Siokita mo Ta'e'ofa Lahi Palemia ki he Ako: Faka'ofa Matu'a mo e Fanau ^Featured

Nuku'alofa

6 'Epeleli 2016.

'Etita,

Koe toki me'a faka'ulia mo'oni koe lipooti ko ena kuo tuku mai 'e he Va'a Sivi 'a e Potungaue Ako. Kuo mahino lelei mai e ngaahi me'a ko eni mei he lipooti ko'eni.

1. Tu'utu'uni Fakaehaua e Minisita Ako 'ikai fie fanongo ki he kakai poto mo taukei
2. Hange pe koe 16/11 feinga ke fakavave'i e liliu 'ikai tokanga ki he ola pe 'e kovi pe 'ikai
3. Tu'umalie Piveni mo e foha Palemia

Ko e fo'i tu'utu'uni ke hiki mei he standardization ki he raw mahino mai ne fakavave'i pea 'ikai fai ha teuteu ki ai. koe fehu'i? koe ha ne fakavave'i ai kae 'ikai ke 'ai mamalie. Koe tu'utu'uni ke tu'usi peseti 'e 50% e maaka IA e fanau ne 'ikai a'u honau maaka ki he peseti 'e 30% he sivi. Ne mou 'osi fakaha eni ki he matu'a pe koe fonua he koe liliu lahi. Me'a ni pule fa'iteliha pe moutolu he kakava e ngaahi matu'a? Koe ha matapa eni ke sue ai 'e he matu'a tauhi fanau e potungaue?

2. Koe liliu mei he standardization ki he raw ne fakavave'i pea 'ikai tokanga e Minisita ia pe 'e kau kovi pe lelei ki he fanau koloa pe ke lava hono loto. Koe me'a eni ne nau feinga ki ai ke fakamo'oni 'a Feleti Sevele lolotonga hono tutu 'o Nuku'alofa pea moe teke ne fai. 'Ikai ke nau tokanga ki he mole fakapa'anga pea kau ai moe mo'ui ne mole.

3. Koe pa'anga 'e $2 kilu ne 'ave ma'a Piveni koe fale'i he mahina 'e nima pea 'ikai lau ki ai moe silini ki he'ene polokalama software. Koeha e ola ne ma'u mei he fale'i ko ia? 'Ikai koe tokolahi e fanau ne nau to pea fakatonutonu 'o nau lava pea  koe faka'ofa taha si'i matu'a ne 'ikai ke nau ma'u e seniti ke fai'aki e toe maaka pe toe lau e ola e sivi 'a e fanau.

Mou 'ofa mai 'o 'ai e 'ofa fonua ke mo'oni kae tuku 'o 'ofa favai moe la'ila'i lipi pea 'ofa mai 'o fanongo pea ka 'ikai pea 'omai ha taha 'oku fe'unga moe fatongia he koe kaha'u eni e fonua.

Faka'apa'apa atu,

Tauhi Fanau