Alea fengaue’aki ‘a e Kautaha Tonga Airways Limited mo Pita Taufatofua Featured
Hema ki Mata'u: Paula Sitapa, Samiu Vaipulu (Sea TAL), Fa'asolo, Pita Taufatofua, David Lavulo Edwards mo Samuela Folaumoetu'i
20 September, 2016. Kuo kamata lalanga ha fengaue’aki vaofi 'i he vaha’a ‘o e kautaha vakapuna fo’ou ko eTonga Airways Limited mo e tamasi’i to’o fuka ‘iloa ‘a Tonga ‘i Rio Pita Taufatofua. ki hano tu’uaki ‘a e kautaha ni.
Ko hono fakaha ia ‘e he sea ‘o e kautaha ni Samiu Kuita Vaipulu ki he ongoongo ni hili ha fakataha moha dinner 'a e Kautaha mo Taufatofua.
Na’e fakaafe’i ‘e Vaipulu mo e Tonga Airways Limited ‘a Taufatofua ki ha fakataha moha dinner mo e kau taki ‘o e kautaha ni pea fakahoko ai ‘a e alelea koeni.
‘I he fakamatala ‘a Vaipulu ‘oku kamata ke fakahoko ‘a e fepuna’aki ‘a e kautaha Tonga Airways Limited 'i he faka’osinga ‘o e ta’u pea ‘oku nau fie ngaue’aki ‘a Taufatofua ki hono tu’uaki ‘a e kautaha ‘i Hongkong pea mo Siaina Lahi he konga ia 'o e maketi 'oku taketi'i 'ehe kautaha.
‘Oku kau heni ‘a hono tu’uaki ‘o e takimamata, sipoti, to’utupu mo e ngaahi fakalakalaka kehe 'o taumu'a ki ha fakalakalaka ma'a e fonua fakalukufua.
‘I he hoko atu ‘a Vaipulu na’a ne fakaha ‘oku mahino ko e taha ‘o e vaivai’anga ‘o e kau atu ‘a Tonga ki he ‘Olimipiki ko e ‘ikai ha naunau fe’unga ke fakahoko’aki hono teuteu'i ‘a e fanau pea ‘oku ‘amanaki ke fakahoko ha talanoa kiai mo ‘enau kau investors he kaha’u vave mai.
8 comments
-
Talamonu atu kia Samiu mo Samuela, pea ko Manu'a ena kuo kau mai mo ia. Koe ngaahi lotolahi ena 'oku fiema'u ki Tonga he taimi ni, ke ue'i e fe'au'auhi kae lava ke mo'ui e pisinisi mo e kakai. Kapau te tau nofo pe he lau e palopalema mo ta'efai ha ngaue ta he'ikai fai ha nga'unu ia ki mu'a. Fai mo kamata'i mai e TAL ka tau kaunga tokoni mo poupou he kuo fonu e kato ia 'oe Fiji Airways hono tanaki 'etau ki'i pa'anga domestic ka tau nofo pe tautolu 'o sio atu.
-
Ko e Pule'anga koeni oku nau fehi'a nautolu he langa ngaue, oku nau moua pe he fa'o mo e tufi monuu hange ha tufi niumotu'u. Mou ala atu o poupou;'i e kautaha koena ke mo'ui ai e ngaue ke faingofua he ko e langa ai pe ia hotau fonua, pea tamani ko haa mou paanga oku fai aki ko e feinga pe ena a Samiu moenau kau ngaue.
