Ikuna 'e Siaosi Pohiva Fili Si'i Tongatapu 1 Featured
Siaosi Pohiva
29 Novema, 2019. Kuo ikuna 'e Siaosi Pohiva 'a e Fili si'i 'a e Vahenga Tongatapu 1 ki hanau fakafofonga ki he Fale Alea 'o Tonga 'i he 'aho 'aneafi 28 Novema 2019.
Ko e fili 'eni na'e fu'u matu'aki vaofi 'aupito 'a ia na'e fakalaka 'aki pe 'e Siaosi Pohiva 'a e fo'i fili 'e 16 meia Toketa Netatua Pelesikoti Taufatofua.
Na'e ikuna fakakatoa 'aki 'e Siaosi Pohiva 'a e Fili Si'i 'a e Vahenga Tongatapu 1 'aki 'a e fo'i fili 'e 1160 ki he toko 1144 na'e fili kia Toketa Netatua Pelesikoti Taufatofua.
Ko Siaosi Pohiva koe foha lahi taha ia 'o Samuela 'Akilisi Pohiva 'a ia na'a ne Fakafofonga'i 'a e Vahenga Tongatapu 1 'i he ngaahi ta'u lahi.
Neongo 'a e vaofi 'a e fili ko'eni ka kuo fakaha mei he 'Ofisi 'o e Komisoni ki he Fili 'oku te'eki kenau ma'u ha launga fekau'aki mo e ola 'o e Fili si'i 'a e Vahenga Tongatapu 1.
1 comment
-
Lolotonga e fiemalie hotau telinga he fanongo ka Akilisi lea aki ai pe fo'i talanoa tatau he ngalu'ea koeni ke toe hu hake hoko atu ai pe fo'i me'atatau, 'ai pea mou fakapikopiko he fakamafana mo e fakafonua kovi, 'ai aa ha me'afo'ou kemou ongo'i 'oku 'aonga homou mo'ui 'i Mamani.