Me'a 'a e 'Eiki Palemia Hon. Hu'akavameiliku fakafofonga Pasifiki 'i he UN
24 Sepitema 2024. Na'e lava lelei 'i he 'aho 'aneafi 'a e meʻa ʻa e ʻEiki Palemia Tonga Hon. Huʻakavameiliku ki he General Assembly ʻa e UN (Summit of the Future) ʻi hono fatongia koe Sea Folamu Kau Taki Pasifiki (PIFS).
Ko e fuofua me'a 'eni 'a e 'Eiki Palemia ki he UN 'i hono fatongia ko e Sea 'i he ea Folamu Kau Taki Pasifiki pea na'a ne 'ohake ai 'a e ngaahi kaveinga mahu'ingga 'a ia 'oku nofo kiai 'a e tokanga 'a e ngaahi fonua 'o e pasifiki.
Na'e kau foki he me'a 'a e 'Eiki Palemia 'a e visone mo e halafononga 'oku muia 'e he fonua 'e 18 'o e Folamu ko e "Blue Pacific Continent" 'a ia 'oku fakataumu'a ki he ngaue fakataha 'a e ngaahi fonua memipa kiha tu'umalie 'e tu'uloa mo hono tekolo'i 'a e ngaahi pole 'oku fehangahangai moe ngaahi fonua memipa.
'Oku kau heni 'a e kaveinga 'o e feliuliuaki 'a e 'ea mo e ma'olunga 'a e tahi, ngaahi pole 'o e fakalakalaka faka'ikonomika, malu 'a e pasifiki, ngaahi tokoni mei muli pehe ki hano fakalakalaka'i hono tokangaekina 'a e vahenga pasifiki.