-
na'a ku ilo foki ki he talu e feinga a samiu vaipulu mei he ta'ukuo'osi kae fakafe'atungia'i holo pe 'e 'etuate lavulavu mo e puleanga koeni pea neu pehee kuo ikai kenau toe feinga,ohovale lahi aaku he toe sio koeni oku nau sii kei feinga pe,ofa mai aa pule'anga tokonii e kautaha koena he koenau visone lelei ena ke langa hotau fonua tuku aa e sioi fakapolitikale taautaha o vaipulu kamou ngaue fakataha pe kohono fakalea pe e taha tuku e lotokovi kamou tuu fakataha ke langa hotau fonu he koena ikai mole ha seniti a e puleanga he feinga oku fai e vaipulu koena mou tokonii emoutolu a tevita palu
-
oku malie ae lau ko enii kihe maketi ene siisii kihe kautaha e 2 kihe domestic.Ihe 2004 ne hau ai ae Tama ko eni ko Logan Appu mo ene visone ke fktupu ha fo'i maketi he vahaa o Tonga mo NZ pea ne iku fua hee kautaha vakapunaa oe aho koiaa ae foi visone ae motua ni o iku bankrupt ai ae kautahaa pea tuutuuni ai ae owner kuo fuu lahi e mole , kae pangoo he koe puleangaa ia naa nau fua ae fkmolee mei he paanga tukuhau ae kakai.Koe ha e mea ne hokoo osi eni e tau e 12 kihe maketii. ..ikai oku fuu siisii ae A320 moe B767 kuo toe huu mai eni moe B777 pea moe B787 pea meimei puna he aho kotoa mei AKL ki Tonga ni.Sai kapau he ikai ke tau fai ha mea kihe etau domestic market te tau pehe pehee ai pe he foi fakakaukau oku ikai ke feunga e maketii kiha kautaha e 2.
Koe fakakaukau ko eni ae TAL oku ngalingali tenau fua e foi faingataa ke fktupu ..aki e foi maketi ko eni kihe regional pea lave ai e domestic pea mahalo naa osi ha toe tau e 12 mei heni kuo 5 e uu kautaha vakapuna I Tonga ni.Koe palani ae TAL Oku mahino koe vakalahi eni Hangatonu mei HK ki TONGA ni pea feauauhi ia moe Fiji Airways ikai ke fepaki ia moe ANZ pe VB ka kou sio kihe loto lahi ae kau Investor ko eni ke nau fua e fu'u paanga lahi faufaua ko enii ke fkhoko aki e foi fkkaukau ni heiilo naa sii moui loo ua pe ongo kautahaa ka tau ilifia atu pe he mamaoo ...oku fiemau ke mau ha kakai loto lahi mo fkkaukau lelei kihe foi palani ko enii kae sii hao etau paanga tukuhau ke fua atu aki ha mea ae puleangaa...Malo e mafu lahi Samiu. -
Malo kau tangata ngaue pea malo Samiu e taki lelei mo e feinga ke langa e fonua. 'Oku mou matapoto ho'omou puke mo toka'i 'enau tamasi'i he 'e 'aonga hono 'ilo'i 'i mamani ke tu'uaki atu 'aki e fonua. Talamonu atu ki he fokotu'unga ngaue 'oku fakahoko.
-
malo mua samiu vaipulu e ngaue pea ko e ngaue lahi ena ia oku fai pea malo aupito e langa hotau fonua. ko e foi analaiso ia a jay ta heikai pe toe lava ha ngaue ia ke fai he oku kau ia he kau siosiokovi ee
-
'E kau lelei eni ki he kakai 'a e fonua ka ki he ongo kautaha kou tui 'e kau kovi kia naua. Ko e ki'i maketi fepuna'aki fakalotofonua 'a Tonga ni 'oku si'isi'i pea he'ikai lava ha fe'au'auhi ia ai pea 'e iku lele mole pe 'a e ongo kautaha ni. Kapau 'e feinga 'a e kautaha 'a Samiu ke puna fakavaha'apule'anga 'e ki'i matamata 'e tupu lelei 'a e kautaha ni ka ko hono faingata'a pe kuo 'osi 'i ai 'a e ngaahi kautaha vakapuna lalahi kuo manakoa ia he kakai 'o hange ko e Air New Zealand pea mo e Virgin Australia. Ka lele fakatou'osi 'a e ongo kautaha vaka ni 'i Tonga ni 'e pau pe ke 'i ai 'a e kautaha vaka 'e taha 'e si'i mate. Ko e ngaahi fakamole ki hono fakalele ha vakapuna 'oku fu'u lahi 'aupito 'o hange ko e vahe 'a e kau pailate pehe ki he 'enisinia 'oku fu'u mamafa 'aupito pea mo e ngaahi me'a kehe pe. Pea kou tui ko e 'uhinga ia 'oku mamafa ai 'a e airfare koe'uhi pe ke lava 'o fua 'a e fakamole mo ma'u ha ki'i tupu.
-
Oku ou poupou kihe kautaha koeni ke 2 ke kau lelei kihe kakai pea ai e fea ke maamaa Samiu.