Fokotu'u ‘a ‘Elisapeti Makoni Langi ko e Fakamaau Lahi Le’ole’o
Mei Hema: Fakamaau Lahi Hon. Cooper, Tu'i Fakamaau Lahi Le'ole'o Hon. Petunia Tupou, Fakamaau Lahi Le'ole'o Hon. 'Elisapesi Makoni Langi
5 Sepitema, 2023. Na’e fakafuakava’i pea fokotu'u ‘a ‘Elisapeti Makoni Langi ‘i he Kapineti ko e Fakamaau Le’ole’o 'i he Fakamaau’anga Lahi ‘o Tonga ‘i he Falaite 'i he 'aho 1 ‘o Sepitema, 2023.
Ko hono fokotu'u 'eni 'o Langi ki he lakanga ni ‘o kamata lau 'eni mei he ‘aho 1 ‘o Sepitema ki he 31 ‘o Tisema, 2023 hili ia 'a e 'osi 'o e ta'u 'e 4 'a e hoko 'a Micheal Whitten 'o Melipoane 'Aositelelia koe Tu'i Fakamaau Lahi 'o Tonga 'i he ta'u 'e 4.
Na'e kakato foki 'a e taimi 'o Whitten 'i he uike ai pe kuo maliu atu 'a a na'a ne hoko koe Tu'i Fakamaau Lahi 'i Tonga ni talu mei he ta'u 2019 pea kuo ne foki atu foki ki Melipoane 'Aositelelia.
Na'e pau ai ki he Penolo 'oku nau fili 'a e kau Fakamaau Lahi ki he Fakamaau'anga ke fokotu'u ha Fakamaau Lahi Le'ole'o kene tapuni 'a e ngaahi fatongia 'o e Fakamaau'anga Lahi lolotonga ia 'oku te'eki ke kakato 'a e polosesi ki hono fokotu'u ha Tu'i Fakamaau Lahi ma'a Tonga.
'Oku 'ikai sola 'a Langi ki he lakanga ni he na'e 'osi fokotu'u pe ia ki he lakanga Fakamaau Lahi fakataimi 'i he ta'u 2019 pea na'a ne hoko foki he ngaahi ta'u koe Fakamaau Polisi Ma'olunga 'i he Fakamaau'anga Polisi.
