatapu he 'e malava noa kene faka'uha 'a Tonga.
3 comments
-
This is a disease that wreak havoc with horrific consequences . Unfortunately it's the price we pay as a society or country for this epidemic once it takes hold. It will take a lot of effort from the government as well as the community to clean up this flotsam that's been washed up on our shores . Because of its street value pushers are able to throw money around and this like the proverbial 'carrot and the stick', especially so to poor people.The nation has a two prong issue here #1 men and women being deported from overseas among them , are drug users some come back as full blown drug addict #2 some government officials are sometimes the guilty culprit in this game of hide and seek by turning a blind eye to drugs being siphoned through ports and airport into the country as custom workers looked the other way, here kickback monies thousands is put into bank account or just handed out and every everyone gets a share, this is for a days work.Now we have a perfect setup ready to be taken advantage of by the syndicate we have druggies and corrupt officials . If the government could reduce the number of addicts being deported from overseas, unless they are in a country illegally the government should refuse to take them back, if they are citizen of that country why send their dross back? they took them in let them sort it out there . Then and only then could Tonga begin a rehabilitation programme to deal with this evil that's plaguing this poor nation .. This is a long and painful journey for both family and addict also the nation as a whole and the government has to fork out taxpayers money to treat this sickness .Strong actions must be taken by government to deter would be drug runners from smuggling in their deadly ware. These people should be stretched from the highest coconut tree.Show no mercy. Public servants who are guilty of excepting bribes should get life behind bars. Educating the youths of the land through church schools and youth programme , to alert them to the danger and the damage it does to ones brain. This is a national crisis government, village communities , the church all must work as one so as to be rid of this Menace.
-
Fu'u lahi e politiki kae 'ikai fai ha ngaue ki he ngaahi palopalema 'a e fonua 'o kau ai 'a e kaveinga ko'eni. Fakamalo lahi atu 'Etita ho'o fakamanatu mai 'a e me'a totonu ke fakahoko 'e he kau taki pehe ki he ngaahi siasi mo e kakai fakalukufua.
-
KUO FAKA’ATA’ATAA EHE PALEMIA IA IA MOE MINISITA POLISI MEI HE ISSUE OKU IKAI KE IAI HAANA MAFAI KENAU PUKE KAKAI KOIA NEONGO OKU NAU OSI ILO E KAKAI OKU NAU OMAI E AISI MO E KAU POLISI OKU NAU KAUNGA KIAI, PEA MAHINO LEVA OKU NA KAUNGA HE KAPAU TENAU PUKE KAKAI KOIA E IAI E CONFLICT OF INTEREST IA IA NAUTOLU