Fakafiefia Lava Kakato Fe’auhi Sipoti Faka Kolisi Hono 91 Featured
Fakakaekae ' a e Kolisi Kuini Sālote
Lava Kakato Fe’auhi Sipoti Faka Kolisi Hono 91
Na’e lava lelei atu he ‘aho Falaite ko hono 17 ‘Epeleli ‘a e fe’auhi sipoti faka kolisi hono 91 ‘a e ngaahi kolisi ‘o Tongatapu. Na’e fakafiefia ki he fanau ‘o e ngaahi kolisi ‘a e sipoti ni pea na’e kau mai foki ki ai ‘a e ngaahi motu mei tahi ‘o hangē koe kau sipoti mei he Kolisi Mailefihi & Siu’ilikutapu mei Vava’u, Kolisi Tupou To’a mei Nomuka, mo e fanau Sipoti Fo’i ‘One’one mei he ‘Otu Ha’apai.
Makehe ange mei he fe’auhi anga maheni moe ngaahi metali na’e foaki, na’e fakahoko mo e fe’auhi fakakaekae ‘o fakataumu’a ki hono fakamamafa’i ‘a e ‘aho ‘o e kakai fefine ‘a mamani (International Women Day). Na’e ma’u ‘a e fe’auhi ko’eni ‘e he Kolisi Tonga $1000, ua ‘a e Ako Ma’olunga ‘o Tonga $800 pea tolu ‘a e Kolisi Kuini Sālote koe $ 600.
Ko e ngaahi pale ko’eni na’e fakapa’anga ia ‘e he komiti ma’a e ‘aho ‘o e kakai fefine ‘a mamani pea foaki foki ‘a e pale ko’eni ‘e he ‘Eiki Minisitā ki he Ngaahi Ngāue Fakalotofonua Fe’ao Vakata.
‘Oku kehe foki ‘a e sipoti ‘o e ta’u ni koe ‘ikai kau mai ‘a e taha ‘o e ngaahi ‘apiako lalahi ‘o Tonga ni ‘a e Ako Ma’olunga Liahona. Na’e lava lelei atu ‘a e fe’auhi ni ‘i he funga ‘o e melino pea koe sipoti faka’osi pe ‘eni ‘e fakahoko ki he mala’e Teufaiva kimu’a pea fakahoko ‘a hono langa fakalelei ki he teuteu ki he Sipoti ‘o e Pasifiki ‘I he 2019.
‘Oku ‘amanaki ke foki leva ‘a e fe’auhi sipoti ‘a e ngaahi kolisi ki he mala’e musie ‘a ia na’e talu ‘a e mavahe mei ai ‘a e fe’auhi sipoti faka kolisi ‘i he ta’u 1988.
‘Oku ha atu ‘i lalo ‘a e ngaahi ‘ata mei he ‘aho faka’osi ‘o e fe’auhi ni.
3 comments
-
malo e ma'u ongoongo.... would love to see the medals tally??
-
'Oku lolotonga fakahoko e ngaue ke tuku atu e tepile 'o e ngaahi metali.
Malo -
Ikai omai ola oe sipoti?