Toe hoko atu pe Palesiteni mo e Sekelitali Lahi SUTT
Palesiteni SUTT Faifekau Dr. Tevita Koloa'ia Havea mo e Sekelitali Lahi 'a e Siasi Faifekau 'Alifeleti 'Atiola
28 Sune, 2023. Kuo lava kakato he ho'atā 'o e 'aho ni 'a e taliui 'a e Konisfelenisi 'a e Siasi Uēsiliana Tau'atāina 'o Tonga pea fakahoko ai pe mo honi fili 'a e ongo lakanga ma'olunga taha 'i he Siasi 'a ia koe Palesiteni mo e Sekelitali Lahi.
Kuo toe loto lelei pe 'a e Konifelenisi ke fili 'a Faifekau Dr. Tevita Koloa'ia Havea ki he lakanga Palesiteni pea hoko atu ai pe 'a Faifekau 'Alifeleti 'Atiola 'i he lakanga Sekeleitali Lahi.
Ko hono toe fakahoko 'eni 'a e Konifelenisi 'a e Siasi hili ia hano ta'ofi 'i he ta'u 'e 3 makatu'unga 'i he Koviti-19 pehe ki he fakatamaki fakaenatula Hunga Tonga Hinga Ha'apai.
Na'e laka hake he toko 400 na'a nau kau ki he paloti ko'eni ki he ongo lakanga ni pea na'e ikuna 'e Faifekau Dr. Tevita Koloa'ia Havea 'aki 'a e fili Palesiteni 'a e toko 304 pea ikuna 'aki 'e Faifekau 'Alifeleti 'Atiola 'a e fili Sekelitali Lahi 'aki 'a e fili kiai 'a e toko 304.
'Oku 'amanaki ke huufi 'a e Konifelenisi 'e he Tama Tu'i Tupou VI 'i he efiafi 'o e 'aho ni 'i he Falelotu Senituli.
