'Ulungia 'a e 'Ikale Tahi he Manu Samoa 42-13 Featured
11 Siulai, 2021. Na'e mahino 'a e lelei ange 'a e timi 'a e Manu Samoa 'i he'enau vevela'i 'a e timi 'a e 'Ikale Tahi 'i he mala'e Mt Smart 'i 'Aokalani 'i Nu'usila 'i he efiafi 'aneafi.
Ko e fepaki foki 'eni 'a e ongo timi ni 'i he konga 'o 'ena takitaha feinga ke kualifai ki he fe'auhi Ipu 'a Mamani 'a ia 'oku 'amanaki fakahoko ki Falanise 'i he ta'u 2023.
Na'e 'osi 'a e taimi kakato kuo ikuna 'a e timi Manu Samua 'aki 'a e kai ko e 42 ki he 13 'a Tonga ni.
'I he'ene pehe leva kuo mahino 'e 'i ai 'a e faingamalie toe lahi ange 'o timi 'a e Manu Samoa ke hu hangatonu ki hono tau'i 'o e Ipu 'a Mamani 'i he ta'u 2023 pea kuo pau leva ke vilo 'a Tonga ni 'o toe kau he ngaahi fe'auhi kehemo e ngaahi timi 'i 'Esia 'o hange ko Kolea Tonga. Malaysia pea mo Hongokong ke fakapapau'i pe 'e lava 'o hu ki he fe'auhi Ipu 'a Mamani pe 'ikai.
Na'e fepaki foki 'a e 'Ikale Tahi mo e timi All Blacks 'a Nu'usila he uike kuo maliu atu pea na'e ikuna 'a e All Blacks 'aki 'a e kai ko e 102 ki he 0 'a e 'Ikale Tahi
