Fakatatau ‘e he Digicel ‘inasi ‘o e Pule’anga ‘i he Tonga Cable Ltd Featured
Ko hono foaki 'e he Fakafofonga 'o e Digil Pacific ko Christian Fruen ki he Tokoni Palemia Hon. Siaosi Sovaleni ‘i Apia Ha’amoa 'a e sieke fakatau 'o e 'inasi 'o e Pule'anga ki he Digicel
27 Siulai, 2017. Kuo fakapapau’i hono fakatau ‘e he Digicel Tonga Ltd ‘a e peseti ‘e 16.6% of ‘o e ‘inasi ‘o e Pule’anga Tonga ‘i he Kautaha Kepipolo ‘a Tonga (Tonga Cable Ltd). Koe mahu’inga ‘o e ‘inasi ko’eni koe pa’anga ‘Amelika ‘e USD$4.19 ‘a ia koe pa’anga ia ‘e $9.1 miliona Tonga.
Ko e pa’anga ko’eni ‘oku ma’u mei he fakatau ko’eni ‘e fakapa’anga ‘aki ia hono taki ‘a e kepiolo ‘initaneti mei Tongatapu ni ki Vava’u mo Ha’apai.
Na’e fakahoko hono foaki ‘o e sieke fakatau ko’eni ‘e he fakkafofonga ‘o e Digil Pacific ko Christian Fruen ki he Tokoni Palemia Hon. Siaosi Sovaleni ‘i Apia Ha’amoa ‘aneafi pea na’e lele laivi foki ‘eni ‘i he skype ki he ‘ofisi ‘o e Digicel Tonga's ‘i Nuku’alofa.
Na’e me’a ‘i he ‘Ofisi ‘o e Digicel ‘i Nuku’alofa ‘a e Minisita Pa’anga Hon. Tevita Lavemaau, Minista ‘o e Potungaue Ngaahi Pisinisi ‘a e Pule’anga Hon. Poasi Tei, CEO ‘o e Digicel ‘i Tonga, Ben Kealy pehe ki he CEO ‘o e e Potungaue Ngaahi Pisinisi ‘a e Pule’anga Sione ‘Akaku’ola.
‘Oku mahino foki ko hano fakaa’u ‘a e keipolo faipa ‘opitiki ko’eni mei Nuku’alofa ki Ha’apai mo Vava’u pea ‘e toe vave ange ai ‘a e ‘initatneti ki he ongo vahefonua ni.
6 comments
-
Malo 'aupito Ului e fakalea. Lava pe foki ke fu'u feluteni e ongo kautaha ni pea 'ikai kena kei fe'auhi ka na tafoki hake 'o collude koe'uhi ko ha'ana fakatou lelei 'e ma'u mei ai. Pea iku 'ikai holo e price ia ka na fe'auhi naua he ngaahi charge kehekehe ki he kau customer.
Toe lava pe foki ke hoko koe hanga 'ehe ongo kautaha ni 'o over-subscribed e kau customer 'o iku tokolahi ange kau subscriber he capacity totonu 'oe netiueka. Pea 'ihe tekinolosia 'oe 'Initaneti, lava lelei pe 'ehe Digicel pe TCC ke ta'ta'ofi (throttle) 'ae traffic 'ae little guys like you and me kae 'oua fai ha me'a ki he traffic 'ae ngaahi pisinisi lalahi he 'oku lahi ange 'enau silini 'oku ma'u mei he ngaahi pisinisi. Pea iku matemate 'eta sevesi 'a taua kae 'ikai matemate sevesi ia 'ae ngaahi pisinisi.
Kaekehe koe anga pe vavaku atu mei he ope.
Malo, Hausia. -
Hausia, kou fakamalo atu he fakamaama pea koe fakamatala mahuinga ena ia. Ko e mea oku ou tokanga au kiai pe e lava ena feauhi o feauhi ha price oku maamaa he kou sio au ku na feauhi naua he charges pe ia oku kei maolunga, pea koe Digicel ia oku ikai pe toe loi e lahi ange ene matemate ana heene taimi moui lelei.
-
Fakatatau ki he uepisaiti 'ae Tonga Cable (ha atu 'i lalo), koe peseti e 'inasi 'oe pule'anga he kautaha koe 80%. 'Aia leva kapau kuo fakatau atu e 16.6% ko'eni ki he Digicel pea 'oku kei toe leva e 63.4% ki he pule'anga. Koia 'oku kei majority shareholder 'aupito 'aupito pe 'ae pule'anga.
Na'e kau foki e kautaha telefoni Tonga (TCC) hono fakapa'anga e Tonga Cable pea koia ai 'oku nau ma'u 'inasi, mahalo koe toenga peseti 20% mei he 80% 'ae pule'anga.
Ka mei he tafa'aki fakapisinisi 'oe fetu'utaki, koe me'a lelei kia kitautolu koe kau consumer ke fe'auhi e TCC moe Digicel he ngaahi tekinolosia kotoa 'oe 'Initaneti. Pea koe Tonga Cable 'oku mahu'inga ki he ongo kautaha lo ua he koia 'ae matapa oma taha ki tu'a moe hu mai 'ae 'Initaneti ki Tonga.
Ka 'e lava foki 'ehe TCC ke ne fakatau atu 'ene sevesi 'Initaneti 'o ma'ama'a ange he Digicel tupu mei ha'ane ma'u ha monuu discount mei he Tonga Cable koe'uhi ko'ene ma'u 'inasi ai. Koia 'oku 'ikai leva ke fair ia ki he Digicel as it is not a level playing field.
Toe lava pe 'ehe pule'anga ke 'oua te nau fakatau atu ha 'inasi ki he Digicel koe'uhi koe kautaha muli ia ka koe TCC koe kautaha Tonga. Ka 'oku sai ange fe'auhi 'ae ngaahi kautaha he 'e ma'ama'a ange ai e sevesi pea benefit e taha kotoa mei ai.
Koe founga 'e taha ke fakatau fakafoki mai 'e pule'anga e 'inasi e TCC ke na fakatou hala 'inasi lo ua moe Digicel pea na fe'auhi ai pe. Ka 'i he'eku vakai atu, mahalo 'oku sai ange fakatau atu 'inasi ki he Digicel ke ma'u ai ha pa'anga e pule'anga pea more healthy ange ai e competition 'ae TCC moe Digicel.
Malo, Hausia
http://tongacable.to/?page_id=2 -
Mou faka'auha ai leva e Fonua ni hoo mou term pea koe taha'ime'a pe ia oku mou lava'i koe fakaauha. Hala ha langafonua e taha.
-
'E 'osi e koloa 'a e fonua hono fakatau. Koe fiha 'a Sovaleni 'oku ma'u heni???>..malie tama
-
'Oku te'eki ke fu'u fefeefau ha development i Haapai mo Vava'u ke fai leva e fo'i fakatau Share koeni. Ko e vivili koeni 'a e Tokoni Palemia ke fai e fo'i nga'unu koeni 'oku ngalikehe. Tukukehe kapau oku i ai ha uhinga lelei hono fakavave'i e taki cable koeni, pea ta 'oku sai pe.