Foaki ‘e he Kapineti totonu ki hono tauhi lesisita ‘a e fonua ki he Siasi Mamonga Featured
15 Fepueli, 2019. Kuo ma'u e fakamatala kuo foaki ‘e he Kapineti ‘a e totonu ki hono tauhi ‘o e setisitika ‘o e lesisita mo e ngaahi lekooti ‘a e fonua ‘o hange koe lekooti ‘o e fa’ele’i, pekia, mali, liliu hingoa, ohi, ngaahi tuku fakaholo mo e ngaahi lekooti natula tatau ki he Siasi ‘o Sisu Kalaisi mo e Kau Ma’oni’oni ‘o e Ngaahi ‘Aho ki mui ni (LDS).
Ko e ngaahi lekooti foki ko’eni na’e angamaheni ‘aki hono tauhi ia ‘e he Pule’anga ‘i he malumalu ‘o e Potungaue Lao pea koe natula pe foki ‘eni ‘o e fa’ahinga lekooti pehe ni ‘oku tauhi ‘e he Pule’anga.
‘Oku mahu’inga ke malu’i ‘a e totonu ‘a e tokotaha taautaha ki he malu mo e fakapulipuli (privacy) hono lekooti mo hono tukufakaholo pea ke ‘ikai ke malava ke ‘ilo no’ia kiai pe ‘ekisesi kiai (access) ‘a e papulika mo e kakai tukukehe ‘iha ‘uhinga kuo fakamafai’i.
Na’e fakahoko foki ‘a e feinga ‘a e Fakafofonga Fale Alea malolo ‘o Ha’apai ‘Uliti Uata lolotonga ‘ene hoko koe memipa ‘o e Kapineti ‘i he Pule’anga na’e Palemia ai ‘a Lord Tu’ivakano ke foaki ‘a e totonu ki hono tauhi 'o e ngaahi lesisita koeni ki he LDS.
Na’e ‘ikai ke tali ‘eni ‘e he Pule’anga ‘o e ‘aho koia makatu’unga ‘i he ngaahi ‘uhinga fakalao mo hono fale’i mei he Pule’anga Nu’usila mo e Tu’i Fakamaau Lahi ‘o e ‘aho koia ke tuku pe ‘a e lesisita mo e ngaahi lekooti lesisita ‘a e fonua ‘i he Pule’anga.
Na’e tali foki ‘e he Kapineti ‘i he ‘aho koia ke hoko ‘a William Clive Edwards koe Failesisita Seniale fakataimi lolotonga ‘ene kei hoko koe Minisita Lao ‘i he ‘aho koia ke fakama’opo’opo ‘a e lekooti lesisita ‘a e fonua pea ke tauhi ki ha sisitemi ‘a ia ‘oku lolotonga a’u mai ki he ‘aho ni.
Ko e Siasi Mamonga foki ‘oku nau fakahoko ‘a e ngaue lahi mo mahu’inga ki he fekumi ki he ngaahi lekooti pehe ni mo e hohoko pehe ki he tukufakaholo pea na’a nau toutou feinga foki ke na’u ma’u ‘a e totonu mo e mafai ki he ngaahi lekooti lesisita ‘a e fonua ‘i he taumu’a mo e faka'uhinga lelei pe ia ka 'oku tu'u fehangahangai foki 'eni mo e ngaahi 'uhinga fekau'aki moe malu pehe ki he fakalao.
Kaikehe ‘oku mahino foki ki he ongoongo ko’eni ‘oku ‘ikai ha fonua ia ‘i mamani kuo tukuange ‘a 'enau lekooti lesisita ki ha sino taautaha ‘o hange koha siasi pe kautaha he ‘oku mahu’inga ‘a e totonu ‘a e kakai ‘o e fonua ke malu’i honau tukufakaholo mo honau lekooti ke ‘oua ‘e malava ke sio no’ia pe ‘ekisesi pe kiai ha fa’ahinga kakai ia ‘o hange ko e ‘uhinga na’e ‘ikai ke tali ai ‘e he Pule’anga ki mu’a.
‘I ha faka’eke’eke ‘a e ongoongo ni mo William Clive Edwards na’a ne pehe ai ‘oku ne faka’apa’apa’i lahi ‘a e ngaue ‘a e LDS mo ‘enau mahu’inga’ia ‘i he lekooti mo e tukufakaholo pehe ki he fekumi kiai mo hono tauhi ka ‘oku ne tui koe lekooti mo e setisitika ‘o e lesisita ‘oku pelepelengesi pea koe fatongia pe ia ‘o e Pule’anga ke tauhi ke malu mo fakapapau’i ‘oku ‘ikai malava ke sio pe ‘ekisesi noa’ia pe kiai ha kakai.
‘I he lau ‘a Edwards ‘oku mahu’inga ‘a e totonu fakataautaha ki he malu mo fakapulipuli (privacy) ‘o e lesisista ‘oha taha pea koe totonu ia ‘oku fakalao mo fakanatula foki pea koe fatongia ia ‘o e Pule’anga kene tauhi mo fakapapau’i ‘a e ngaahi totonu ‘a e kakai ‘o e fonua.
Na’e fakahoko foki a e toutou feinga ‘a e ongoongo ni ki he Potungaue Fakamaau’anga ki he va’a lesisita ke ‘omai ha’anau lau ki he kaveinga ni ka na’e ‘ikai ‘i ai ha faingamalie.
