Nuku’alofa 4 Fepueli 2016. Kuo ma’u ‘e he ongoongo ni ha fakamatala falala’anga ko hono fakata’e’aonga’i ‘a e hoko ‘a ‘Etuate Lavulavu ko e Minisitā Takimamata mo e memipa ‘o e Kapineti ko e fokotu’u fakahangatonu mai pē mei he ‘Ene ‘Afio (Royal Command) ka ‘oku ‘ikai ko hano fokotu’u atu mei he Palēmia. 

Nuku’alofa, 3 Fepueli 2016. Kuo faka’ikai’i mamafa ‘e he Sekelitali Seniale ‘a e TASANOC (Tonga Sports Association and National Olympic Committee) Takitoa Taumoepeau ‘a e fakamatala ‘a e Palēmia ‘i he Fale Alea ‘o Tonga ‘i he ‘aho Pulelulu 3 ‘o Fepueli ‘o pehe ‘oku ‘ikai ha pa’anga ‘a e kautaha.

Nuku'alofa, 3 Fepueli 2016. Kuo me’a atu ‘a Hon.Justin Tkatchenko, Minisitā ki he Ngaahi Ouau Fakafonua, Sipoti mo e Takimamata ‘a Papua Niukiní fakataha mo e timi ‘a’ahi ‘a Papua Niukini na’e ‘a’ahi mai ki Tonga ni ke tokoni ki he ngaahi teuteu ki he Sipoti ‘a e Pasifiki ki he 2019, ‘i he efiafi Tusite 2 ‘o Fepueli hili ia ‘a e lava lelei ‘enau ‘a’ahi na’e fakahoko mai.

Nuku'alofa, 3 Fepueli 2016. Kuo finangalo lelei ‘a ‘Ene ‘Afio Tupou VI ke fakata’e’aonga’i ‘a hono fakanofo ‘o ‘Etuate Sungalu Lavulavu ki he Minisitā ‘o e Takimamata, ‘i hono fokotu’u atu ‘e he ‘Eiki Palēmia ‘o Tonga, Hon Samuela ‘Akilisi Pohiva, ‘o kamata lau mei he Monite ‘aho ‘uluaki ‘o Fepueli, 2016.