Si’i kei Nofo Teniti Fāmili 'e 17 ‘i Vava’u ^Featured

Fakatatau ki he lipooti mei he ‘Ofisi ‘o e Kovana Vava’u ‘i hono fakahoko mai ‘e he Letio Tonga, ‘oku mahino mai koe ngaahi fāmili ko’eni na’e faka’auha ‘e he matangi ni honau ngfaahi nofo’anga pea iku ai ke ‘ikai ha toe feitu’u kenau nofo kiai. Ko e ngaahi famili ‘eni ‘i he kolo ko Feletoa, Ha’alaufuli, Tu’anekivale, ‘Utulangivaka, Okoa, Pangaimotu mo Mataika.

Kuo a’utaki mai foki ha fakamatala mei he ngaahi kolo ko’eni ‘oku ‘i he tu’unga fakafiemalie pe ‘a e nofo ‘a e ngaahi fāmili ko’eni pea ‘oku fai pe mo e ngāue ‘a e va’a tokoni afā ‘a e Pule’anga NEMO ke tokoni ki he ngaahi famili ko’eni. 'Oku 'ataa pe foki 'i he taimi tatau ha fa'ahinga tokoni pe 'e malava ke a'utaki ki si'i ngaahi famili ko'eni.

Neongo ‘a e fakatamaki ko’eni mo e faingata’a ‘oku tofanga ai ‘a e ngaahi fāmili ko’eni ka ‘oku nau kei fakahoko pe ‘oku lelei pe ‘a e me’a kotoa fakatatau ki he fakamatala ‘a e faiongoongo ‘a e ongoongo ni mei Vava’u . ‘Oku ‘i ai foki e lea ‘o e Lolo ko e kataki lahi mo e ta’efietō nai ka ‘oku hā mahino mai pe foki ‘a e kei fiemālie pe ‘a e ngaahi fāmili ki he tu’unga ‘oku nau a’u kiai.