Ko e kaveinga foki ‘eni ‘oku mahu’inga mo pelepelengesi he ‘oku ‘i ai ‘a e totonu ‘a e kakai ‘o e fonua ke ‘ilo kiai pea na’e ‘ohake pe ‘ehe ngaahi kautaha ongoongo 'a e kaveinga ni kimu’a ka ko’eni kuo ngali kuo hoko hono tukuatu ‘a e totonu mo e mafai ko'eni ki he sino taautaha ko'eni.
8 comments
-
Ko e fakamatala 'eni 'oku 'ikai ke fakamo'oni kiai ha taha. Ko e hingoa 'o e Siasi LDS 'oku 'ikai ko e Siasi Mamonga. Kataki kolosi Mamonga mei he ngaahi fakamatala. Ko e Tohi 'a Molomona mahalo na'e 'oange ai hingoa fakatenetene ki he Siasi 'o Sisu Kalaisi mo e Kau Ma'oni'oni 'i he Ngaahi 'Aho ki Mui ni. It's not the Mormon Church. It's The Church of Jesus Christ of Latter-day Saints. Anything that is approved by the Church has to have the name of the Church underneath any publication. So it's not official whatever is being posted here.
-
MO'ONI 'A FAHINA...EXCUSE ME BERTIE DON'T BLAME THE MORMON CHURCH...they're unquestionably the best record keepers in the world, and the Vatican cannot match Salt Lake City's efficiency in this regards. And your bias against the LDS Church is misplaced.
However, do not confuse Tongan Government's failure to do their own digitization with the LDS Church's excellent record keeping. The focus needs to be "why the need to be digitized" now? Then where are the "computer experts" the PM brought to correct the Educational Department's system? Those experts are supposed to be able to "write software programs."
Over $1 million spent on Siaosi Pohiva and Piveni Pikula the experts have not written a single workable program.
Dr. Vesisio Pongi warned the PM and all high school principals: Those computer experts (Si and Pi) cannot write a software program.
Tongan priverb: Tu'a-fehu'i-ua...one who was thought to be skillful, but turns out to be unskilled. -
Na'e faka'ikai'i mai 'e he Letio 87.5 'a e ongoongo ko'eni 'a e Nepituno 'o tala 'oku faka'ikai'i mai mei he Pule'anga ka na'e fakamahino 'e he Minisita Lao Vuna Faka'otusia 'i he Fale Alea 'i he 'aho ni koe mo'oni kuo 'osi passi 'e he Kapineti ke 'ave 'a e vital statistics ki he Siasi Mamonga.
-
Oku fiema'u ia ke fai hano fakapa ki he kakai 'a e fo'i ngaue ko'eni he koe kakai 'oku 'onautolu e ngaahi me'a ko'eni . Oku fakaha heni 'ehe Pule'anga oku 'ikai ke nau lava o fai honau fatongia ki he kakai 'o e fonua ko hono tauhi e ngaahi lekooti 'o e kakai. Oku 'iai pe system a e Mamonga ka oku ki'i faikehe a e fo'i ngaue ko'eni. Oku 'iai e fai lesisita 'a e Puleanga pea koe ngaahi ta'u mai koee o e 2000 ne kamata ke digitize e ngaahi information koia. Ko e kuo fakapulipuli pe ai e issue mahu'inga ko eni ki he kakai 'o e fonua. Fefe ni'ihi 'oku 'ikai ke nau Mamonga ? oku nau loto nai ki heni. ?? E tuku 'a fee hono taki holo 'ehe kau kakaa ko'eni hotau fonua. Ko hai na'e ha'ana e fo'i deal ko'eni pea moe siasi pea koe fiha e pa'anga ne foaki'aki ai 'ehe Puleanga ene koloa ki he siasi.
-
hange pe eni ia hono teke'i atu e fakamole ia ke fua ia he siasi . malie e hhhhhh. 'E fefe leva si'i kau ngaue na'a nau ngaue he tafa'aki ko eni .....................
-
'Oku sai pe Siasi ia pea 'oku 'ikai kenau taumu'a pehe ka koe Pule'anga na'e totonu ke nau fakakaukau lelei pea koe taimi ia 'oku fiema'u ai e taki lelei.
-
Is this the beginning of the Mormon march towards world domination as prophesied by their leader Joseph Smith ? Tonga is on record as having the largest Mormon converts per head of population of any country in the world . Now the government is entrusting its confidential files to the safe keeping of the Mormon Church . The Tongan population must understand that it is the duty of every priesthood holder in Mormonism to work towards the fulfillment of this prophecy . The Mormons in government have in the past tried to influence previous governments to allow the ( LDS Church) to have access to government records for safe keeping but the government of the day refused to do so .Now that Mormons holds prominent position in today government plus they have the Premiers approval government through Parliament now have handed over safe keeping of Tonga government records to the care of the LDS Church . So Tonga will change from a Kingdom to a Theocratic government ? because if Tonga is not careful it could well be in the not too distant future . The Tonga government has since its inception kept her files and records in Tonga why the sudden shift to let the Mormons store it in Salt Lake City is it , so the church can access the names for temple work ? Why not let the Vatican City archive look after it for the Tongan government ? or any of the other Churches that are in Tonga WHY ?Everything this government is doing always carry some ulterior motive behind it . Beware it may seem not to be a big thing but that's how big things begin . First Tonga than other island countries and so forth till all becomes one under one church and its leaders .
-
'Oku ou tui pe na'e tonu ke 'ave eni ki he kakai ke 'omai honau loto pe tenau loto ke 'ave honau lekooti ke tauhi 'e he Siasi ni. Hala ha taha he Kolope ko Tonga ni pe iooop!